ISAIA 11:16 - OTSAO BAIBEL (BSI)

¹⁶ Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

ISAIA 11:16 ပူးပေါင်းရင်းမြစ်များ

ISAIA 19:23

Chemtue ija hanpak nguile hüiüihex, Ijip nok hia Asiria nok nyi bama tuita küitho lomnu tüiüi. Ija nok anyi angkya khünaknu ija lomnu ma püi-lüile ahamüi, ilaxle ija noknu anyie tomle zangshwomle changüi.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

ISAIA 62:10

Jerusalem angkya khünaknu, tingnu angkya laile paokox Ilaxle hünzom khünaknu chatle ngokyabu hanpak ang lom zingle laxkox! Lomnutang jao tuita achwonkox; ija lom angkya longbu apaokox! Chaxwannu noke awanle lax angkya hanpakma münwan apütkox

ISAIA 57:14

Jowanpae thüile: “Ku khünakbu ku hato chat ang tomkox. Hwom lomtang angkya obax-obang pangwüi apaokox! Lomnu zingkox, ilaxle ija achwonle zinglax!

ISAIA 51:10

Tinu khatokya ti zan ang tom ilaxle tinu afünle le angkya lom zingle koxkya nang changkya, ikhoma ozün ma tüikya pangwüi tale le ang tsuak.

ISAIA 49:12

Ku khünakbu a tsailo tokhange nguiüi, shuakux hia hannopchi tokyabu a, ilaxlechu Aswan tokhange shuathong chitokya.”

ISAIA 27:13

Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome Jowanpa to shwomüi.

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

ISAIA 10:20

Ozün ma danle toxkya Israel khünakbue, hwom amüt-asam ang tungkya jat-libu to mongong chithomtsuak angkya hanpak tuita nguile ngole. Hwome hwom mongong komkaile Jowanpa, Israel nok Zang to thomüi.

ISAIA 49:11

“Haxnukho akaile kue lomnu zingüi ilaxle ku khünaknu aham angkya lomnu achwonüi.

ZEFANIA 2:7

Judah khünakbu opang atale toxpuix, hwome ija hünzom haxtok laxüi. Hwome ikhato hwom chunbu danle fumtsüt ang tomüi ilaxle hwom Ashkelon hombu ma pomüi. Jowanpa hwom Zang hwom füi tomle tüiüi ilaxle hwom tamchatle ahak-aluale tüi ang tomüi.

LAIPAO 14:22

Israel khünakbu tinu atatle ija haxkozan makhange le. Hwom tale lepongma tinu a pangnyi chima katuk lailaile tüikya.