ISAIA 11:14 - OTSAO BAIBEL (BSI)

¹⁴ Okhi athütlaxle hannop chikao ma Filistia nok to singüi ilaxle handün chikao ma ngokya khünakbu tingtakle amütüi. Hwome Edom hia Moab nok hwom chak to hwople kopüi, ilaxle Amon noke hwom kax ma laxle tüiüi.

ISAIA 11:14 ပူးပေါင်းရင်းမြစ်များ

JOEL 3:19

“Ijip nok a sak haxtok ang achangüi, ilaxle Edom nok a laxli chitüile oma ang changüi, chemthüikoxle hwome Judah nok tingtak ilaxle ikha angkya chemmün-chitsingkya khünakbu langle awüt.

DANEL 11:41

Chixe Tsaotsüt-Haxtok to lünle tingtakle hüiüi ilaxle jatbün jattsa to lünle jao langüi, ikoxlechu Edom, Moab hia Amon nok to ota toxle changkyabu a paole azangüi.

JEREMIA 49:28

Ija a Kedar homjen hia Babilon nok wanghompa Nebukadnezar-e lütle kopdaokya haxsüt oja to Hazor-e apün laxle ngopuix, ija füi akaxkya Jowanpa kax changle: “Kedar khünaknu to singkox ilaxle handünchi homjen khünaknu amütkox!

ISAIA 25:10

Jowanpae Zaion Haxnukho awaüi, ikoxlechu Moab nokbu to a cha füi tingle akhünüi, chemle tsaxsa haxzao ang nakle akhixpuix ija ningle a.

AMOS 9:12

Ikhoma Edom noke danle toxkya tamchu amipongma ku onokbu ang ngole tüikya pangwüi to Israel noke lütle chang angkya kax, ibu pangwüi ile tsuak ang tom angkya Jowanpa, kue akaxpu.”

MATHI 8:11

Ilaxle kue hünzom füi akaxpu, handün hia hannop chito khange khünakbu huanuma nguilaxle, Abraham, Isak, hia Jakop hwom füi tomle zangkangting fongsüt ma womüi.

ZEFANIA 2:5

Hünzom Filistia nok, opang tinu achole ating-anokle tüilaxpuix, hünzom olithupu. Jowanpae hünzom hanpakma zangwün tsuakdaoa. Chixe hünzom olithuüi, ilaxle hünzom mixhuak tuita danle chitoxüi.

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

ISAIA 59:19

Handün hia hannop pangnu chitokhange noknusae chix hia chix tsak-zong bama atat ang kopüi. Chix a tichap ningle tamchu zongkya zangchei tuita ningle nguiüi.

ISAIA 33:1

Kem zanpabu a maxdaoa! Hwom to opupuechu papalole chichangba khohangle chichang khato, hwome papalole chang tamchu khohangle changle. Ikoxlechu hwome papalole lax angkya hia khohang angkya hwom hanpak ashukdaoüi, ilaxle hwom mix alüile ija papalole laxkya hia khohang mütkop ma ngoüi.

ISAIA 16:14

Ilaxle athax Jowanpae akaxle: “Zanglao azom changpong khama huanuma tüile ngokya Moab nok tuina samle paoüi. Ikhama huanuma tüikya khünaknu kha angkya hidaole wüi ozün ma toxüi, ikoxlechu hwom a huanuma shonaile maxkyabu ang changüi.”

HUAKE LAIPEX 24:17

Kue mahüikya thochi to achale hu, Ilaxle kue Israel jat-li ngünlelax. Wanghompa tuita, nyankya lyettsi ta ningle, lai angkya ija jat-li tu ma. Lyettsi chongkya tuita ningle chix a Israel tu angkya laiüi. Chixe Moab angkya lompabu to hongüi Ilaxle Seth khünaknu pangwüi fitle anguaküi.

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

ISAIA 14:29

Filistia angkya khünaknu, hünzom to fitkya jantom a pakdaoa, ikoxlechu hünzom ang mongmüi angkya olom müntüi. Chemtue pu tuita zile paopuix, ija man ma ifüi sümakya tuita nguiüi. Pu-ti makhange pikya dragon hosa jole.

ISAIA 15:1

Ija a Moab ba angkya kaxho changpu. Ar hia Kir tingnubu a jatakya fang ma wüi amütle, ilaxle Moab haxtok chaxwan adangle awüt.

ISAIA 63:1

“Edom nok tokya Bozrah tokhange nguile ngokya mix ija owa? Ija khidak-khisumle aza-apua laxle, zikle nguingokya tsak-zong hia janzüi ma?” “Khosün angkya tsak-zong füi, zan to lütkya apuk ang nguile ngokya a Jowanpa changle.”

JEREMIA 40:11

Ipongma, Moab, Amon, Edom ilaxle mama onokbu to ngole tüikya Israel khünakbue, Babilon nok wanghompa-e züizüi Israel khünakbu a Judah ma ngo ang koxkya ilaxle chixe hwom gowarnor ang Gedaliah zingle tüikya atat ang kop.

JEREMIA 48:40

Ozang pünlaxle olae shingkya ningle onok tuitae Moab to shing angkya Jowanpae tsaodaoa,

JEREMIA 49:22

Hozang pünlaxle ola jukya ningle zan-noke Bozrah to singüi. Ija nyix Edom nok süpahibu a sheko tuita nao ngün pongma abankya ningle abüt-abanüi.”

EZEKEL 25:14

Ku hanpak ang, ku khünaknu Israel noke Edom nok to jannong alüiüi, ilaxle hwome Edom nok ang tüle shixkya ku mongtsik awanle lax ang tomüi. Kue jannong alüikya thama chem hex, ija Edom noke awan ang kopüi.” Jowanpa Khüthak Zang-e ija akaxdaoa.

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.

ZEFANIA 2:9

Ku chemle otsingtsing Jowanpa, Israel nok Zang changpuix, iningle kue, Moab hia Amon nokbu a Sodom hia Gomorah amütkya lailaile otsingtsing ma amüt angkya kue tsaopu. Hwom a othuithui hanpak ang hum tswomlua ang achang paoüi. Ija a tamchatle chimüi angkya thama ang changüi. Ikhato hingzange awangle changüi. Ku khünakbu opang ota toxle tüilaxpuix, hwome ibu haxtok laxüi.”

KAXFÜNPA-HWOM 6:3

Chemtue Israel noke tsaxshit-tuaküile changüihex, Amalek nok tamchu sak-hax tokya khünakbu koplaxle ngui üntoxle Midi noke hwom to sing.

JEREMIA 49:2

Ikoxlechu kue Rabbah pongwün tingnu angkya khünaknu ang zanzing atat ang tom angkya hanpak nguile hüile, ilaxle ija a amale dantoxüi ilaxle ija angkya tingkhuabu a zokle ashun toxüi. Ifüimatix hwom chak tokya pale laxkyabu chak tokya Israel khünaknue ija haxtok tamchatle kopüi.

ZEFANIA 2:7

Judah khünakbu opang atale toxpuix, hwome ija hünzom haxtok laxüi. Hwome ikhato hwom chunbu danle fumtsüt ang tomüi ilaxle hwom Ashkelon hombu ma pomüi. Jowanpa hwom Zang hwom füi tomle tüiüi ilaxle hwom tamchatle ahak-aluale tüi ang tomüi.