ISAIA 15:2 - OTSAO BAIBEL (BSI)

² Dibon angkya khünaknu baozang to shwomnui zui ang haxkho to dong. Moab angkya khünaknu a Nebo hia Medeba tingnu nyi mangsop; mongma laxle hwome khangmun hia tunmunbu ongle awüt.

ISAIA 15:2 ပူးပေါင်းရင်းမြစ်များ

JEREMIA 48:1

Ija a Moab bama Jowanpa Khüthak Zang-e akaxkya kax: “Nebo khünaknu to chingchahu a— hwom tinglong a amadaoa! Kiriathaim a kopdaoa, shingmongkya hwom zanhunuibu pünle awütdaoa, ilaxle ija angkya khünaknu ang zak-akople;

LIWI 21:5

“Nguapa owaechu ma mong makya aho ang khang ongle chichangüi chichangba janman toxle tsangtsa to chizütüi.

JEREMIA 48:18

Hünzom Dibon ma ngokyabu, hünzom achuak-achenle tüikya ngwotnui tokya thailax ilaxle hax ma labu khato ngolax; Moab ama angkya mix ima tüile ilaxle ija angkya zanhunuibu amale toxdaoa.

ISAIA 3:24

Ongan müikya twonhaxkux lüima, hwom onom-osya ang changüi; müikya züpakbu laxtülüi ma pak zu awitüi; kho-wan müile changhaxkux ma, hwom khangko ang changüi; nyi-za lüima, hwome nyikhwon laxüi; hwom sünmüi a zakkop ang changüi!

TSAITONG-KAXTONG 34:1

Moab haxtok angkya Nebo haxnu ma tüikya, Jeriko zongma handün chikao angkya Piska haxnukho to Mosa dong; ikhato Jowanpae Kanan haxtok bakle chix hato aho; Gilid haxtok a shuathongchi angkya Dan tingnu alople;

HUAKE LAIPEX 21:30

Ikoxle athaxpi ibu putong hwom a amütdaoa, Heshbon makhange Debon alople, Nashim makhange Medeba.” Zui angkya Nashim alople.

EZEKEL 7:18

Hwome nyikhwon awunlaxle ngoüi ilaxle hwom abünle maxüi. Hwom khangbu ongüi, ilaxle hwom pangwüi zakkop ma ngoüi.

JEREMIA 48:31

Ikhoma ku a Moab hia Kir Heres angkya khünaknu pangnusa hanpakma sop angkya changle.

JEREMIA 47:5

Gaza angkya khünaknu hato huanu mongma hüidaoa, ilaxle Ashkelon angkya khünaknu a dang daoa. Mama Filistia nokbue chemtukux mang sople ngoüi?

JEREMIA 7:29

“Soplax, Jerusalem angkya khünaknu; hünzom kho sexle awütdao. Haxkhobu to mangsop tsai ngaokox, chemthüikoxle, Jowanpa, ku ang mongtsikle ilaxle ku khünakbu chilaxle awütdaoa.

ISAIA 22:12

Ifüima Jowanpa Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

ISAIA 16:12

Moab angkya khünaknu haxhua tokya baozangbu shwomnui hia hwom baoshwom hombu to zangjop ang paokyakyae na-juale max, ikoxlechu ijae hwom ang chemfün amüikya chitüiüi.

ISAIA 16:7

Hwome apongle ngokya sikngün khoma Moab nokbu sopüi. Hwome Kir Heres tingnu ma saxle ngohomkya sütmüi-lingmabu texle atak pongma hwom a sopüi. Hwom a khosam ashukkya zangwin-zanghan hato apaoüi.

ISAIA 15:3

Tingjang-lomnu tokya khünaknue nyikhwon awun; tingnu haxsha hia homkhobu to khünaknu mongmaxle mangsop.

ISAIA 14:31

Fongmix lomle akhongle wotkox, Filistia tingnubu hünzom pangwüi! Zalax, hünzom pangwüi! Shuakuxchi tokhange zangfwom ningle haxkhix-labu hüile ngole — ija a ojao chizakya süpahibu hüikya changle.

