ISAIA 10:6 - OTSAO BAIBEL (BSI)

⁶ Zang chilax homtoxle ngokya jat-li to sing angkya hanpakma kue Asiria nok apaopu, ku mongtsik ang tomkya khünakbu to a. Kue hwom tuinabu tsui angkya tamchu ahux angkya ilaxlechu khünaknu to tingjang tokya haxbu to nakpupule nakle tox angkya hanpakma kue hwom apaopu.”

ISAIA 10:6 ပူးပေါင်းရင်းမြစ်များ

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

ZEKARIA 10:5

Hwom zanpabu to lomnutang angkya haxthom khato zutle akhünle anaokya süpahibu ningle Judah angkya khünaknu a zan to anaokyabu ang changüi. Jowanpa hwom füi tüikoxle hwom chizale azanüi, ilaxle hwome mankho makhange azankya zan pangnu to anao angkya changle.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

ISAIA 19:17

Jowanpa Khüthak Zang-e hwom hato ahüi angkya thama texle atak pupu ma Ijip khünakbu a Judah nok thua zale changüi.

MATHI 15:7

Hünzom a künkux-mongkwombu changle; hünzom hanpakma Isaia-e ile ajekya a sule wüi ajepu:

MIKA 7:10

Ikoxle kem zanpabu opange kem chanyi laxle “Jowanpa hünzom Zang a omaxün?”, le akaxpuix, keme ibu to lomtang angkya haxthom to tingpupu le nakle tingle lütkya ngün ang kopüi.

JEREMIA 4:14

Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

JEREMIA 3:10

Ibu pangnu ile chang füima, Judah, mongong chitüikya Israel nanaonu, ku hato chat-tong-ole dyenla; she ma mongpak-fünthokya ojao chitüi. Jowanpa, kue ija akaxdaoa.”

ISAIA 63:6

Ku mongtsik füi kue chaxwannu nok to cha füi nak ilaxle hwom tingle akhün. Kue hwom aji a hax ma thokle ajen.”

ISAIA 63:3

Jowanpae lan: “Kue grepbu to nakkya ningle chaxwannu nok to cha füi nakdaoa, ilaxle ku to asun ang owachu chihüi. Ku mongtsiktsik ma kue hwom to nak, ilaxle hwom ajie ku nyi-za bakle akhikdaoa.

ISAIA 41:25

“Kue handün chito ngokya khünak tuita zünle kopdaoa; Shuakuxchi makhange sing ang kue chix apüiüi. Chixe haxthom to nakpupule apün-awangkyabu to naküi, tikjaomix-e haxthom to nakpupu lea.

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

ISAIA 22:5

Ija a chabüt-lasünkya, zane lütkya, ilaxle Mikngünohün Haxsha ma jemax-hwonsamkya hanpak changle. Kem hato ija a Jowanpa Khüthak Zang tokhange ahüikya changle. Kem long katukbu a thuple anguakdaoa, ilaxle asun hüile sopkya ozing a haxnukhobu to taitailaile atatle.

ISAIA 9:19

Jowanpa Khüthak Zang ang mongtsik ngaikoxle, chixe chaxwan okhao angkhange zokle ashundaoa. Khünakbu a wün tak angkya ha thatha ang changdaoa; ilaxle khünak owaechu mik chiamütle matüi-manao ota toxkya müntüiüi.

ISAIA 5:29

Mailangbu müi langlaxle owaechu chix chak angkya owaechu pale chipao tho angkya nui to paolaxle tsekya ningle süpahibue sungdünle azax.

2 SAMUEL 22:43

Kue hwom zutle akhix, ilaxle hwom a haxbu ningle achang; lomnu-tang tokya haxthom to tingpupule kue hwom to ting.

ISAIA 5:5

“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

ISAIA 7:17

“Jowanpae hünzom hato, hünzom khünaknu hato, wanghom homkha pangnu hato, Israel wangting Judah füi süile changkya füima sümapupa hanpak zanghan apüile fa angkya changle — chixe Asiria nok wanghom apüi angkya changle.

ISAIA 8:8

Pangnu pangnu to chwople, tichen lailaile hwome Judah zutlaxtoxle leüi.” Zang a kwom füi tüile! Chix zang pünkyae chaxwan kho sünle tüi.

ISAIA 24:5

Zang wanlombu hia jento ngo angkya hanpakmale zingkya chix kaxtsao amakya tokhange khünaknue chaxwannu oma ang achangle awüt.

ISAIA 32:6

Angae ongat zangwünüi ilaxle ochax mwot mok angkya ajangüi. Chixe chem mokpuix tamchu chixe chem wünpuix ibu a Jowanpa ajao-ahaikya changpu, ilaxle chixe woknuak khünak otuechu müntux ilaxle tilan mix ang ti alingle münchangtox.

ISAIA 33:1

Kem zanpabu a maxdaoa! Hwom to opupuechu papalole chichangba khohangle chichang khato, hwome papalole chang tamchu khohangle changle. Ikoxlechu hwome papalole lax angkya hia khohang angkya hwom hanpak ashukdaoüi, ilaxle hwom mix alüile ija papalole laxkya hia khohang mütkop ma ngoüi.

ISAIA 49:17

“Tamchatle nang zingle amüi angkyabu chwonle nguingole, ilaxle nang amale ngokyabu paoüi.

ISAIA 49:25

Jowanpae lan: “Ija a chemle changüihex ija changpu. Süpahibu kople thomkyabu a tswonle paoüi, ilaxle mixtsak-naomüie tsui kopkya tuina pale kopüi. Nang füi azankya mix füi ku azanüi, ilaxle kue hünzom naosom hwom kho-awa kopüi.

EZEKEL 29:20

Chix süpahibue ku mwot mokle changkya khoma, kue Ijip a chix ang ija otha ningle koxpu. Ija kax Jowanpa, kue akaxdaoa.

EZEKEL 38:12

Amipongma pünle ama thomkya tingnubu ma ngole tüikya khünaknu to thomjo laxle tsuile paoüi. Ibu a chaxwannu onok-onok tokya asüile asox thomkya khünakbu changkya, ikoxlechu athax hwom a chaxwannu lompongsox ma ngolaxle tsom-pom hia tingtok-tuinabu huanuma tüile ngokya.

EZEKEL 38:13

Sheba hia Dedan khünakbue ilaxle Spain tinglongbu tokya thalex mixbue nang ma atüiüi, ‘Nange nang süpahibu asoxlaxle ibu thomjole tamchu tsuile pao ang sing pia? Nange thoma ikhato hun hia khop, tsom-pom hia tuina, ibu huanuma bangüi üntoxle nang a ibu tsuile koplaxle chatüi le texlaxpia?’”

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

2 WANGHOMBU 18:25

Kue hünzom haxtok tingtak laxle ibu amakya a Jowanpa tokhange fongkya chilax homtoxle changpuixle nang thütdaicha? Jowanpa chix jaoe ku ang, ija to singlaxle tingtakle ama angkya kax koxpu.”

ISAIA 8:4

Naosa ‘Anu’ hia ‘Apa’, le nyaktang matsongba, Damaska angkya tuina pangwüi tamchu Samaria angkya tsuikya mwot-kat pangwüi Asiria nok wanghompa-e tswonle paodao angkya changle.”