ISAIA 11:12 - OTSAO BAIBEL (BSI)

¹² Jowanpae, chiakle tüikya chix khünaknu Israel hia Judah nokbu chaxwannu ozong ali pangnu chitokya tamchatle asox atomle chang ang tomkya mowan ahole nyiluak apiküi.

ISAIA 11:12 ပူးပေါင်းရင်းမြစ်များ

ZEFANIA 3:10

Tsailo nok Etheopia tokhange ngaxchu ku khünakbue ku hato töbu apüile koxüi.

ISAIA 56:8

Jowanpa Khüthak Zang, owae zanda ang ngokya Israel nok chix khünaknu owae ma hom to apüipuix, chixe chatle chuwüi mama khünakbu chu hwom füi wom ang apüi angkya tsaole.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

ZEKARIA 10:6

“Kue Judah angkya khünaknu tüle tsak-zongle chang ang tomüi; Kue Israel khünaknu kho-awale kopüi. Kue hwom to chingchajajakya tüiüi ilaxle hwom pangwüi ma haxtok to chat ang tomüi. Hwom a kue chilaxle awüt daokya ningle jao chitüile changüi. Ku a Jowanpa, hwom Zang changpu; kue hwom zangjop to lanüi.

MÜNCHUAK-TSAI 147:2

Jowanpae Jerusalem zingle achat ngole; chixe zanda ang ngokyabu chatle apüile ngole.

ISAIA 27:13

Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome Jowanpa to shwomüi.

MÜNCHUAK-TSAI 68:22

Jowanpa-e thüi: “Kue Bashan tokya nang zanpabu chatle apüiüi; kue hwom a tinu jithong tokya chatle apüiüi,

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

JUHAN 7:35

Jehudi nok pünpa-chongwangbue tata füi zangwünle akax: “Keme atak ang chitsuak angkya khato ija mixsün ojong to pao ang thüitüi puixsi? Kem khünakbu ngokya Grik tingnubu to paolaxle Grik nokbu hatochu anwot-ano ang thüipia?

ISAIA 62:10

Jerusalem angkya khünaknu, tingnu angkya laile paokox Ilaxle hünzom khünaknu chatle ngokyabu hanpak ang lom zingle laxkox! Lomnutang jao tuita achwonkox; ija lom angkya longbu apaokox! Chaxwannu noke awanle lax angkya hanpakma münwan apütkox

ISAIA 59:19

Handün hia hannop pangnu chitokhange noknusae chix hia chix tsak-zong bama atat ang kopüi. Chix a tichap ningle tamchu zongkya zangchei tuita ningle nguiüi.

ISAIA 18:3

Apakoplax, zangfang ma ngokya pangnusa! Haxnukho to münwan ahole nyiluak tuita ajongle apikkya to hungalax! Nyazong mütkya zing to natha ngolax!

TSAITONG-KAXTONG 32:26

Kue hwom a komkaile olithu ang tomse, ikoxtix owaechu hwom texle atak angkya chitüiüi.

MIKNGÜN-OHÜN 7:1

Ifüima chaxwannu ozong ali ma kaxtaimix ali ajongle ngokya kue ngün. Chaxwannu ma chichangba tinu ma chichangba pünzua chem hatochu zangwin chihüi angkya kuxma hwome zangwin olom ali abaxle thom.

MÜNCHUAK-TSAI 60:4

Nang achuak-achenle tüikyabu to nange kaxkhün koxle, ikoxtix hwome olithule lekya thangnak chak tokya hwom naxazang tsuaklax ang. Selah

MÜNCHUAK-TSAI 107:3

ilaxle chixe mixnok chaxwan tokya hünzom chatle apüile, handün hia hannop tokya, shuakux hia shuathong tokya.

ISAIA 24:16

Otsao jat-li, Israel nok achuakle haxtua-zangnam tokyabue tsai ngaokya keme atatüi. Ikoxlechu ku hanpakma monghom angkya müntüi! Ku a ngat-to ngohomle! Khohang mixbue chizakle khohang ngole, ilaxle hwom huxtsing-loptsang mwot ozia süma-sümale male paole.

ISAIA 49:5

Ku puxüi thoto wüi, Jowanpae ku zünle kop; chix khünaknu sele apüi angkya hanpakma chixe ku chix chaktwon ang lax, chiakle samle ngokya Israel khünaknu sele asox ang. Jowanpae ku achuak-achenle chang; ku janzüi otong a chix tix changle.

ISAIA 49:22

Jowanpa Khüthak Zang-e chix khünakbu füi akax: “Kue chaxwannu nok ang münwan ahoüi, ilaxle hwome nang naosom hom to apüiüi.

ISAIA 54:7

“Noxtasa hanpakma kue nang danle toxpu; mongkün zukya füi kue nang chatle laxüi.

ISAIA 60:4

Hünzom akhople hulax ilaxle chempang changle ngopuix hulax: Hünzom khünaknu a hom to ngui angkya hanpakma asoxle tüile! Hünzom sasün hwom tsailo nok tokya nguiüi; Hünzom sacha hwom a naosombu ningle tswonle apüiüi.

ISAIA 66:19

ilaxle hwom to sikngün ang tomkya a ku changpule awan ang kopüi. “Ikoxlechu kue hwom züizüi sünle tüiüi ilaxle ku mün hia ku zaxzangle changkya matsingkya tsailo nokbu to hwom apaoüi: Spain nok to, Libia nok to, ilaxle Lidia, hwom mankya sanhap mix füi, ilaxle Tubal hia Grik nok to. Ibu chaxwannu nok khato hwome ku chuak-chongle tüikya apuküi.

JEREMIA 23:3

Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

JEREMIA 30:17

Kue hünzom tamchatle müi ang tomüi; ‘Zaion a pünpao tuita changle, she to hume ang owa müntüi,’ le hünzom zanpabue thüikoxchu, kue hünzom mak amüiüi, Ku, Jowanpae ija akaxdaoa.”

JEREMIA 50:4

Jowanpae thüile: “Chemtue ija hanpak nguile hüipuix, Israel hia Judah angkya khünaknu sopngale, hwom Zang ku lomle nguiüi.

EZEKEL 28:25

Jowanpa Khüthak Zang-e thüi: “Kue chiakle asam thomkya onok tokya Israel khünaknu kue tamchatle apüiüi, ilaxle chaxwannu noke ku a otsao changle le awan ang kopüi. Israel khünaknu a ma haxtok, haxtok oja kue ku dapa Jakop ang koxle thompuix, ikhato ngoüi.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

JEREMIA 51:12

Babilon nok pan-katuk to sing angkya mowan ahole laxkox. Nyetmixbu to mixbo laxkox! Nyetmixbu angwot kox! Zankat othom ziakople chang ang tomkox!” Babilon nok to moküihex-o lükya Jowanpae chix mwot mokdaoa.

HOSIA 2:2

Ku naosombu, hünnu to jox-naile changlax: she ku zongto kakonu tuita chichang koxlechu, ilaxle ku chix kakopa ang chichang koxlechu. Chinunchakkai hia ma tsangtsa hangle ngokya she mwot shongzak-hüile jox-naile akaxlax.

ZEKARIA 8:7

Hwom kople paothomkya nok tokya kue ku khünakbu kue sünle kop angkya changle.