ISAIA 10:22 - OTSAO BAIBEL (BSI)

²² Athaxpongma Israel khünaknu a tinu khatokya fix büta tüile ngokoxchu, hwomkha angkya hidaole wüi chatüi. Khünakbu hanpakma thama a athünle thomle, ilaxle ija kop angkya asupu.

ISAIA 10:22 ပူးပေါင်းရင်းမြစ်များ

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

MIKNGÜN-OHÜN 20:8

ilaxle chix a chaxwannu handün hia hannop, shuakux hia shuathong pangnu khato chiakle tüikya jat-li, ija Gog hia Megog, dyen ang laile paoüi. Haxshixe shuakax angkya fix ningle tüikya khünaknu azan ang nyakle asoxüi.

DANEL 9:27

Ija lompa-e zanglao anüt hanpakma mixnokbu füi tsaino-kaxno tomkya tüiüi, ikoxle ija hanpak süifi le le chang füima, chixe to koxle ngokyabu ashukle toxüi. Nushix Dongkya a Zangshwom-Hom atsuakya khama danüi ilaxle ija a owae ija ikhama danlax puix chix bama Zang-e achwonle thomkya oshuk hanpak füi ma-apong ma-apongle ngoüi.”

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

ISAIA 8:8

Pangnu pangnu to chwople, tichen lailaile hwome Judah zutlaxtoxle leüi.” Zang a kwom füi tüile! Chix zang pünkyae chaxwan kho sünle tüi.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

1 WANGHOMBU 4:20

Judah hia Israel khünakbu a tinu kax to tüikya fixtsang büta akiak ang chithole tüikya; hwom pangwüi sax-lingle tamchu mongmüi-pwonlale ngo.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

ISAIA 48:19

Hünzom su-sa hwom a sak-tsang bütale tüiüi, ilaxle kue ibu otuechu chiama angkya zingle tsuakse.”

ISAIA 60:22

Hünzom khama ahixkya hia puinaile tüikya homkha ngaxchu Tüle chongle tüikya onok tuita ningle tsak-zongle tüiüi. Chemtue chaxwan zanghan nguile hüiüihex, Kue ija chwonle chang ang tomüi. Ku a Jowanpa changle!”

ISAIA 65:8

Jowanpae thüile: “Müikya grepbu owaechu münama; ikoxle ibu füi hwome grepti-ju fyetle. Kue ku khünaknu amaüi münchang — ku thothale changkyabu kue sünle kopüi.

2 WANGHOMBU 19:31

Jerusalem hia Zaion Haxnu ma ozün ma ngokya khünakbu tüiüi, chemthüikoxle ile chang angkya bama Jowanpae mongzangwünle tsuakdaoa.

ISAIA 37:31

Pün tuita tsingküi zule julaxle oziak huanuma ziak ang kopkya ningle Judah nok ma ozün ma ota toxkyabu a ahak-aluale changüi.

ISAIA 59:20

Jowanpae chix khünaknu ang thüi: “Hünzom kho-awa ang ku Jerusalem to nguiüi ilaxle ochaxbu tokhange mongchatkya hünzom pangwüi khosünle kopüi.

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

JEREMIA 44:28

Ikoxlechu hünzom kha angkya züizüi chizile azang paoüi ilaxle Ijip tokya Judah to chat ang kopüi. Ifüima chizile azangkyabue ku kax changle ngaipia hia hwom kax changle ngaipuix, ija awan ang kopüi.