ISAIA 11:11 - OTSAO BAIBEL (BSI)

¹¹ Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

ISAIA 11:11 ပူးပေါင်းရင်းမြစ်များ

MIKA 7:12

Handünchi Asiria tokya, shuathongchi Ijip nok tokya, Eufrat shuanu tui tokya, ochu to tinu kha tokyabu ilaxle tsailonu haxhua tokyabu, pangnu chitokya nang khünaknu nang hato chat angkya changle.

ROM NOK HATO ZAKYA POL LAIZA 11:26

Ile Israel khünak pangnu khosün angkya a ija changle. Otsao Lai ma akax ngokya ningle: “Khosünpa Zaion tokhange nguiüi, ilaxle Jakop sixli angkya, chichang-chizang mwot awütüi.

ISAIA 10:20

Ozün ma danle toxkya Israel khünakbue, hwom amüt-asam ang tungkya jat-libu to mongong chithomtsuak angkya hanpak tuita nguile ngole. Hwome hwom mongong komkaile Jowanpa, Israel nok Zang to thomüi.

HOSIA 11:11

Hwom a Ijip tokya nguiüi, osa pik ma pile, ilaxle Asiria tokya, osubu lailaile. Kue hwom, hwom hom to tamchatle apüiüi. Ija a, Jowanpa, kue akaxdaoa.”

ISAIA 66:19

ilaxle hwom to sikngün ang tomkya a ku changpule awan ang kopüi. “Ikoxlechu kue hwom züizüi sünle tüiüi ilaxle ku mün hia ku zaxzangle changkya matsingkya tsailo nokbu to hwom apaoüi: Spain nok to, Libia nok to, ilaxle Lidia, hwom mankya sanhap mix füi, ilaxle Tubal hia Grik nok to. Ibu chaxwannu nok khato hwome ku chuak-chongle tüikya apuküi.

ISAIA 42:4

Chix ang chahix-monghixkya müntüiüi; chixe chaxwannu ma sukya kaxfün apüiüi. Tsailo noke chix hwon-nwot bama tanle ngole.”

ISAIA 24:15

ilaxle handün chito tüikyabue chix achuaküi. Molo-Tinu ajole tüikya khünakbue Jowanpa, Israel nok Zang achuakle changüi.

ISAIA 10:9

Kue Kalno hia Karkemish tingnubu tingtakle kop, Hamath hia Arpad tingnubu a. Kue Samaria hia Damaska tingtak.

PONGWANG LAIPEX 11:2

Hwom handün chito hamhamle lekya zuma Shinar le nyakkya haxshanu hato ngui ilaxle ikhama tingtan-nokzingle ngo.

PONGWANG LAIPEX 10:22

Shem füikya züjen: Elam, Ashur, Arfakshad, Lud, ilaxle Aram—hwom a hwom mün lünle tüikya khünaknu putong hwom changkya.

PONGWANG LAIPEX 10:10

Pongwang ma chix wangting ma ibibi womle tüikya: Babilon, Erek hia Akad; ibu pangwüi Shinar haxtok ma tüikya.

2 KORIN 3:16

“Chix Jowanpa hato chatkya zuma, chix angkya thünkhung nyi awütle kox”, le Mosa bama zakya Otsao Lai kax tüikya ningle, Ija thünkhung nyi awüt ang thoüi.

ROM NOK HATO ZAKYA POL LAIZA 11:15

Chemthüikoxle hwom chilaxkya zuma, chaxwannu a Zang füi zuikhui ang achang. Ikoxle hwom pongle kopkya zuma chemle changüi? Ija a zingo ünkyabu hanpakma khüzün ang changüi!

ZEKARIA 9:2

Hadrak longzipong angkya Hamath ngaxchu chix kux wüi changpu. Ija lailaile Tair hia Sidon tingnubu tamchu ima tüikya mwot mankya khünakbu pangwüi chix kux changpu.

