ISAIA 12:6 - OTSAO BAIBEL (BSI)

⁶ Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

ISAIA 12:6 ပူးပေါင်းရင်းမြစ်များ

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

EZEKEL 48:35

Katuk pangwüi athüt koxle fak 10, 080 pongle changle. Athax makhange ija tingnu mün a “Jowanpa a Ikhama Tüile!”, le changüi.

ISAIA 54:1

Jerusalem, nang a naosa chitüikya mixcha tuita ningle changkya, ikoxle athax a nang tsaingao tamchu mongmüi to akhong ang tho. Athax hünzom ang naosombu huanuma tüiüi lüka mixpa tuitae otuechu danle chitoxkya mixcha ninglea!

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 40:9

Jerusalem, haxnu tsuakya kho to donglax ilaxle kaxho müikya apuklax! Akhongle nyakkox, Zaion; kaxho müikya apuk-kox! Ojao taxza ikoxle apuk-kox. Judah angkya tinglongbu hama apuakox Zang nguile ngole le a!

MÜNCHUAK-TSAI 71:22

Kue otsingtomtata ma thuaput waxmaibu füi nang achuaküi; kue chialekya nang mongong bama nang achuaküi, ku Zang. Ku thuaput waxmai ma kue achuakle tsai ngaoüi, nang a Israel nok Otsao Zang changle.

ZEFANIA 2:5

Hünzom Filistia nok, opang tinu achole ating-anokle tüilaxpuix, hünzom olithupu. Jowanpae hünzom hanpakma zangwün tsuakdaoa. Chixe hünzom olithuüi, ilaxle hünzom mixhuak tuita danle chitoxüi.

EZEKEL 43:7

“Ziün angkya khünak, ku ngwotnui ikhama tüile. Ku ikhama Israel khünaknu füi tomle ngo angkya ilaxle othuithuima hwom thakma apünle ngo angkya changle. Athax Israel khünaknue wüi changlax hwom wanghombue wüi changlax owaechu, mixnokbu baozangbu to shwomkya makhange chichangba zan ma maxkya hwom wanghom hwom mangbu akhün laxle ibu chapabu ajongle changkya makhange ku otsao mün amale münchang angkya changle.

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 33:24

Kem haxtok ma ngokya owaechu tamchatle kaklak bama kaxthup-ngaotünkya müntüiüi, ilaxle ochax pangwüi thailakkya tüiüi.

ISAIA 30:19

Hünzom Jerusalem ma ngokya khünaknu otuechu münsopüi. Jowanpa a chingchae awangkya changle, ilaxle chemtue hünzom chingcha jule chix hato sople akhongüihex, chixe hünzom zangjop to lanüi.

ISAIA 24:23

Lyetnu a nakle paoüi, ilaxle zanghane nyankya zakle maxüi, chemthüikoxle Jowanpa Khüthak Zang a wanghom ang changüi. Chixe Jerusalem ma Zaion Haxnu dingma apün-awangle changüi, ilaxle khünaknu lompabue chix fuazangkya ngün ang kopüi.

ISAIA 10:24

Zaion ma ngole tüikya chix khünaknu ang Jowanpa Khüthak Zang-e thüile: “Ijip nok lailaile hwome hünzom to zothuple tüikoxchu hünzom a Asiria nok thua taxza.

ISAIA 8:18

Ikhama ku Jowanpae ku ang koxkya naosom hwom füi tüile. Jowanpa Khüthak Zang owa ngwotnui Zaion Haxnu ma tüipuix, chixe kwom a khüzün kaxho tuita ang ahüikya changle.

MÜNCHUAK-TSAI 132:14

“Ijongkha a othuithuima ku ngwotnui changle; imakhange apün-awangle chang angkya ku ang mongtsule.

MÜNCHUAK-TSAI 89:18

Nange, O Jowanpa, kwom kho-awapa zünle kop; nang, Israel nok otsao Zang-e kwom ang wanghom koxpu.

