ISAIA 12:4 - OTSAO BAIBEL (BSI)

⁴ Khünaknue tsaingao angkya hanpak tunu nguile ngole, “Jowanpa ang münchong fakox! Hünzom to asun angkya chix se-kox! Chixe mokdaokyabu pangnu jat-li hato apuale laxkox! Hwom hama chix chemtukux chongpuix ija apua laxkox!

ISAIA 12:4 ပူးပေါင်းရင်းမြစ်များ

MÜNCHUAK-TSAI 105:1

Jowanpa ang münchong fakox, chix chongkya bama apuk-kox; chixe chempang mokdaopuix ibu zangfang hama wünkox.

1 PUKAX-PANGAO 29:11

Akhole tsak-zongkya, fuazangkya, fixfax-jikjeple müikya, tüle zaxzangkya Zang a nang changle. Ding hia hax ma atüitüi komkaile nang kux, ilaxle nang a chongwang hwom pangnu thakma apünkya Zang.

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

JUHAN 17:26

nang ma ku to künkya mongkün oja tüipuix, ija mongkün hwom ma naxngo; ile ku chuwüi hwom ma naxngo ang, kue nang hwom hama apuale fadaoa. Tamchu kue ile othuithuima mokle ngo angkya changle.”

JEREMIA 50:2

“Chaxwannu nok hato kaxho laxkox! Ija khuapukox! Mowan ahokox ilaxle kaxho tsingang tomkox! Ija khom-pyenle taxthom! Babilon a nguakdaoa! She baozang Marduk a thuple amadaoa! Babilon nok chapabu ang zak-akopdaoa; nushixdongkya she chapabu a asumdaoa!

MÜNCHUAK-TSAI 57:5

O Zang, nang zaxzangkya zangdingkho to ahokox, nang fuazangkya chaxwan pangnu thakma ahokox.

MÜNCHUAK-TSAI 18:46

Jowanpa ozün ma tüile! Ku khowa-pa achuakle changkox! Ku khosünle kopkya Zang chongkya khuapukox.

NEHEMIA 9:5

Ibibi Liwi hwome zangshwom ang khünaknu ahyen: Jeshua, Kadmiel, Bani, Hashabneiah, Sherebiah, Hodiah, Shebaniah, ilaxle Pethahiah. Hwome thüi: “Ajongkox üntoxle Jowanpa hünzom Zang achuak kox; chix othuithuima achuak-achen kox! Noknusae wüi fuazangkya chix mün achuakle changkox, khünak owae achuakkya chu okhonguikya chichang koxlechu.”

LAIPAO 33:19

Jowanpae lan: “Ku müikya kue komle nang tunthoma le ang tomüi tamchu nang womle tüipongma kue ku otsao mün lünüi. Ku a Jowanpa changle, ilaxle kue zünle kopkyabu hato mongkün hia chingchajaja ahopu.

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

ISAIA 66:19

ilaxle hwom to sikngün ang tomkya a ku changpule awan ang kopüi. “Ikoxlechu kue hwom züizüi sünle tüiüi ilaxle ku mün hia ku zaxzangle changkya matsingkya tsailo nokbu to hwom apaoüi: Spain nok to, Libia nok to, ilaxle Lidia, hwom mankya sanhap mix füi, ilaxle Tubal hia Grik nok to. Ibu chaxwannu nok khato hwome ku chuak-chongle tüikya apuküi.

ISAIA 33:5

Jowanpa a chemkuxma chongpuix! Chixe pangnusa thakma apünle. Chixe Jerusalem a sukya kaxfün hia pangnu zongto sukyae awangüi

ISAIA 24:15

ilaxle handün chito tüikyabue chix achuaküi. Molo-Tinu ajole tüikya khünakbue Jowanpa, Israel nok Zang achuakle changüi.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 2:17

Khünaknu mongngam ashuküi, ilaxle khünaknu mongngam amadaoüi. Chapabu a komkaile maxüi, ilaxle ija nyix a Jowanpa, chix tata tix achuak-achenüi.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

MÜNCHUAK-TSAI 113:5

Jowanpa kem Zang lailaikya owachu müntüi. Chix a pangnusa füi tsuale thak to ngole,

MÜNCHUAK-TSAI 107:22

Töbu koxkya füi hwome chix ang münchong fa angkya wüi, ilaxle mongmüi tsaibu füi chixe hwom hanpakma mokdaokyabu mo wün angkya wüi changle.

MÜNCHUAK-TSAI 97:9

Jowanpa, nang a chaxwannu pangnu apünkya Khüthak Zang; nang a baozangbu pangnu füi ataitoxle chongle.

MÜNCHUAK-TSAI 96:3

Chaxwannu hato chix fuazangkya apukkox, üntoxle chu chix ohünotün mwotbu khünaknu pangnu hato.

MÜNCHUAK-TSAI 73:28

Ikoxlechu ku hanpakma, Zang zui ma ngo angkya chemtukuxkya ohünotün changüihex, Khüthak Jowanpa hama, chix ziamong ma ngo ang kop angkya üntoxle chu chixe chempang mokdaopuix ibu bama khuapule ngo angkya a!

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

MÜNCHUAK-TSAI 40:5

Nange kwom hanpakma tüle-tüle tsuakle hüidaoa, O Jowanpa, kwom Zang; nang lailaikya owachu müntüi! Nange kwom hanpakma ohünotün mwotthobu tüle-tüle zingdaoa. Kue ibu pangwüi bama akax ang thofang münchang: ibu a okiak chithole changle!

MÜNCHUAK-TSAI 34:3

Ku füi tomle Jowanpa zaxzangkya apuk-apuahax; keme onotomle chix mün achuak-hax!

MÜNCHUAK-TSAI 22:31

“Jowanpa-e chix khünakbu khosünle” le mapux-mapaikya khünakbu hama apuaüi.

MÜNCHUAK-TSAI 21:13

Chongkya nang janzüi khoma, Jowanpa, kwome nang achuakpu! Nang tsak-zong achuakle kwome tsai ngaopu.

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

1 PUKAX-PANGAO 16:8

Jowanpa ang münchong fakox, chix chongkya apuk-kox; zangfang hato chix mwot bama apuk-kox.

MÜNCHUAK-TSAI 148:13

Hwom pangnusae wüi Jowanpa mün achuak-achenle changkox! Chix mün mamabu pangnusa thakma achongkya changle; chix fuazangkya a chaxwan hia zangkho pangnu thak to tüile.

ISAIA 26:8

Kwome nang mongtex man topu ilaxle nang ma kwom monghom thompu; kwome sung-zaokya pangnu a nangtix changle.

ISAIA 42:12

Tsailo nok to ngole tüikyabu Jowanpa ang achuakkya hia fuazangkya laxkox!

ISAIA 48:20

Babilon angkya paolax, mongtex ma paolax! Kaxho müikya mongmüile apukkox, “Jowanpae chix da Israel sündaoa!”, le pangnue tsingang laxkox.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

MÜNCHUAK-TSAI 68:5

Zang, owa chix Zangshwom-Hom ma ngopuix, chixe zomnu hia khaxsa hwom to humele.