ZEKARIA 5:11

Chixe lan: “Babilon nok to, Hwome ija hanpak ang ikhato zangshwom-hom zaiüi. Chemtue ija zangshwom-hom tsuakle changüihex, tsong a ikhama shwom angkya hanpakma danüi.”

ZEFANIA 2:11

Jowanpae hwom chabüt-lasünle chang ang tomüi. Chixe ija chaxwannu angkya baozangbu chem angchu chichangle ahikle awütdaoüi, ifüima jat-li pangnusae, ma chaxwan khokho to chix to shwom-töle changüi.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

DANEL 11:18

Ifüima chixe ibu nok to tinu makhange nguilaxle singüi ilaxle süchong tukux hwople kopüi. Ikoxle mixnok lompa tuitae chix to lütüi ilaxle chix mong ngamkya oshuk ang achangüi; ile chixe Siria nok wanghompa mongngam ma hato alüile ahüilaxüi.

DANEL 8:2

Mikngün-ohün chito ku a allele Elam haxtok angkya long katuk füi tuklaxle tüikya Susa tingnu ma nui. Ku a Ulai Shuanu zui ma ajongle tüikya,

EZEKEL 30:14

Kue shuathong nok Ijip awütkya haxtok ang achangüi ilaxle shuakuxchi Zoün tingnu kue wün langüi. Kue pongwün tingnu Thebe to zothupüi.

EZEKEL 27:6

Khuacheilakbu zing ang hwome Bashan tokya zak pünbu lax; Saipras tokya pain pün füi hwome nang wakhuabu zing Ilaxle ibu ma luakzong apütle kox.

JEREMIA 49:23

Ija a Damaska bama akaxkya Jowanpa kax changle: “Kaxho chimüikya atatlaxle Hamath hia Arpad angkya khünaknu khosam ashukle ngo. Tuita tinu ningle künbüt-mongbane hwom to alum, ilaxle hwome nazak lax ang chitho.

JEREMIA 44:1

Ijip nok ma, Migdol tingnu, Tahpanhes tingnu hia Memfi tingnu, ibu ma ngole tüikya tamchu hwom haxtok shuathong chito ngole tüikya Israel khünaknu hato kaxho fa angkya Jowanpae ku füi akax.

JEREMIA 31:10

Jowanpae thüi: “Jat-libu, ku kax to apalax ilaxle ku kaxbu a tinu kaxbu tsailo to apuk-kox. Kue ku khünaknu chiakle thomle, ikoxlechu kue hwom asox-atomüi ilaxle chunnyetpa tuitae chunbu nyekya ningle kue hwom to nyeüi.

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

ISAIA 42:12

Tsailo nok to ngole tüikyabu Jowanpa ang achuakkya hia fuazangkya laxkox!

ISAIA 42:10

Jowanpa ang tsaizün tuita ngaokox; chix achuakle ngaokox, chaxwannu pangnu! Chix achuak kox, hünzom tinu mongto khua ma ahamkyabu; chix achuak kox, tinu mong tokya zünmoknüsae! Ngao kox, ikhato ngole tüikya tsailo nokbue!

ISAIA 11:16

Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

MÜNCHUAK-TSAI 68:22

Jowanpa-e thüi: “Kue Bashan tokya nang zanpabu chatle apüiüi; kue hwom a tinu jithong tokya chatle apüiüi,

PONGWANG LAIPEX 14:1

Babilon angkya Amrafel, Ellasar angkya Ariok, Elam angkya Kedorlaomar, ilaxle Goim angkya Tidal, hwom bibi wanghom ali,

ESTAR 10:1

Wanghompa Sarkses-e chix wangting angkya khünaknu, tinu kax to ngokyabu hia haxmong sung to ngokyabu pangnu ang mwot atsangle mok ang tom.

