ISAIA 14:4 - OTSAO BAIBEL (BSI)

⁴ Chemtue chixe ija moküihex, hwome Babilon nok wanghompa ajaole ile akax angkya changle: “Müishix-mixma wanghom nguakdaoa! Chixe athax owawa tochu zothuple münchangüi!

ISAIA 14:4 ပူးပေါင်းရင်းမြစ်များ

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

MIKNGÜN-OHÜN 18:16

ilaxle thüiüi, “Ku taxaza! She zongma chemtukuxkya thama hex! She-e jaknyi, baxnat, nyikhikbu awun; thalix long hia liknu, ibu füi zingkya likwün füi, aza-apua laxle tüikya changdai!

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

HABAKUK 2:17

Lebanon faonu hünzome shapu; athax hünzom dakle anguaküi. Ija angkya müi hünzome langpu; athax a müie hünzom chabüt-lasün ang tomüi. Ija a hünzome mik-lang mix-huak tamchu chaxwannu angkya tingnubu hia ibu ma tüikya khünakbu zan to kale changkya khoma ile chang ang tomüi.

DANEL 2:38

Zangfang ma tüikya khünak-mixsa, müi-nyax hia o-ju ibu pangwüi thakma apün-awang angkya mix ang chixe nang zingpu. Chapa angkya hun khang a nang changle.

EZEKEL 5:15

“Chemtue ku ang hünzom füi mongtsik mongma laxle hünzom to sikangünle changüihex, hünzom akhople tüikya ting-nokbu a abüt-abanle changüi. Hwome hünzom to ajaole huüi ilaxle hünzom wanjaile changüi.

MANGSOP 4:1

Jikjeple ngokya kwom hun bidaoa; Zangshwom-Hom angkya longbu tingjang to chiakle thomle.

JEREMIA 24:9

Hwom hato kue chisumüikya thama-thomshix apüiüi oja thotho chaxwan tok angkya khünaknu nok wüi khomtsile changüihex. Khünaknue hwom chanyi-wanjaile changüi, ajao-ahaiüi, ilaxle kue hwom chiakle apaokya chaxwan pangkha towüi hwom mün a tuita othuak-ozom lom to twonüi.

ISAIA 51:23

Kue ija a hünzom to afangle thomkyabu ang koxüi, hünzom lomnutang to nguak ang tomkyabu ilaxle haxthom to tingpupule hünzom to tingkyabu ang a.”

ISAIA 47:5

Jowanpae Babilon nok ang thüi: “Dangjajakya hia zangnak fangto ngolax; hwome athax nang ang zangfang wangchanu le münnyakpu

ISAIA 14:17

Tingnubu olithule ama ilaxle zangfang sak-hax ang achangkya khünak ija changchami? Chixe kople thomkya khünak chidan chichangba paole azang ang chitomle thomkya mix ija khünak changchami?”

ISAIA 14:6

chix a mongtsik ashukle khünaknu to zothuple ngokya ilaxle chixe kople tsuakkya jat-libu to zothupkya tamchizakkya mix changkya.

ISAIA 13:19

Babilon a pangnu nok füi osün sümüikya wangting changpu; ija a ima tüikya khünaknu mongngam angkya tuita. Ikoxlechu chemle Sodom hia Gomorah nok asongle thokpuix ilailaile Jowanpa, kue Babilon chuwüi asongle thokle awütüi!

2 PUKAX-PANGAO 36:18

Babilon nok wanghompa-e, Zangshwom-Hom, Zangshwom-Hom tuinabu, wanghompa hia chix nguakax-wangkho hwom tuinabu, ibu pangwüi tsuile koplaxle Babilon nok to kat.

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

ISAIA 13:1

Ija a, Babilon nok hanpakma Amoz sasün Isaia-e Zang tokhange kopkya kaxho changle.

ISAIA 14:5

Jowanpae ochax lompabu tsak-zong ashuk ang tomle;

ISAIA 16:4

Kwom hünzom haxtok ma ngo ang tomhüi. Kwom amüt ang tungle ngokyabu chak tokya kwom azünhüi.” (Zothup hia thama ashukdaoüi, ilaxle haxtok thomjole ngokyabu paole samdaoüi.

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 54:14

Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

ISAIA 21:2

Mongtsik füi sikangünkyabu, dyen ngokya hia olithu angkya thama, ibu ku mikza ma kue ngündaoa. Elam nok süpahibu, singkox! Medi nok süpahibu, donglaxle tingnubu kopkox! Babilon makhange ahüikya thangnak pangwüi Zang-e ashuk ang tomdaoa.

JEREMIA 48:17

“Ija jat-li hanpakma mangsoplax, hünzom hozui ma ngole tüikyabu, ija münfua awanle ngokya hünzom pangwüi. Akaxkox, ‘Tüle tsak-zongle apün-awang ngokya ija janzüi madaoa; ija fuazang hia tho-lünkya athaxpi müntüi.’