ISAIA 14:1 - OTSAO BAIBEL (BSI)

¹ Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

ISAIA 14:1 ပူးပေါင်းရင်းမြစ်များ

MÜNCHUAK-TSAI 102:13

Nang ajongüi ilaxle Zaion to chingchale changüi; she to chingcha angkya hanpak nguile hüile; ija a asukya hanpak-zanghan changle.

ZEKARIA 1:17

Kaxtaimix-e ku ang ija kax apuk angkya akax: “Jowanpa Khüthak Zang-e thüile, chix tingnu a tamchatle ahak-aluale changüi üntoxle chixe Jerusalem to tamchatle fongüi ilaxle ija a chix tingnu changpule laxüi.”

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

JEREMIA 50:33

Jowanpa Khüthak Zang-e thüile: “Israel hia Judah angkya khünaknu to afangle thomle. Hwom kopkya khünakbue hwom to hozui makhange khile hungole ilaxle hwom pao ang mündanüi.

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

ISAIA 66:20

Hwome hünzom füikya Israel khünakbu ku hato hingho tuita ningle laxle apüiüi. Hwome ibu a Jerusalem angkya ku otsao haxnukho to apüiüi ibu a mankho ma, mantsakbu kho ma, ilaxle utbu kho ma, man-kanlin hia maihue linkya zyenbu kho ma apüiüi; ija a Israel noke zanglom ma otsao ang twonle ngokya tik-lakbu ma Zangshwom-Hom to töbu apüile koxkya ningle changüi.

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

ISAIA 44:1

Jowanpae thüi: “Athax apakoplax, Israel, ku da, kue zünle kopkya khünakbu, Jakop sixli hwom.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

ISAIA 27:6

Hüi angkya hanpak ma Israel khünakbu, opang Jakop sixlibu changpuix, hwome pün tuita ningle tsingjule naxchang, ilaxle ibu asok laxle puale naxchang. Chaxwan tok a ibu pünziak füi ule naxchang.

MÜNCHUAK-TSAI 143:12

Ku tokya nang mongkün tokhange, ku zanpabu mik-amüt-hüi ilaxle ku to zothuple changkyabu pangwüi max ang tomkox, chemthüikoxle ku a nang dapa changle.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

ESTAR 8:17

Wanghompa-e apukkya kaxho ojongpang to epuix, ibu haxtok pangkha towüi Judah khünakbue mongmüi tungle fongkhale nui. Otsingtsingma, athax khünakbu hwom thua zalaxle huanuma Judah khünak ang achangle hüi.

KAXHO MÜIKYA LUK 2:32

Mixnokbu hato nang mongtex ngai angkya, zang-ngai üntoxle nang khünaknu, Israel hato fuazang apüi angkya bama.”

KAXHO MÜIKYA LUK 1:54

Kem putong hwom füikya, tsaosüt chixe thom; ilaxle chix da Israel, to fong ang ngui.

ISAIA 41:9

Kue hünzom haxtua-zangnam tokya apüipu; kue hünzom ochu tokya nyakle apüipu ilaxle hünzom ang thüipu, ‘Hünzom a ku dapabu changle.’ Kue hünzom chilaxle chiawüt, ikoxle zünle mix koppu.

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

ISAIA 49:15

Ikhoma Jowanpae lan: “Honu tuitae ma naosa alak ang tho ang cha tamchu she-e ngünkya nao to chikün-chiluale tüi ang cha? Onu tuita ma naosa tuita alak ang thokoxle chu, kue hünzom alak ang müntho.

ISAIA 49:25

Jowanpae lan: “Ija a chemle changüihex ija changpu. Süpahibu kople thomkyabu a tswonle paoüi, ilaxle mixtsak-naomüie tsui kopkya tuina pale kopüi. Nang füi azankya mix füi ku azanüi, ilaxle kue hünzom naosom hwom kho-awa kopüi.

