ISAIA 11:2 - OTSAO BAIBEL (BSI)

² Jowanpa Chasa makhange chix ang hwon-je koxüi, chix khünaknu to apün angkya hanpakma chix a awan-atsingkya koxüi. Chixe Jowanpa mongtex awanle laxüi ilaxle chix achuak-achenle changüi,

ISAIA 11:2 ပူးပေါင်းရင်းမြစ်များ

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

JUHAN 16:13

Ile changkoxchu, Otsao Chasa nguikya zuma, otsingtsing pangnu hato chixe hünzom zun angkya changle. Chixe ma mongtex ma chiakaxüi, ikoxle chempang chixe atat puix, ijabu bama tamchu hüi angkya chempang tüipuix, ijabu bama chixe hünzom ang awan ang tomüi.

2 TIMOTHI 1:7

Chemthüikoxle Chasa oja Zange kem ang fapuix, chixe kem thünbat chitsuakkya mix ang münachang; itülüi, chix chasae tsakzong, mongkün ilaxle malualua to akumathumkya füi awang ang koxle.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

MATHI 3:16

Bapti laxle Jisu tikha tokya tangthole lai; ifüima chix ang zangding ka daple kox ilaxle Zang Chasa Osu ningle julaxle chix ma paxkya ngün.

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

JUHAN 14:17

Chix a Zang otsingtsing bama ngaile aho angkya Chasa changle. Chix a chaxwannue pongle kop ang tho angkya oli münchang; chemthüikoxle chaxwannue chix münngün tamchu ojao münawan. Ikoxle hünzome chix awanpu, chemthüikoxle chix a hünzom füi ngole tamchu hünzom ma ngole.

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

TSAITONG-KAXTONG 34:9

Nun sasün Jihusua a je-hwone awangle tüikya khünak tuita changkya; ikhoma chix man ma lompa ang achang angkya hanpakma Mosa-e chix zünle tox. Israel khünaknue Jihusua kax ma lax ilaxle Mosa makhange Jowanpae hwom ang koxkya kaxtom pangwüi hwome thom.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

JUHAN 15:26

“Ikoxlechu fongmix, oja Otsao Chasa, owae Zang otsingtsing ngaile aho angkya changpuix, tamchu owa Apa tokhange hüipuix, chix nguikya zuma, chixe ku bama kaxkhi fale zangwün angkya changle.

MIKNGÜN-OHÜN 1:4

Asia haxtok ma tüikya müimüithom anüt hato Juhan tokhange: Zang owa athax tüipuix, tüikyahex, üntoxle tüi angkya hex chix tokhange; üntoxle chix ngwotnui thüntho ma tüikya chasabu anüt tokhange,

LAIPAO 28:3

Opangsa ang kue zingsa-jaosa man angkya hingho koxle thompuix, ibu pangwüi se-kox ilaxle hwom ang Arun nyiwun zingle alai angkya akaxkox. Ile chix ku thotha angkya nguapa tuita ang atsaole lax angkya changpu.

MÜNCHUAK-TSAI 72:2

ikoxle tix chixe nang khünaknu thakma sukya kaxfün fakya füi apün-ada angkya hanpakma üntoxle mixfang to thomkyabu to otsao ma apün-ada angkya hanpakma.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 28:6

Kaxfün mwot mokle ngokyabu ang chixe kaxfün tutex sukya faüi, ilaxle zansing chak tokya tingnu pan kho-awale thomkyabu ang mongchen koxüi.

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

ZEKARIA 4:6

Ifüima kaxtaimixe ku ang, Zerubbabel hato Jowanpa kaxho ija kox angkya akax: “Janzüi makhange münchang, tsak-zong makhange münchang, ikoxle ku Chasa makhange tix, le Jowanpa Khüthak Zang-e thüile.

2 SAMUEL 23:3

Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,