ISAIA 10:16 - OTSAO BAIBEL (BSI)

¹⁶ Jowanpa Khüthak Zang-e, athaxpongma wokfwot tilan müile ngokyabu to sikangün angkya hanpakma okak-olak ahüi angkya changle. Hwom tsangtsa ma chizakle zokle ashun ngokya wün tüingo angkya changle.

ISAIA 10:16 ပူးပေါင်းရင်းမြစ်များ

2 PUKAX-PANGAO 32:21

Asiria nok süpahi lompabu hia süpahibu mik amüt angkya hanpakma Jowanpae kaxtaimix ahüi. Ikhoma chongwangpa a mong atho laxle Asiria nok to chat. Nyixta chix a chix baozang to shwomkya nui ma ngole tüikya, chix sasün hwomkha angkya züizüie chix a changlobu füi lang.

WANGSHEMBU MWOT 12:23

Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

MÜNCHUAK-TSAI 106:15

ikhoma hwome chem jupuix, chixe hwom ang kox, ikoxlechu hwom hato khomtsikya kaknu laknu chuwüi ahüi.

ISAIA 37:36

Jowanpa kaxtaimix Asiria nok thongnui to ngui ilaxle 185, 000 khünak süpahibu langle tox. Ngainop ningle zangngai thoma hwom pangwüi nguakle omang ma bang!

ISAIA 37:29

Ku füi mongtsikkya hia nang mongngam bama ku hato kaxwün wangdaoa, ilaxle athax kue nang nakua makhange jankuix füi huküi ilaxle nang wikha danglang ataple koxüi ilaxle oja lomtang makhange nang nguipuix ija lom to kue nang chatle achatüi.”

ISAIA 17:4

Jowanpae thüi: “Israel chuak-chongle ngokya ashuk angkya din hüile ngole, ilaxle hwom tuinabu tüile ngokya a otui-onuak füi alüixüi.

ISAIA 10:18

Shonak-lingnu hia manzai haxtok komkaile amaüi, ija lailaile ija chisumüikya okake khünak tuita max ang tomüi.

ISAIA 9:5

Sing ang hüikya süpahibu chisox ilaxle aji füi awangkya hwom nyizabu pangwüi wün ma max ang tomüi.

ISAIA 5:17

Tingnu thomle maxkya tamting ma chun hosabue hia zwonsabue fum tsütle saxüi.

ISAIA 8:7

Ku, Jowanpa-e, Judah nok to sing angkya hanpakma Asiria chongwangpa hia chix süpahibu komkaile apüiüi. Kakax pangnu khato lyemle Eufrat shuanu tichen mualyemle hüikya ningle hwom thut-thutle hüiüi.

MÜNCHUAK-TSAI 78:31

chemtue Zang hwom füi mongtsikpuix, ilaxle hwomkha angkya mixtsak-naomüi, Israel khünakbu khama sümüikya mixsün hwom langle changpuix.

ISAIA 31:9

Hwom chongwangpa a chabüt-lasünle zikle paoüi, ilaxle chix nguakax wangkhobu a hwom zankat nyiluak to apüi awütle toxle abütüi.” Jowanpae akaxdaoa — Jowanpa owa to Jerusalem ma shwompuix ilaxle töbu kox ang owa wün ikhama atsople changpuix.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

EZEKEL 34:16

“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.

NAHUM 1:12

Ija a Jowanpae chix khünaknu Israel nok füi akaxkya kax changle: “Asiria nok a tsak-zongle tamchu huanuma tüikoxlechu, hwom a olithule amütdao angkya changle. Ku khünaknu, kue hünzom sikngün ang tomdaoa, ikoxle kue ija tamchatle ile chang ang müntom.

ZEFANIA 2:13

Asiria amüt angkya hanpakma Jowanpae chix tsak-zong twonüi. Chixe Ninewi tingnu a khünak chingokya tingnu tamchu ti ojao chitüikya sak-hax ang achangle awütüi.

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

JEREMIA 48:14

“Moab angkya khünaknu, hünzome omalax ang naomüibu, zanhok ma wanle anodaokya mongchongkya süpahibu changpule omalax ang akax ngo?

ZEKARIA 7:4

Ija a Jowanpa tokhange ku hato hüikya kaxho changpu.