ISAIA 11:4 - OTSAO BAIBEL (BSI)

⁴ chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

ISAIA 11:4 ပူးပေါင်းရင်းမြစ်များ

2 THESALONIKA 2:8

Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

MIKNGÜN-OHÜN 19:15

Anaxkya changlo oja füi chixe chaxwannu nok to anao angkya hex, ija changlo chix wikha angkya lai. Chixe jan kaithox füi hwom thakma apün angkya changle, üntoxle tüle shixkya Khüthak Zang mongtsik grep-ti fyetnui to chix cha füi tingüi.

MALAKI 4:6

Chixe hopa hia sasün hwom tamchatle wonmüi ang tomüi; ile chichang thüikoxle ku nguilaxle kem haxtok a komkaile olithule amadaose.”

JOB LAIPEX 4:9

Zangchei-cheinu ningle Zang-e chix mongtsik füi hwom oli thule.

MATHI 5:5

“Puinaikyabu mohiman; Zang kaxtsaobu hwome ataküi!

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

JAKOP 3:13

Hünzom khama tsingwankya hia jetüi hwonlangkya mix owawa tüicha? Chixe puinaikya hia je-hwon füi mwotmüi mokkya hia tsün müile ngokya tokhange ija kaxkhi fa angkya changle.

GALATIA 5:23

iningkyabu füi wanlom müntüi.

JEREMIA 33:15

Ipongma kue Dawid sixli hwomkha angkya otsao wanghompa tuita lomüi. Ija wanghompa-e haxtok pangnu khato wüi changkya hia sukyakya moküi.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 2:9

Nange ibu jantom füi thuple akhixüi; nange ibu tikkux akhixkya ningle akhixle awütüi.’”

MIKNGÜN-OHÜN 2:16

Athaxpi ochaxbu tokya chatlax! Chichat thüiningle ku nang hato chwonle wüi nguiüi ilaxle ibu khünakbu füi ku wikha makhange laikya changlo koplaxle azanüi.

MIKNGÜN-OHÜN 1:16

Chix a tsaxchi chak ma lyettsi anüt koplaxle tüikya, ilaxle nongnong-naxkya changlo chix wikha makhange lai. Chix thün a tungto senyan ningle nyanle tüikya.

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

ISAIA 32:1

Hulax! Wanghom tuitae pangnu lom ma sule apünüi, ilaxle onok lompabue sukya kaxfün füi tingjit-nok-awaüi.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

ISAIA 16:5

Ifüima Dawid sasün hwomkha angkya tütapu wanghom ang achangüi, chixe mongong füi tamchu mongkün füi khünaknu thakma apün-awangle changüi. Chem supuix ija mok ang chix tüle momüi, ilaxle sukya kaxfün fa angkya to chixe khile huüi.)

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

WANGSHEMBU MWOT 9:1

Ibaba ma Sol-e Jisu Khrista wangpünbu lang-huakle zothup ngo. Chix nguakho hato pao,

MATHI 11:5

Mikduakbue ngün ang kople; cha faikyabu aham ang tsuakle; angwonkyabu kak müile; naba mixe atat ang kople; zidaokyabu anaole zole; ilaxle mixshix-zasabu hato Kaxho Müikya apuk ang tomle.

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

MÜNCHUAK-TSAI 110:2

Zaion makhange Jowanpa nange apün angkya zong achenle koxüi. Chixe thüi: “Nange nang zanpabu thakma apünlax.”

MÜNCHUAK-TSAI 18:8

Chix nakua makhange wünkhut othwom-othwom alai, zokle ashunkya wünle hia wün füikya wünhan chix wikha makhange alai.

2 SAMUEL 8:15

Dawid-e Israel nok pangwüi thakma apün ilaxle chix khünak noknusa to tomwüi ajit-awale tamchu changle apün-awang.

ISAIA 13:11

Jowanpae thüi: “Kue chaxwannu hato thama apüiüi ilaxle hwom ochax khoma ochax khünakbu to sikangünüi. Kue mongngam füikyabu pangwüi adangüi ilaxle mix kax to na chithale hia mongshix-mongmale tüikyabu pangwüi to sikangünüi.

ISAIA 14:30

Jowanpa a chix khünak zasabu zongto tuita chunnyetpa ang changüi ilaxle chixe hwom thomzün maklaxkya chitüile ngo ang tomüi. Ikoxlechu Filistia nok hato chixe tüle makya kaikuak-saonu ahüiüi, ilaxle ijae hünzom opupuchu ozün ma danle chitoxüi.

ISAIA 26:6

Ami afangle thomkyabue athax ija ding ma nakle ilaxle ija hwom chifa fang ma thomle.

ISAIA 30:28

Jalinusa chwotle paokya tichen ningle chixe chix tunthoma zangwin ahüile. Ijae chaxwannu nok thama khato jeple paole ilaxle chichang-chizangkya hwom katzuabu olithu ang tomle.

ISAIA 30:31

Jowanpa kaxzing atat pongma tamchu chixe sikangünkya janzüi awanle laxüi.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

ISAIA 40:7

Hingzangbu zile paoüi ilaxle maipuabu hüile paoüi, Jowanpa zangwine hwom to jepkya zuma a. Hingzang thatankya tukux ngaxchu khünaknu tha müntan.

ISAIA 49:2

Chixe ku kaxfa ang changlo füi ngaxchu anaxle zing. Chix chak makhange jao chixe ku khosünle kop. Chixe ku sanjun lailaile zingle alai, Thuile twon ang müile jao anaxle.

JOB LAIPEX 15:30

Hwom a zangnak chak tokya azang ang münthoüi. Hwom a ochak wün to zokdaokya pünbu lailaile changle, puale ngokyabu zangwine jeple paodaokya pün ningle changüi.

MÜNCHUAK-TSAI 76:10

Khünak mongtsik makhange süchongchongle mix nang achuak-achen angkya ngai; zantam angkya azangkyabue nang pangpwonbu thomüi.

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

HOSIA 6:5

Ikhoma kue ku ajebu, kue kaxfün fa angkya hia thama ahüi angkya kaxho füi hünzom hato ahüipu. Hünzom angkya kue laxse tsukya a tangtho üntoxle tsaothale: