ISAIA 13:11 - OTSAO BAIBEL (BSI)

¹¹ Jowanpae thüi: “Kue chaxwannu hato thama apüiüi ilaxle hwom ochax khoma ochax khünakbu to sikangünüi. Kue mongngam füikyabu pangwüi adangüi ilaxle mix kax to na chithale hia mongshix-mongmale tüikyabu pangwüi to sikangünüi.

ISAIA 13:11 ပူးပေါင်းရင်းမြစ်များ

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

ISAIA 5:15

Pangnusa wüi chingchacha chitüile awütüi ilaxle owa angamle ngolaxpuix chix a puinai ang tomüi.

ISAIA 26:21

Jowanpa a chix ngwotnui zangkangting tokhange, hwom ochaxbu khoma chaxwannu angkya khünakbu to sikangün ang nguile ngole. Chaxwan tok ma zuile mix mik amütkyabu kotok to angaiüi, ilaxle mik amütdaokyabu chaxwantoke athax pyenle münthom.

ISAIA 14:21

Mikmüt owang naxwang! Hwom pupa hwom ochaxbu khoma ija wanghompa su-sa hwom ziüi. Hwom opupuechu ija chaxwan to apünle chichangba ija ma tingnubue awangle chang ang müntom.

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

ISAIA 3:11

Ikoxlechu ochax khünakbu a maxdaoa; hwome mix to chemle hwondaopuix ija athax hwom to hwonüi.

ISAIA 2:17

Khünaknu mongngam ashuküi, ilaxle khünaknu mongngam amadaoüi. Chapabu a komkaile maxüi, ilaxle ija nyix a Jowanpa, chix tata tix achuak-achenüi.

JOB LAIPEX 40:12

Changle, ibu to hulax üntoxle ibu fangto ajokox; hwom ajongle tüikya khama chichang-chizangkyabu nakle akhixkox.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

ISAIA 14:5

Jowanpae ochax lompabu tsak-zong ashuk ang tomle;

ISAIA 22:14

Jowanpa Khüthak Zang, chix jaoe ku füi akaxle thüi: “Hwom ozün ma ngokya kopkya ija ochax hwom ang thailak tüiüile münchang. Ku, Jowanpa Khüthak Zang-e ija akaxdaoa.”

ISAIA 23:9

Ija a Jowanpa Khüthak Zang mwot changle. Hwome mokdaokya mwot bama tüikya hwom mongngam oshuk hato ahüi angkya hanpakma tamchu hwome achuak-achenle tüikyabu tha ajao angkya hanpakmale chixe ile mokkya changle.

ISAIA 24:21

Jowanpae thakchi tokya tsak-zong hia zangfang angkya lompabu to sikangün angkya hanpak hüile ngole.

ISAIA 25:3

Tüle tsak-zongle tüikya nokbue nang achuakle changüi; mongtsik ashukle tüikya tingnubu to nang thua zakya tüiüi.

ISAIA 29:5

Jerusalem, nang to singkya mixnok pangwüi haxkhi-labu ningle pikle paoüi, ilaxle ija büt kopkya hwom süpahibu a tsaxfa ningle pikle paoüi. Allele tamchu sukhachinale ngopongkhae

ISAIA 29:20

Ija a mix to afangle thomkya hia Zang tha ajaokya oshuk ang achangüi. Ochax khünak pangwüi amütüi.

ISAIA 65:7

hwom ochax hia hwom pupa hwome achaxkya ochaxbu hanpakma. Hwome songsaribu zomtong haxnukho to töbu zokle changdaoa ilaxle ku mün amale akaxdaoa. Ikhoma hwom mwote lomkya ningle kue hwom to sikangünüi.”

JEREMIA 48:29

Moab a müimamale ngamle! Ibu khünakbu chemtukux ngamle, künngam-mongngame awangle, tamchu mixdyen-mixlale tüipuix, hwome hwom hanpakma alüile chemtukux ajangtüipuix, ibu kue atatle hüidaoa.

HABAKUK 2:4

Ilaxle kaxho a ija changle: ‘Opang ochax changlaxpuix ozün ma münngoüi, ikoxlechu opang otsao changlaxpuix hwom ngoüi büthüikoxle hwome Zang to hwom mongong thom.’”

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.

ISAIA 25:5

zuazoxkya haxtok to khamkya ningle. Ikoxle Jowanpa, nange nang zanpabu adang; mongtsik ashukkya khünakbu okhong-okha nange adang, zangkhamkya nyix zangfwome akongkya ningle.

DANEL 4:34

Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.