JOB LAIPEX 1:20

Ifüitomle Job ajong üntoxle mongma laxle chix nyi-za akyet. Chixe khang ongle awut ilaxle thün haxchi to ajole akhux.

TSAITONG-KAXTONG 14:1

“Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.

HUAKE LAIPEX 32:38

Nebo, Bal Meon (ija mün mama le kox), ilaxle Sibmah, ibibi tinglongbu azünle zinglaxle ngo. Hwome azünle zingkya tinglongbu ang hwome mün mamale kox.

HUAKE LAIPEX 32:3

“Jowanpae Israel khünaknu to tingkop-haxzingle hüi ang asunle hüikya ibu—Ataroth tinglong, Dibon, Jazar, Nimrah, Heshbon, Elialeh, Sibmah, Nebo, ilaxle Beon—ibu a müitsom ang müikya haxtok changle, ilaxle kwom ang tsom-pom huanuma tüile.

LIWI 13:40

Owawa ang khang angkya khomun dütle jangchang, chix a khanghwon ikoxlechu otsao changpu. Ikoxle chix khangpong angkya hia namya angkya kho dütkyae khangkokya lan.

HUAKE LAIPEX 21:28

Hanpak tuita ma ija Heshbon tingnu makhange Sihon süpahibu wünle lailaile pao; Ijae Moab nok angkya Ar tingnu amüt, Ilaxle shuakuxchi Arnon angkya haxnubu zokle ashun

2 SAMUEL 10:4

Hanun-e Dawid-e akatkya khünakbu kop, kaochi kaxmai mun ongle awüt, hwom nyizabu khyadax kople sexle awüt, ilaxle hwom chat ang tom.

JEREMIA 3:21

Haxnukho to ozing tuita atat: ija a Israel khünaknu sopkya hia chingcha jukya zing changle chemthüikoxle hwom a ochax ma ngole hüilaxle Jowanpa hwom Zang alakle changdao kox a.

JEREMIA 47:2

Chixe thüi: “Hulax! Shuakuxchi ma ti mwople dongle shuanu tuita tichen mualyemle fütkya ningle a. Ibue chaxwantok tamchu ima atüitüi to komle chwopüi, ikhato to tüikya tingnubu hia khünaknu pangwüi to a. Khünaknue fonghüile akhongüi; chaxwan tok ma tüikya pangwüi mongmaxle sopüi.

JEREMIA 48:35

Moab noke zokle ashunkya töbu koxkya hia hwom zangshwom nuibu tokhange hwom baozangbu ang tö koxle changkyabu kue azaküi. Ku, Jowanpae ija akaxdaoa.

EZEKEL 27:31

Nang hanpakma hwome kho ong Ilaxle hwome nyikhwonbu awun. Hwom sople changpongma mongto tüle kak.

EZEKEL 30:2

Chixe thüi: “Ziün angkya khünak, ku, Jowanpa Khüthak Zang-e chempang akaxle ngopuix, ibu aje-kox ilaxle tsing ang tomkox. Nange zangwün ibu khuapu angkya changpu: Tuita thama hanpak hüile ngole!

AMOS 8:10

Kue hünzom pangpwon a mangtsakya ang achangüi ilaxle hünzom mongmüi tsai ang mongma tsai ang achangüi. Kue hünzom khang ongle tamchu nyikhwon apongle chang ang tomüi, ilaxle hünzom a, nao tuita wüi tüikya zile paokya nu-pa hwom ang achangüi. Ija nyix a oshuk kople tüle khax wüi khaxle changüi.

1 PUKAX-PANGAO 19:4

Hanun-e Dawid-e akatkya khünakbu kop, hwom kaxmai munbu ongle awüt, hwom nyizabu khyadax kople sexle awüt, ilaxle hwom chat ang tom.

JEREMIA 49:3

Heshbon angkya khünaknu soplax! Ai a amütdaoa! Rabbah angkya shekobu, mangsople ngolax! Nyikhwon awunlaxle mangsoplax. Khosam ashukle zikle ahamlax. Hünzom baozang Molek a koplaxle paoüi; ija füi tomle chix thothale ngokya hia zompu-zangpabu koplaxle paoüi.