MÜNCHUAK-TSAI 68:16

Tüle chongkya nang Bashan haxnukho ma zangshwomkyabue Jowanpa ngokya haxnukho ma zangshwomkyabu to büthüikoxle tsak-khule tüipu? Jowanpa ikhato othuithuima ngo angkya changle!

MÜNCHUAK-TSAI 46:5

Zang a ija tingnu ma tüile, ilaxle ija a otuechu münmaüi; huazungle zangngai sheme wüi ija to asun ang chix nguiüi.

MÜNCHUAK-TSAI 99:2

Jowanpa a Zaion ma jatho-jalün ang ngole tüile; chix a zangfang pangnu thakma akhokya changle.

ISAIA 1:24

Ikhoma athax, Jowanpa Khüthak Zang, Israel nok Zang-e ile akaxle ngokya to apalax: “Kue nang to olüix khomüi, hünzom ku zanpabu, ilaxle hünzome ku ting münatüiüi.

ISAIA 24:14

Ozün ma atale toxkyabue mongmüi tsai ngaoüi. Hannopchi tokyabue Jowanpa a tüle chongle le thüiüi,

ISAIA 60:16

Chaxwannu nok hia wanghombue hünzom to humele Nao honu tuitae naosa to humekya ningle a. Hünzom a, Ku, Jowanpae sünle kopkya changpule hünzome tüküi, Israel nok Khüthak Zang-e hünzom dankya changpule a.

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

EZEKEL 35:10

“Jowanpa, ku a hwom Zang ang ngole tüingale ngaxchu, Judah hia Israel onok anyi, hwom haxtokbu füi afomle hünzome kopdaokya hünzom kux changpule hünzome thüitüi.

EZEKEL 39:7

Kue tütakoxlechu ku khünaknu Israel nok ang ku otsao mün awan ang tom angkya wüi, ilaxle otuechu kue ku mün amale chang ang müntox. Ifüima zangfangjae ku a Jowanpa, Israel nok otsao Zang changpule awan ang kopüi.”

EZEKEL 48:8

Ija othom anyi lükya haxsüt a tomkux ang süile tuikya haxsüt. Ija a shuakuxchi makhange shuathong chito jule okhao ma mai 10, ilaxle itukuxkux wüi olwot ma handünchi makhange hannop chito, homjenbu ang ahanle koxkya haxsüt füi tomwüile tüikya. Zangshwom-Hom a ija wankam ma zai angkya chang.

HOSIA 11:9

Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

HUAKE LAIPEX 23:21

Israel khünaknue füichima Shoma hia sikngün münapongüile kue ngünle tsuakle. Jowanpa hwom Zang a hwom füi tüile; Hwome chix a hwom chongwangpa changpule khuapule.

TSAITONG-KAXTONG 23:15

“Da tuita hopupa ha angkya paolaxle chix khang azang ang nang hato nguile jangchang, chix a hopu hato wüi chat ang tomkox.

MÜNCHUAK-TSAI 135:21

Zaion ma tamchu Jerusalem, chix hom ma Jowanpa achuak kox. Jowanpa achuak kox!

ISAIA 33:21

Jowanpae chix fuazang kem hato ahoüi. Kem a shuanu khaokyabu hia shuasabu zui ma ngoüi, ikoxlechu zan-nokbu khua ikhato münahamüi.

JOEL 2:27

Ifüima, Israel, hünzome ku hünzom khama tüikya awanle laxüi; ku a Jowanpa hünzom Zang changpu, ku boma Zang mama tam-müntüi, le hünzome tsingle laxüi. Ku khünakbu chatle thajao wünhaile chang ang müntom.

ZEKARIA 2:9

“Jowanpa chix jao hünzom füi alünle azanüi, ilaxle hanpak tuita ma hünzom zanda ang ngokyabue hünzom maxsam ang tomüi.” Chemtue ibu pangwüi changle hüiüihex, ku a Jowanpa Khüthak Zang-e ahüikya changpule noknusa awan ang kopüi.