ISAIA 15:3 - OTSAO BAIBEL (BSI)

³ Tingjang-lomnu tokya khünaknue nyikhwon awun; tingnu haxsha hia homkhobu to khünaknu mongmaxle mangsop.

ISAIA 15:3 ပူးပေါင်းရင်းမြစ်များ

MATHI 11:21

“Maxsax Korazin! Maxsax Bethsaida! Hünzom ma mokkya ohünotün mwotbu Tair hia Sidon ma mokpuix thüikoxba, nyitsyen zahom awunlaxle labu khato wotle, amiba wüi mong chatkya ahodaose.

JEREMIA 19:13

Jerusalem angkya hom-haxbu, Judah nok wanghom hwom hom-haxbu, ilaxle opang homtok ma lyettsibu ang ongan müikya sobu zokle tamchu mama baozangbu ang ju thokle töbu koxpuix: ibu pangwüi Tofeth lailaile chitsaokya ang changüi.”

ISAIA 22:4

Athax a ibu ku khünaknu mikmaxünkyabu hanpakma mongmaxle sop ang ku to chitsale danhüi. Owaechu ku taxjox.

ISAIA 22:1

Ija a Mikngünohün Haxsha ba angkya kaxho tuita changle. Chempang changle ngopu? Tingnu angkya khünaknue homkho to chem hanpakma pangpwonle ngopu?

ISAIA 15:2

Dibon angkya khünaknu baozang to shwomnui zui ang haxkho to dong. Moab angkya khünaknu a Nebo hia Medeba tingnu nyi mangsop; mongma laxle hwome khangmun hia tunmunbu ongle awüt.

2 WANGHOMBU 6:30

Ija kaxzing atatlaxle wanghompa mongtsik ilaxle chix nyi akyet, ilaxle chix nyi fang to chixe nyikhwon apongle changkya katuk zui ma ngole tüikya khünakbue ngün ang kop.

2 SAMUEL 3:31

Ifüima Dawid-e Joap hia chix khünakbu ang ma nyizabu akyet angkya, nyikhwon awun angkya, ilaxle Abnar hanpakma mangsop angkya kaxtom kox. Panjo pongma wanghompa Dawid chix jaojao mang suak tokfüi ma aham.

TSAITONG-KAXTONG 22:8

“Chemtue nang homzün zaile changüihex, homtok akhople shingmongle jit nom angkya taxalak. Ile chang füima imakhange owawa dütle zikya namtüiba nang ma tsaitox-kaxfe angkya chemchu münbang.

JAKOP 5:1

Üntoxle athax, hünzom ahak-aluakyabu, ku kax apalax! Hünzom hato hüile ngokya sikngün bama hünzom soplax üntoxle akhonglax.

1 SAMUEL 5:12

Chizikyabu ang chuwüi haknüi laikya kak lai ilaxle khünaknu pangnue hwom to asun ang ma baozangbu to nyakle sop.

ISAIA 3:24

Ongan müikya twonhaxkux lüima, hwom onom-osya ang changüi; müikya züpakbu laxtülüi ma pak zu awitüi; kho-wan müile changhaxkux ma, hwom khangko ang changüi; nyi-za lüima, hwome nyikhwon laxüi; hwom sünmüi a zakkop ang changüi!

JEREMIA 48:37

Hwom pangnusae wüi khosex ilaxle kaxmaimun ongle changdaoa. Hwom pangnusae wüi chakbu to zütle changdaoa ilaxle nyikhwonbu apongle changdaoa.

MANGSOP 2:10

Jerusalem angkya zupabu hax ma dangjale thungle ngo, Hwom khangbu to haxbu fu ilaxle tsangtsa ma nyikhwon awunlaxle. Naochabu hwom khang haxchi to akhux.

EZEKEL 7:18

Hwome nyikhwon awunlaxle ngoüi ilaxle hwom abünle maxüi. Hwom khangbu ongüi, ilaxle hwom pangwüi zakkop ma ngoüi.

AMOS 8:10

Kue hünzom pangpwon a mangtsakya ang achangüi ilaxle hünzom mongmüi tsai ang mongma tsai ang achangüi. Kue hünzom khang ongle tamchu nyikhwon apongle chang ang tomüi, ilaxle hünzom a, nao tuita wüi tüikya zile paokya nu-pa hwom ang achangüi. Ija nyix a oshuk kople tüle khax wüi khaxle changüi.