ISAIA 12:2 - OTSAO BAIBEL (BSI)

² Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

ISAIA 12:2 ပူးပေါင်းရင်းမြစ်များ

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

MÜNCHUAK-TSAI 118:14

Jowanpae ku janzüi füi tsak-zong ang tom; chixe ku khosünle kop.

MIKNGÜN-OHÜN 7:10

Hwome akhongle akax: Chongwang tüntong ma thungle, tüikya hia Chun Hosa, kem Zang tokhange khosün hüile!

JONA 2:9

Ikoxlechu kue nang achuakle tsai ngaiüi; kue nang ang tö tuita koxüi ilaxle kue chem tsaodaopuix ija moküi. Khosün a Jowanpa tokhange hüipu!”

ISAIA 45:17

Ikoxle Israel a Jowanpa khosünle, ilaxle she-e lütkya jento ngoüi; she khünaknu a otuechu chie-chisele müntoxüi.’”

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

JEREMIA 3:23

Haxnukho to kwome songsari baozang shwom ma kwom ang chem olüi chitüi. Israel nok hato ofong-otsox a Jowanpa, kwom Zang makhange tix hüipu.

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

HOSIA 1:7

Ikoxlechu Judah khünaknu hato kue mongkün ahoüi. Ku, Jowanpa, hwom Zang-e hwom khosünle kopüi, ikoxle ija kue ochax-ozan ma: chang-hi-pax, sanhap hia hapnu chichangba man hia mankho ma ngakya khünakbu, ibu füi tsuakle faüile münchang.”

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 SAMUEL 2:1

Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!

JOB LAIPEX 13:16

Chichangchizangkya mix owachu Zang füi apong ang mong chichongtsuak; Ikoxchu ku mongchong koxle ku khang azang ang a tsuaktüilax.

MÜNCHUAK-TSAI 112:8

Chix a mongthangle chichangba zale mün-ngo; chix zanpabu to anaokya ngün angkya chix mongkha ma tüikop ünkoxle.

ISAIA 10:24

Zaion ma ngole tüikya chix khünaknu ang Jowanpa Khüthak Zang-e thüile: “Ijip nok lailaile hwome hünzom to zothuple tüikoxchu hünzom a Asiria nok thua taxza.

ISAIA 17:10

Israel, longnu tuita lailaile nang to tukle khosünle tamchu wintuk-hanthale ngokya Zang nange alakle asamdaoa. Itülüi, nange mixnok baozangbu to shwom angkya hanpakmale otsao tsawatbu azün.

ISAIA 27:5

Ikoxle ku khünaknu zanpabue, kue hwom kho-awa angkya to tsukya jangtüi, hwome ku füi tumüi lomzingle naxchang. Changle, hwome ku füi tumüi lomzingle naxchang.”

ISAIA 49:5

Ku puxüi thoto wüi, Jowanpae ku zünle kop; chix khünaknu sele apüi angkya hanpakma chixe ku chix chaktwon ang lax, chiakle samle ngokya Israel khünaknu sele asox ang. Jowanpae ku achuak-achenle chang; ku janzüi otong a chix tix changle.

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 65:18

Oja kue zingdaolaxpuix ija ma mongmüi-pwonlale ngolax. Hozün Jerusalem a mongmüie awangle tüiüi, ilaxle ima tüikya khünakbu a mongmüi tungle tüiüi.

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.

JOEL 2:23

“Mongmüilax, Zaion angkya khünaknu, hünzom hanpakma Jowanpa, hünzom Zang-e chempang mokdaopuix ibama mongmüikox. Chixe hünzom ang watun zangwat okhonguile koxdaoa; chixe zangwa ma zangwat hünzom hato thokle ajodaoa ilaxle tsosa zangwat chuwüi amipongkya ningle koxdaoa.

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

2 SAMUEL 7:24

Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.

MÜNCHUAK-TSAI 65:6

Nang janzüi makhange nange haxnubu onui ma dan, ile ataxkya nang tsak-zong aho.

MÜNCHUAK-TSAI 68:20

Kem Zang a khosünkya Zang changle; chix a Jowanpa, kem Jowanpa changle. Zikmüt mangkho tokya kem chixe tix sünpu.

MÜNCHUAK-TSAI 68:21

Tütakoxlechu Zang-e chix zanpabu khang ashixüi jao. Ibu zanpabu a hwom ochax ma wüi ngoüihexle angamkyabu changle.

MÜNCHUAK-TSAI 118:21

Kue nang achuakpu, Jowanpa, nange ku zing atat koxle, nange ku ang tho-lünkya fakoxle.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

ISAIA 38:20

Jowanpa, nange ku kak amüidaoa. Kwome thuaput waxmaibu mütle nang achuakle tsai ngaoüi, kwom tsünlole ngokya kople nang Zangshwom-Hom ma nang achuaküi.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?