ISAIA 10:1 - OTSAO BAIBEL (BSI)

¹ Hünzom a maxdaoa! Hünzome ku khünakbu to zothup angkya hanpakma chisukya wanlombu zingle alai.

ISAIA 10:1 ပူးပေါင်းရင်းမြစ်များ

KAXHO MÜIKYA LUK 11:52

“Hünzom Wanlom tsingpabu maxsax! Chemthüikoxle hünzome Zang je-hwon hom kapatja kople thom; hünzom chuwüi chinop ilaxle nop ang hüikyabuchu wüi hünzome abaxle thom!”

MATHI 23:23

“Wanlom nwotmix hia farisi, künkux-mongkwombu! Hünzom maxsax! Otutu ma alaikya suilaibu angkya hünzome bün ma thomta fapu; ikoxle wanlom khama akhokyabu, chingcha, mongong, kaxfün sule fakya, iningkyabu a awütpu. Ofüi angkyabuchu hwome mokdaose ilaxle otho angkyabuchu dantoxse chichang.

JUHAN 19:6

Nguakhobu hia apün awangkyabue chix ngünkya zuma akhongle thüi: “Chix pünsak ma takkox! Chix pünsak ma takkox!” Pilat-e thüi: “Hünzome hünzom lualua to paolaxle chix taklax; ikoxle kue chix ma thaikya chemchu münatak.”

JUHAN 9:22

Honu hia hopa nyie ile thüikya a Jehudi nok pünpa-chongwangbu thua zakya kake thüipu; chemthüikoxle owawae “Chix Khrista changpu”, le tsaokya mix jangtüiba, ija khünak a sinagok angkya mün züt angkya zangwün tsuakle thomdaokya tüikya khoma;

HABAKUK 2:6

Zandabue hwom kople apüikya zanpabu ajao-adale changüi ilaxle hwome apong angkya thama ahole azaüi. Hwome thüiüi: “Oja hünzom kux chichangpuix ija hünzome laxpu, ikoxle hünzom maxsax! Hünzom thashe tsangthom angkya atsang-atsangle hünzom chemtukux ngole hüilaxüi?”

ISAIA 5:8

Hünzom a maxdaoa! Hünzome tüile ngoünkya tok to obo ang hom-hax hia manzai haxtokbu shaktüi. Alüile chingole haxtok ma nang boboma owachu ngo ang onui chitüile changüi.

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

MATHI 26:24

Khünak Hosa a Otsao Lai kax ma tüikya ningle zilaxüi, ikoxchu Khünak Hosa khohang angkya mix a maxsax! Ija khünak zongma chix a chipux kox wüi müise dai!”

MATHI 23:29

“Wanlom nwotmix hia farisi, künkux-mongkwombu! Hünzom maxsax! Hünzome ajebu zukting müile zing tamchu müikya khünakbu chapa aza-apuale zing;

MATHI 23:27

“Wanlom nwotmix hia farisi künkux-mongkwombu! hünzom maxsax! Hünzom a thun füi pale atsyet thomkya zuktok ningle changle. Zuk otok to hukya zongma müile ikoxlechu omong ma a mang shankya onom-osia hia zabue awangle tüile.

HABAKUK 2:12

Hünzom a maxdaoa! Hünzome mütkop chifün ma tingkoppu ilaxle mix mik amütkya füi ija zingle ajongpu.

HABAKUK 2:9

Hünzom a maxdaoa! Changnong-pünthomle mixkux tsui apüikya füi hünzom ahak-aluale chang ilaxle hünzome ma hom to mix chakmok-janlangle chakju ang chithole zing thompu!

MIKA 6:16

Hünzome wanghompa Omri hia sasün, wanghompa Ahap nyie mokkya ochax olom hünzome tokya khoma ija ile chang angkya changpu. Hünzome chizakle hwom mongtex olom tole hüikya khoma kue hünzom hato thama apüiüi, ilaxle pangnusae wüi hünzom a ajao-ahaile changüi. Pangnu khato wüi khünaknue.” Hünzom to ongam füi hwonüi.

MATHI 11:21

“Maxsax Korazin! Maxsax Bethsaida! Hünzom ma mokkya ohünotün mwotbu Tair hia Sidon ma mokpuix thüikoxba, nyitsyen zahom awunlaxle labu khato wotle, amiba wüi mong chatkya ahodaose.

HABAKUK 2:19

Hünzom a maxdaoa! Hünzome pünfunsa füi akax: “Zolax!” chichangba longdwon tuita ang thüi: “Ajonglax!” Chapa tuitae nang ang tütali ngaile aho tho angchami? Ija to hun hia khop füi chwople chu tüingokoxlax, ikoxlechu ija ma khüzün müntüi.

HABAKUK 2:15

Hünzom a maxdaoa! Hünzom mongtsik füi hünzome tomzibu to zak akople hwon; hünzome hwom to jutok mix to hupupu le hu.

JEREMIA 22:13

Chisukya olom tokhange ija hom zaile alaikya tamchu ija achenle zingkya mix; owae chix khünaknu ang muato mwot amokpuix ilaxle hwom ang hingchak mün chifale changpuix, chix a maxdaoa.

ISAIA 5:18

Hünzom a maxdaoa! Hünzom a hünzom ochaxbu chak tokya dale alai ang müntho.

ISAIA 3:11

Ikoxlechu ochax khünakbu a maxdaoa; hwome mix to chemle hwondaopuix ija athax hwom to hwonüi.

MÜNCHUAK-TSAI 58:2

Münfa! Hünzome mae moktsuak angkya ochax bama ajang wüi, ilaxle haxtok ma chakmok-janlangle mix mik amütle.

ISAIA 5:11

Hünzom a maxdaoa! Hünzom juling saxsaxle chang ang swomsae kai wüi zopu, ilaxle zangnak ma chuwüi sudaole jutok ngopu.

1 WANGHOMBU 21:13

Kaxfyet olom anyi füi chix ma Zang hia wanghompa nyi to thuakzomle changkya noknusa tunthoma tsaihux-kaxhux fele chang. Ikhoma chix tingnu pan athaile alai ilaxle long füi thuple lang.

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

ISAIA 5:23

Ikoxlechu zuizun koplaxle hünzome thaikya khünak danle apao, ilaxle chithaikya mix ang sukya kaxfün kop ang chitomle abax.

ISAIA 29:21

Zangwün makhange mix tha ajaokyabu, mütkopmixbu kho awakyabu, ilaxle chithaikya mix ang sukya kaxfün chifale abax thomkyabu, ibu Zang-e amaüi.

ISAIA 59:4

Hünzom khwa to paole, ikoxlechu hünzome sukya kaxfün chikoptsuak. Hünzome ija tsetwon-zangwün to lüt ang bama kaxthai zangwün to mongongle ngo. Hünzome mix thomzün ang tom angkya hünzom mwot-lom mokle wüi ngo.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

LAIPAO 23:3

Kaxfün fapongma omüt-oshun khünak tuita zongto masüi-mixlüikya taxtüi.

LAIPAO 23:6

“Khwalo to mixshix-zasa nguipongma sukya kaxfün chifale taxtüi.

AMOS 2:7

Hwome chitho-chilün hia juafong angkya chitüile maxngokyabu tingle akhündaoa ilaxle mixshix-zasabu hwom lom ang thwomle apaodaoa. Hopa hia sasün nyie danucha tuita füi tomwüi nganguile changdaoa, ilaxle ku otsao mün akhu ang tomdaoa.