ISAIA 54:3

Hünzome hünzom longzi pangnu chito wüi achenle zingüi; hünzome hünzom haxtok achatle kopüi athax pongma mixnoke kople thomkya haxtok a. Athax awütle thomkya tingnubu a khünake awangüi.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

ISAIA 56:3

Jowanpa khünakbu füi womle tüikya mixnokbue: “Jowanpae ku ang chix khünaknu füi tomle chix shwom ang müntom angkya changle le chiakaxüi.” Lwomzüi laxle tüikya khünakbue, hwome su-sa pux-paile chang ang chithokya khoma, chix a Zang khünaknu füi tomsax-tommok angkya chemchu müntüile chithüi angkya changle.

ISAIA 60:10

Jowanpae Jerusalem ang thüi: “Hünzom katukbu a mixnokbue zingüi, Ilaxle hwom wanghombue hünzom thothale changüi. Ku mongtsik ma kue hünzom to sikangünpu, Ikoxle athax a kue hünzom hato ku mongkün hia chingcha ahoüi.

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

EZEKEL 47:22

ija a jento hünzom kux ang ngoüi. Hünzom khato ngole tüikya mixnokbu ilaxle opange ikhato supux-sapaile ngole tüipuix, hwome chuwüi hünzome ija haxtok tom-hanle changpongma hwom süntswon kop angkya changpu. Ibu to Israel nok nokpu tuita ningle huüi ilaxle hwome chuwüi Israel nok homjenbu füi tomle hwom haxtok kop angkya hanpakma chizing tswon ang tom angkya changle.

MÜNCHUAK-TSAI 102:14

She pünle ama daokoxle chu nang dabue she to mongkünle; she pünle ama thomdaobachu, hwome she to chingchale, hwome she to chingchale.

ISAIA 19:18

Chemtue ija hanpak nguile hüiüihex, Ibri zangwün a Ijip nok angkya tingnu aga ma wünüi. Ikhato ngole tüikya khünakbue Jowanpa Khüthak Zang mün ma tsaotsütle changüi. Hwom kha angkya tingnu tuita ang: “Zanghan Tingnu”, le nyaküi.

ISAIA 21:1

Ija a Babilon nok ba angkya kaxho changpu. Sak-hax akaile shangflo anguixle hüikya ningle, za-adünkya haxtok tokhange thama hüiüi.

ISAIA 47:1

Jowanpae thüi: “Babilon, nang tüntongkho tokya juün, ilaxle haxkha to haxbu khato ngoün. Hanpak tuita ma nang naochasa ningle tüikya, tingtakle machangkya tingnu tuita ningle a, ikoxle athax nang puinaile hia tsaothale tüchitüi! Athax nang a da tuita changle!

JEREMIA 16:15

Itülüi, ku a, shuakuxchi nok tokya tamchu kue hwom chiakle asam thomkya nok tokya Israel khünaknu khosünle apüikya khüzün Zang changpule ku mün ma tsaosaxle changüi. Kue hwom pupa hwom ang koxkya hwom haxtok towüi chatle apüiüi. Ija kax Jowanpa, kue akaxdaoa.”

JEREMIA 30:8

Jowanpa Khüthak Zang-e thüi: “Chemtue ija nyix nguile hüipuix, hünzom dingkux ma tüikya danglang hia ima tüikya janbüibu kue daüi, ilaxle hwom a chemtuechu mixnok dahaibu ang achangle münngoüi.

JEREMIA 31:4

Tamchatle kue hünzom zingüi. Hünzome khopsyabu koplaxle tamchatle mongmüitungle azüi ang kopüi.

JEREMIA 51:51

Hünzome thüitüi, ‘Kwom a thajao wünhaile chang ang tomdaoa; kwom a monghik ashukle tüile chemthüikoxle mixnokbue Zangshwom-Hom angkya otsao nuibu bakle kopdaoa.’

EZEKEL 16:60

Ikoxlechu nang naosom ma tüitanto nang füi zingkya ku tsaotsüt bama kue achuak-achenle changüi, ilaxle tamchu chiashuk tox angkya tsaotsüt kue nang füi zingüi.