ISAIA 10:4 - OTSAO BAIBEL (BSI)

⁴ Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

ISAIA 10:4 ပူးပေါင်းရင်းမြစ်များ

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

JEREMIA 37:10

Hünzome Babilon nok süpahi pangwüi to anao ilaxle maklaxdao pupu hwom nyihombu ma opao chitsuakle danle tox, ile changkox-ngaxchu ibu laoxle zo ilaxle ija tingnu zokle ashuntox angkya changle.”

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

TSAITONG-KAXTONG 32:30

Tutae hajat to büthüikoxle lüt ang tho? Hajat bün to mixhuak anyie büthüikoxle lüt ang tho? Jowanpa, hwom Zang-e hwom dandao koxpu; hwom Khüthak Zang-e hwom chilaxle awütdaoa.

HOSIA 9:12

Hwome naosom tux-tsomle changbachu, ibu kue paoüi, tuita chu ozün ma müntoxüi. Chemtue kue ibu khünakbu chilaxle dantoxüihex, tüle khompua-atsikkya mwot hwom ma laiüi.”

ISAIA 66:16

Chaxwannu angkya khünaknu opang thaile changpuix ibu to wün hia changlo füi chixe sikngün faüi — ilaxle mik max ang tomüi.

ISAIA 34:3

Hwom mangbu a münakhünüi, ikoxle ikhato thüile shanle tamchu sumle pao ang tomüi; ilaxle haxhuabu a aji füi khile changüi.

ISAIA 24:22

Zandabu tswomkha tuita ma athütle thomkya ningle Zang-e wanghombu athütle chang ang tomüi. Hwom zothup hanpak nguikya tan ang hwom a kun khato kople thomüi.

ISAIA 22:2

Tingnu pangnu khato wüi pupuale, khünaknu mongmüi to akhong-akhakya ozinge awangle tüile. Hünzom khünaknu opang ija zan ma zilaxpuix hwom a azankya ma zikya chichang.

ISAIA 9:21

Manasseh hia Efraim khünakbue tata to single changüi, ilaxle hokhi athütlaxle Judah to singüi. Itukuxle changkox-ngaxchu Jowanpa mongtsik münbaktox; athaxchu chix chak a hwom to sikangün ang ajong lüwüi tüile.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

LIWI 26:17

Kue hünzom chito tok ahoüi, ile hünzom to lüt ang tomüi, ilaxle opange hünzom thua anule tüipuix hwome hünzom thakma apünüi; hünzom a huanuma abütüi, ikhoma owaechu chijwon khato hünzom fütle paoüi.

JEREMIA 4:8

Ikhoma nyikhwon aponglax, ilaxle awaole soplax chemthüikoxle Jowanpa mongtsik zadünkya Judah hatokya machat.

ISAIA 9:11

Jowanpae hwom zanpabu mwop ang tomdaoa hwom to sing angkya hanpakma.

ISAIA 9:16

Ibu khünak lom azuikyabue hwom othai to zunle pao ilaxle hwom komkaile khosam ma dantox.

ISAIA 9:20

Chaxwan pangnu khato wüi khünakbue hwom atak tsuakpupu pa-lole saxüi, ikoxlechu hwom wokfwot tam münmüitoxüi. Ibue masu-masa hwom ngaxchu sax angkya changle!

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!