ISAIA 10:3 - OTSAO BAIBEL (BSI)

³ Zang-e hünzom to zothuple changkya zuma hünzome chem moklaxüi? Chixe tsailo nok tokhange hünzom hato thama apüi ang tomkya zuma hünzome chem moklaxüi? Hünzom to asun angkya lomle hünzom ojong to paolaxüi? Hünzom tuinabu hünzome ojongto khomle thomlaxüi?

ISAIA 10:3 ပူးပေါင်းရင်းမြစ်များ

KAXHO MÜIKYA LUK 19:44

Üntoxle hwome nang hia nang wankam ma ngokya khünakbu amütüi; hwome chiatsun homle long tuita ngaxchu athünle chitoxüi, chemthüikoxle nang khosün ang Zang ngui angkya hanpak nange awanle chingo!”

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

JOB LAIPEX 31:14

Kue ile chimok thüikoxle kue Zang füi chemle apongüi? Ku kaxfün ang Zang nguipongma kue chemle lanüi?

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

ISAIA 26:21

Jowanpa a chix ngwotnui zangkangting tokhange, hwom ochaxbu khoma chaxwannu angkya khünakbu to sikangün ang nguile ngole. Chaxwan tok ma zuile mix mik amütkyabu kotok to angaiüi, ilaxle mik amütdaokyabu chaxwantoke athax pyenle münthom.

ISAIA 20:6

Chemtue ija hanpak nguile hüiüihex, Filistia tinu kax achole tüikyabue thüiüi, ‘Asiria chak tokya kem hwome azünüile mongong laxle keme hule ngokyabu to hulax! Kem ozün ma chemle ngothoüi?’”

ISAIA 5:26

Tsailo nok sele lax angkya hanpakma Jowanpae mowan koxle. Haxtua-zangnam tokhange hwom ngui angkya, hwom hanpak ang chixe pipit mütle. Ilaxle nonokhaile tamchu otsuaktsuak ma akhangle hwom nguile!

WANWÜNKAX 11:4

Nange zik apongkya zuma nang ahak-aluale tüikyae chem hwon müntha, ikoxle mong ma thaikya chitüikya khünake ma khüzün sün ang tsuaküi.

TSAITONG-KAXTONG 28:49

Jowanpae hünzom füi azan ang haxtua-zangnam tokya jat-li tuita apüiüi, ija a hünzome hwom kax-ngao ojao chitsingkya jat-li tuita. Hwome hünzom to olae o to shingpupule shingüi.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

ISAIA 39:3

Ifüima ajepa Isaia Wanghompa Hezekiah hato ngui ilaxle atüi: “Hwom ojongkha tokya tamchu hwome chempangle akaxpu?” Hezekiah-e lan: “Hwom a tsailo tokya, Babilon nok tokya changpu.”

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

ISAIA 30:16

Itülüi, hünzome hünzom zanpabu chak tokya ozik tsuakkya manbu kho ma ngale paole azang angkya olom zing. Üntoxle hünzom hanpakma ija changle — paole azang angkya tix wüi hünzom mwot changkox-a! Hünzome thütle hünzom manbu a müimamale momle ziktsuakle, ikoxlechu hünzom achuale zikkyabu sisi ifüi momle zik angkya changle!

ISAIA 5:14

Amalum a hwom bama woknuak maxle, ilaxle ija owikha lanle akakox. Mwop-mwop-tsatsale ngonuikya zangjang khünaknu füi tomle ijae Jerusalem angkya pünlix-wangchongbu jokle ling.

2 WANGHOMBU 7:15

Khünakbu Jordan shuanu alople le, lomjang fole nyi-za hia mama-mama chang-paxbu, hwom paoüima Siria noke dantoxkyabu atakle lax. Hwom chat ilaxle wanghompa hato ibu kaxwün wang.

PONGWANG LAIPEX 31:1

Laban sasün hwome “Jakop-e kem apa kux pangwüi laxdaoa. Chixe tuina ibu pangwüi kem apa kuxkux wüi kopkya changpu”, le akaxkya Jakop-e atatlelax.

HOSIA 5:13

“Chemtue ma tüle kakle maxkya Israel-e ngünle laxpuix ilaxle Judah-e ma ma mak-khakya ngünle laxpuix, ipongma Asiria nok chongwanghompa hato ofong-otsox lomle pao, ikoxle chixe hwom kaklakbu amüile chifa tamchu hwom makchakbu amüile chifa.

ISAIA 13:6

Kakkoxle awaolax! Jowanpa hanpak a hoxüna; ija nyix a khüthak Zang-e thama apüikya nyix ang changüi.

ISAIA 17:4

Jowanpae thüi: “Israel chuak-chongle ngokya ashuk angkya din hüile ngole, ilaxle hwom tuinabu tüile ngokya a otui-onuak füi alüixüi.

ISAIA 26:14

Athax a hwom zidaoa ilaxle chatle tam azangüi münchang; hwom chasabu a münzoüi, chemthüikoxle nange hwom to sikangün tamchu max ang tom. Hwom a owaechu texle chiatak.

ISAIA 29:6

Jowanpa Khüthak Zang-e zangchei-zangwat hia bütix sikya füi nang khosünle kopüi. Chixe zangchei chongkya hia wünnu ahüiüi;

ISAIA 30:5

hwom to asun angkya changüile ong pong ma chiasunkya nok, oshosho ma chidongkya nok to hwom mongong thomkya bama Judah angkya khünakbu ang mongma laxle omalax ang ong ngokya daile texüi.”

ISAIA 30:7

Ijip noke asunkya ma laxli chemchu chitüi. Ikhoma kue Ijip nok ang ‘Oma chemchu chitüikya Dragon’, le mün kox.”

JEREMIA 4:30

Jerusalem, nang a maxdaoa! Nange haxkhi-zangsumle omalax ang aza-apua ngo? Nange omalax ang likwünbu lax tamchu mikbu to zong füi lyetle changpu? Nange oba to nang sün jo amüile zing-ngole! Nang mongküne nang awütdao a ilaxle nang mik amüt-se tsule.

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”

JEREMIA 22:7

Ija ama ang kue khünakbu ahüi ngopu. Hwome hwom wafaxbu pangwüi apüiüi, ija ma tüikya osün müikya sedar pünbu dakle anguaküi, ilaxle ibu wünkha to awütüi.

HOSIA 9:5

Ilaxle Jowanpa achuakle Pangpwon sax angkya tunu ngui ningle, izuma hwome chem moküi?

MIKA 7:4

Hwom khama ataxle sukya mix to lünle hingzang tukux thatha ngaxchu münchang. Chixe hwom nyetmix, ajebu makhange kaxkhün koxle hüikya ningle, Zang-e chix khünaknu to sikngün ang tom angkya hanpak nguile hüile. Athax hwom a khosam ma tüile.

ISAIA 28:20

Wanwün-kax Lai ma tüikya khünak tuita, owa lya moxkya ma chix tsangtsa to chitokya nyi awunlaxle jipkya mo wünle tüipuix, nang a ija mixsün ningle changüi.

AMOS 5:19

Ija a owawa mailang thoto paokya mixe chep apongle laxkya ningle changüi! Chichangba owawa hom to nguilaxle katuk ma achuakle changkya füi tomle pue tule laxkya ningle changüi!