ISAIA 12:1 - OTSAO BAIBEL (BSI)

¹ Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 12:1 ပူးပေါင်းရင်းမြစ်များ

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

ISAIA 54:8

Onox ma mongtsik laxle kue tok aho, ikoxlechu kue nang hato ku mongkün jento aho ngoüi.” Ile nang khosünkya Jowanpae thüile.

ZEKARIA 14:9

Ifüima Jowanpa a chaxwannu ma wanghompa ang changüi; noknusae chix a Zang changpule shwomüi ilaxle ija mün tuita mawüi chix tsingle laxdaoüi.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

ISAIA 35:10

Hwome Jerusalem mongmüi atungle alopüi, pwonla dongle tsai ngaole akhongle-a. Hwom a jento mongmüi-pwonlale ngoüi, othuithui hanpak ang künthang-mongdang füi atsaile a.

ISAIA 14:3

Jowanpae Israel khünakbu ang hwom to tsütle kakkya hia sikngün tamchu hwom ang atsangle amok thomkya mwot-tsak, ibu pangnu chak tokya nazak atak ang tomüi.

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

ROM NOK HATO ZAKYA POL LAIZA 11:15

Chemthüikoxle hwom chilaxkya zuma, chaxwannu a Zang füi zuikhui ang achang. Ikoxle hwom pongle kopkya zuma chemle changüi? Ija a zingo ünkyabu hanpakma khüzün ang changüi!

ZEKARIA 14:20

Ipongma manbu ma laxkya züpakbu ma ngaxchu “Jowanpa hanpak ang atsaopu”, le zale jao apütle changüi. Zangshwom-Hom angkya tiklakbu pangwüi tö-tsap zui angkya khuatsum füi tomwüi otsao changüi.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

ISAIA 66:13

Honu tuitae masa mong asomkya ningle, Jerusalem ma kue hünzom mong amüiüi.

ISAIA 26:1

Khünaknue Judah haxtok ma ija tsai ngao angkya hanpak nyixta hüile ngole: Kem tingnu a tsak-zongle tüile! Zang chix jaoe ija long-katuk nyele thomle!

ISAIA 11:16

Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

ISAIA 10:25

Kue noxtakya bama wüi hünzom to sikangünkya tsuakdaoüi, ifüima kue hwom amütüi.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

JOB LAIPEX 13:16

Chichangchizangkya mix owachu Zang füi apong ang mong chichongtsuak; Ikoxchu ku mongchong koxle ku khang azang ang a tsuaktüilax.

MÜNCHUAK-TSAI 9:1

Kue ku mong makhange nang achuaküi, Jowanpa; Nange mokdaokya ohünotün mwot pangnu bama kue wünüi.

MÜNCHUAK-TSAI 71:21

Ile tümachangtox le nange ku achenüi; nange ku tamchatle mong asomüi.

ISAIA 54:7

“Noxtasa hanpakma kue nang danle toxpu; mongkün zukya füi kue nang chatle laxüi.

ISAIA 54:9

“Noa tsün to kue tsaosaxle chang, chaxwannu tok to tamchatle tinu mualyemkya tüi ang müntomüi. Athax kue nang füi mong tamchitsik ang bama tsaodaoa; Kue nang to münsa chichangba sikangünle münchang.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 64:5

Nange hwom chemle naxngosele thütlaxpuix ija texle atakkyabu, opange sukya mwot moklaxle mongmüi atakkyabu nange pwonle lax. Nang ang kwom füi mongtsik, ikoxlechu kwom a chizakle ochax mwot mok ang sütle ngo; ile kwom füi nang mongtsik koxlechu kwome kaitokhange wüi ochax lyenle hüi.

ISAIA 65:18

Oja kue zingdaolaxpuix ija ma mongmüi-pwonlale ngolax. Hozün Jerusalem a mongmüie awangle tüiüi, ilaxle ima tüikya khünakbu a mongmüi tungle tüiüi.

JEREMIA 30:19

Ikhama ngokya khünakbue achuakle tsai ngaoüi; hwom a mongmüile akhongüi. Ku chingcha makhange hwom mixhuak tsale hüiüi; ku mohimane hwom chuak-chongle changüi.

ZEKARIA 8:11

Ikoxle athax kue ija jat-li khama ota toxle tüikya khünakbu to mamale hupu.

ZEKARIA 8:19

“Lyetnu kua ali, aga, anüt hia bün ma süt chisax ti chilingle atsaole changkya a Judah ma ngokya khünaknu hanpakma pwonla dongkya pangpwonbu ang changüi. Hünzome kaxtsing zangwün hia tumüi to mongkün angkya changpu.”

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

JOB LAIPEX 11:16

Ifüima nange chialak tsuakse sikngün pangnu alaküi, ija a lekya füima alakle asamkya tichen lailaile changüi.

MÜNCHUAK-TSAI 85:4

Kwom chatle chat ang tomhüi, O Zang kwom khosünpa, ilaxle kwom mong ama ang tomkya zak-hüi!

MÜNCHUAK-TSAI 86:17

Jowanpa, nang müikya ku hama angaile ahohüi; nange ku mongsom koxle fongkya chemtue ngünüihex ku to miktsakle ngokyabue zakkopüi.

ISAIA 60:10

Jowanpae Jerusalem ang thüi: “Hünzom katukbu a mixnokbue zingüi, Ilaxle hwom wanghombue hünzom thothale changüi. Ku mongtsik ma kue hünzom to sikangünpu, Ikoxle athax a kue hünzom hato ku mongkün hia chingcha ahoüi.

JEREMIA 31:13

Ipongma naochabu ang mongmüiüi ilaxle pwonlatungle azüiüi, ilaxle lükabu, naosom hia mixmüi pangwüi ang pwonla dongüi. Kue hwom mong asomüi ilaxle hwom mangsop a mongmüi ang achangüi, hwom mongtsik-mongma a pwonla ang achangüi.

ZEKARIA 1:16

Ikhoma ku Jerusalem to ku chingcha aho ang chatle nguipu. Ku Zangshwom-Hom a chatle zaile alaiüi, ilaxle tingnu a chatle azünle zingüi.”