ISAIA 13:5 - OTSAO BAIBEL (BSI)

⁵ Hwom a tsailo nok haxtua-zangnam tokyabu nguile ngokya changle. Mongtsik ashukle Jowanpa a onok pangwüi amüt ang nguile ngole.

ISAIA 13:5 ပူးပေါင်းရင်းမြစ်များ

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 50:9

Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.

JEREMIA 50:3

“Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

ISAIA 24:1

Jowanpae chaxwannu a ohua ang achangüi ilaxle ija chilaxli ang dantoxüi. Chixe chaxwan thün nongnong-püilüile achangüi ilaxle ikha angkya khünaknu chiakle asamüi.

ISAIA 13:17

Jowanpae thüile: “Kue Babilon nok to sing angkya hanpakma Medi nok to lüixle apuküi Hwom zongto khop-jan a chem angchu münchang ilaxle hun makhange hwom to thwontsing ang müntho.

ISAIA 5:26

Tsailo nok sele lax angkya hanpakma Jowanpae mowan koxle. Haxtua-zangnam tokhange hwom ngui angkya, hwom hanpak ang chixe pipit mütle. Ilaxle nonokhaile tamchu otsuaktsuak ma akhangle hwom nguile!

2 SAMUEL 1:27

“Naomüi süpahibu nguakdaoa, hwom chang-paxbu dantoxdaoa laxli chitüile.”

ISAIA 7:18

“Chemtue ija hanpak nguile hüiüihex, Nail shuakux-tsim tokya Ijip nok hwot nguikya ningle ngui angkya, tamchu Asiria nok hwom haxtok tokya nax-lang ningle ngui angkya hanpakma hwom sele Jowanpae pipit mütüi.

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

ISAIA 26:20

Hünzom ma homkhabu to dongkox, ku khünakbu, ilaxle hünzom tokfüi ma kabu hakdao. Zang mongtsik akaile hünzom onox ma azwonle ngokox.

ISAIA 30:27

Jowanpa tsak-zong hia fuazangkya a tsailo tokhange ngün ang tsuaküi. Wün hia wünkhute chix mongtsik ahole. Chixe zangwünle, ilaxle chix kaxe wüne zokkya ningle zokle.

ISAIA 34:2

Jowanpa ang chaxwannu nok hia hwom süpahibu füi mongmale. Chixe hwom max angkya hanpakma ahaile changdaoa.

ISAIA 48:14

“Asoxle ilaxle apalax, hünzom pange wüi! Baozang owaechu füichi hanpak wün ang müntho kue zünle kopkya khünakbue Babilon nok to sing ang thoüile a; chixe kue chem texpuix ija moküi.

ISAIA 66:14

Hünzome chemtue ile changkya ngünüihex, hünzom ang mongmüiüi. Ijae nang tsak-zongle tamchu tsangtsa fan müile ngo ang tom. Ifüima, Jowanpa, kue ku kax ma laxle ngokyabu to kue fongle hüikya, ilaxle ku zanpabu hato ku mongtsik ahokya hünzome awanle hüiüi.”

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

JEREMIA 50:25

Kue ku chang-paxbu athünle thomkya kha onui dap daoa, ilaxle ku mongtsiktsik ma kue ibu alaidaoa, chemthüikoxle, ku, Jowanpa Khüthak Zang ang Babilon ma mok angkya mwot tütüile.

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.