ISAIA 12:5 - OTSAO BAIBEL (BSI)

⁵ Chixe chongkya mwotbu mokle changdaokya khoma Jowanpa achuakle tsai ngaokox. Kaxho a zangfang noke atat ang laxkox.

ISAIA 12:5 ပူးပေါင်းရင်းမြစ်များ

MÜNCHUAK-TSAI 98:1

Jowanpa ang tsaizün tuita ngaokox; chixe ohünotün mwotbu mokdaoa! Chix tsak-zong hia otsao janzüi makhange chixe zan lüt ang thodaoa.

LAIPAO 15:1

Ijama Mosa hia Israel khünakbue ija tsai ngaole Jowanpa achuak: “Kue Jowanpa achuak-achenpu, chixe fuazangle lütkya khoma; Chixe man hia ibu ahamkyabu pangwüi tinu mongto awüt.

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

ISAIA 40:9

Jerusalem, haxnu tsuakya kho to donglax ilaxle kaxho müikya apuklax! Akhongle nyakkox, Zaion; kaxho müikya apuk-kox! Ojao taxza ikoxle apuk-kox. Judah angkya tinglongbu hama apuakox Zang nguile ngole le a!

LAIPAO 15:21

Miriam-e hwom hanpakma tsai ngao: “Jowanpa achuakle tsai ngaokox, chemthüikoxle chixe fuazangle lütdaoa; chixe manbu hia ima ngakyabu tinu mongto tswonle awütdaoa.”

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

MÜNCHUAK-TSAI 105:2

Jowanpa achuakle tsai ngaokox; chixe mokdaokya ohünotün mwotbu mo wünkox.

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

ISAIA 24:14

Ozün ma atale toxkyabue mongmüi tsai ngaoüi. Hannopchi tokyabue Jowanpa a tüle chongle le thüiüi,

ISAIA 42:10

Jowanpa ang tsaizün tuita ngaokox; chix achuakle ngaokox, chaxwannu pangnu! Chix achuak kox, hünzom tinu mongto khua ma ahamkyabu; chix achuak kox, tinu mong tokya zünmoknüsae! Ngao kox, ikhato ngole tüikya tsailo nokbue!

ISAIA 42:11

Sak-hax hia ima tüikya tinglongbue Zang achuak kox; Kedar angkya khünakbue chix achuak kox! Sela tingnu ma ngole tüikya khünaknue haxnukhobu tokhange mongmüi to akhong kox!

ISAIA 44:23

Mongmüile akhong kox, hünzom zangdingkhobu! Akhongkox, haxmong to zukyabu kha! Mongmüi to akhong kox, haxnubu, ilaxle fao ma tüikya pün-zua pangwüi! Jowanpae chix chongkya ahodaoa chix khünaknu Israel nok khosünkya makhange.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.