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

ISAIA 19:21

Jowanpa chix jaoe chix a Ijip hato ngaile ahoüi, ilaxle hwome chix changkox-ale ngailaxle chemtue chix to shwomle changüihex, ipongma hwome chix hato töbu apüile koxüi. Hwome chix tunthoma tsaotsütle changüi ilaxle hwom chem tsaodaopuix ija otsingtsing ma moküi.

ISAIA 19:22

Jowanpae Ijip nok to sikangünüi, ikoxlechu chixe fitkya makbu chixe wüi amüile koxüi. Hwome a chix hato mongchatle hüiüi, ilaxle chixe hwom zangjop atatüi ilaxle hwom kak amüile koxüi.

ISAIA 37:31

Pün tuita tsingküi zule julaxle oziak huanuma ziak ang kopkya ningle Judah nok ma ozün ma ota toxkyabu a ahak-aluale changüi.

EZEKEL 29:14

ilaxle kue hwom a shuathongchi Ijip haxtok ma ngo ang tomüi, ikha a owang tokhange hwom haxtok jao. Ikhato hwom a tsak-zong chitüikya wangting ang ngoüi.

EZEKEL 32:24

“She süpahibu zuktinge akhop laxle Elam a ikhato tüile. Hwom pangwüi zan ma langkyabu changle, ilaxle amalumting to hwom a khwonzüt zom chizing homtoxle ju. Ozün ma ngole tüipongma hwome khünaknu khomtsile ngo ang tom, ikoxle athax hwom a omang ang chingcha angkya chitüile ngopu.

EZEKEL 38:8

Obiobi zanglao lekya füima, chaxwannu onok-onok tokya asox-asüilaxle apüile thomkya khünaknu, athax opang ochax-ozan chemthua za angkyachu chitüile ngole hüipuix, ibu to sing angkya hanpakma kue chix tomüi. Kaiponge wüi khünak chingo tamchu thom-manzaikya chitüile awütle thomkya haxtok, ojongkha ma athax chem chaza angkya chitüile khünakbu ngole tüipuix, ija Israel nok haxnubu to chixe singüi.

DANEL 1:2

Jowanpa-e chix ang wanghompa Jehoiakim kop ilaxle Zangshwom-Hom angkya tuinabu züizüi tsui pao ang dan. Chixe chix füi tomle zandabu koplaxle Babilon tokya chix baozangbu to shwomkya nui to ngui ilaxle zan ma kopkya tuinabu baozang to shwomkya hom ma shole thom.

PONGWANG LAIPEX 2:13

Anyi-lükya shuajen a Gihon; ija a Kush haxtok akhople jenkya shuajen changle.

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’

2 WANGHOMBU 17:24

Asiria nok chongwangpae khünaknu Babilon, Kuth, Iwah, Hamath hia Sefarwaim, ibu tingnu tokya apüilaxle kople thomkya Israel nokbu lüi ma Samaria tingnubu ma ngo ang tom. Hwome ibu pangnu hwom kux ang kop ilaxle ibu ma ngo.

ISAIA 21:2

Mongtsik füi sikangünkyabu, dyen ngokya hia olithu angkya thama, ibu ku mikza ma kue ngündaoa. Elam nok süpahibu, singkox! Medi nok süpahibu, donglaxle tingnubu kopkox! Babilon makhange ahüikya thangnak pangwüi Zang-e ashuk ang tomdaoa.

ISAIA 22:6

Elam angkya süpahibu mankho ma ngalaxle hüingole; hwom a hap hia sanbu füi akhyep-adi laxle tüile. Kir haxtok angkya süpahibue hwom dibu achwon laxle tüile.

ISAIA 49:12

Ku khünakbu a tsailo tokhange nguiüi, shuakux hia hannopchi tokyabu a, ilaxlechu Aswan tokhange shuathong chitokya.”

HOSIA 11:10

“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

ZEKARIA 8:7

Hwom kople paothomkya nok tokya kue ku khünakbu kue sünle kop angkya changle.