ISAIA 1:9 - OTSAO BAIBEL (BSI)

⁹ Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

ISAIA 1:9 ပူးပေါင်းရင်းမြစ်များ

ROM NOK HATO ZAKYA POL LAIZA 9:29

Ija a amiba wüi Isaia-e akax daokya ningle, “Khüthak Zange kem oli chitox thüikoxle, kem a Sodom ningle achangünse, kem a Gomorah ningle changdaose.”

PONGWANG LAIPEX 19:24

Jowanpae allele Sodom hia Gomorah ding ma chuale ngokya khat zangwat ningle düt ang tom.

MANGSOP 3:22

Mong chiathokya Jowanpa mongkün chingcha otyatya wüi tüile,

AMOS 4:11

“Kue hünzom züizüi a Sodom hia Gomorah nok amütpupu le max ang tompu. Hünzom opang azangle tüilaxpuix ibu chuwüi wünkha tokya alaile laxkya wünchua füikya hatua tuita ningle changle. Ikoxle ngaxchu hünzom a ku hato mongchat le münhüipu.

ISAIA 37:4

Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

ISAIA 24:13

Zangfang angkya pangnu haxtok towüi ija a ile chang angkya changle. Ija a olip tsang hongle tsuak tamchu grep ziak khaile tsuaklaxle puamün wünle tsuak füima changkya ningle changüi.

ISAIA 17:6

Khünak hidaole wüi ozün ma toxüi, ilaxle Israel a, okho to tomta hia anyi toxlaxle chichangba kangtong to tomta anyi toxlaxle oziak bakle khaile laxdaokya olip pün tuita ningle changüi. Jowanpa, Israel nok Zang kue akaxdaoa.”

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

PONGWANG LAIPEX 18:32

Abraham-e akax: “Jowanpa, mong sütaxtsikünfa, athax kue tamtata akaxfang. Mixhuak bün zaza bangle chang koxle chemle chang?” Chixe lan: “Bün zaza wüi bangle jangchang thüikoxchu kue onok max ang müntom.”

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

MATHI 7:14

Ikoxle khüzün lom to le angkya lom a tangthole tamchu hitle tüile, idaile ija atak angkya mix a hidaole wüi.

ZEFANIA 2:9

Ku chemle otsingtsing Jowanpa, Israel nok Zang changpuix, iningle kue, Moab hia Amon nokbu a Sodom hia Gomorah amütkya lailaile otsingtsing ma amüt angkya kue tsaopu. Hwom a othuithui hanpak ang hum tswomlua ang achang paoüi. Ija a tamchatle chimüi angkya thama ang changüi. Ikhato hingzange awangle changüi. Ku khünakbu opang ota toxle tüilaxpuix, hwome ibu haxtok laxüi.”

HABAKUK 3:2

O Jowanpa, nange chem mokdaopuix, ija zing kue atatdaoa, ilaxle ku huanuma abütle. Athax chatle kwom tsün ma anaole mok-hüi nang mok-homkya chongkya mwotbu a. Nang mongtsik-mongma pongma ngaxchu chingchajajale tüihüi.

JOEL 2:32

IKoxle opange Jowanpa ang asunhüile thüiüihex, hwom khosünkya tüiüi. ‘Züizüi Jerusalem to paole azangüi; kue zünle kopdaokyabu azangüi’ le Jowanpae akax daokya ningle.”

EZEKEL 6:8

“Kue züizüi changlo fang ma lamse azangle pao ang tomüi ilaxle hwom a pangnu khato chiakle sam ang tomüi.

MANGSOP 4:6

Sodom to ngaxchu kaile ku khünaknu to sikangün, ija khoma allele hwom a Zang chak fangma lam angkya hato ahüi.

1 WANGHOMBU 19:18

Ikoxlechu kue 7000 khünak Israel nok ma ozün ma toxüi, ibu a pangwüi Bal chichangba chixe chapabu tong to chipui ikoxle ku lwot-to le ngokyabu changüi.”

TSAITONG-KAXTONG 29:23

Haxtokbu a khat hia hum-e awangle, oziak-opua chemchu chitüile awütle thomkya kha ang ngoüi; chemchu küi-thwomle münchangüi, ikhato hingzang ngaxchu chinyemüi. Chix mong shixle tsikpongma Jowanpae amütdaokya Admah hia Zeboiim nok, Sodom hia Gomorah tingnubu ningle changüi.

2 PITAR 2:6

Zange Sodom hia Gomorah, tingsho anyi, tha ajao; ibu wün füi amüt, üntoxle Zang chilax homtoxle ngokyabu to chemle changüi hex, ija hanpak kaxpan ang ija tingsho nyi achang.

EZEKEL 14:22

Owawa ozün ma tüi ilaxle hwom su-sabu sünle thomkya jangtüi, hwom nang hato nguikya zuma hwom to hule koplax. Hulax hwom chemtukuxkya ochaxbu hex ang, ilaxle kue Jerusalem hato ahüile ngokya zothup a asunpule pongle laxlax;

PONGWANG LAIPEX 18:26

Jowanpae lan: “Nange Sodom nok ma müikya khünak punyi-bün ngaxchu atakle jangchang, hwom khokho ma hexle kue onok makhange komle dantoxüi.”

MIKNGÜN-OHÜN 11:8

ilaxle hwom Jowanpa takle langkya tingnu tingsho fato hwom mangbu awüt thomüi. Chasa kaxpyen ma ija tingsho ang Sodom chichangba Ijip le nyakle.

2 WANGHOMBU 19:4

Asiria nok chongwangpae ozün ma tüikya Zang tha ajao ang chix nguakax-wangkho khama akhokya ahüile. Jowan Zang, nange ibu thajao wünhai kax nax atat ilaxle ibu akaxkyabu to sikngün koxle naxchang. Ikhoma kem khünaknu ozün ma tüile ngokyabu hanpakma zangjople changkox.”

ISAIA 1:8

Grep haxtok nyetmix pomsa hia wum-wao mwonsa angkya tap tuita ningle, Jerusalem tingnu chix tata, mix chak to kople thomdaokya tingnu, ojao ziakopmix chitüi homtoxle danle tox.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

ISAIA 11:16

Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

ISAIA 46:3

“Ku kax to apalax, Jakop sixli hwome, ku khünaknu kha angkya atatle tokyabu pangwüi. Nang puxkya makhange wüi kue nang to humele hüipu.

ISAIA 65:8

Jowanpae thüile: “Müikya grepbu owaechu münama; ikoxle ibu füi hwome grepti-ju fyetle. Kue ku khünaknu amaüi münchang — ku thothale changkyabu kue sünle kopüi.

JEREMIA 23:14

Ikoxle ito kaikya mwotma mokkya Jerusalem angkya ajebu kue ngündaoa: hwome chinunchakkai ilaxle atse; othai mwot mok ang hwome khünaknu to asun, ikhoma ochax mwot mokkya abax angkya mix owachu chitüi. Ku zongma hwom pangwüi Sodom hia Gomorah nok füi tomwüi oma changle.

JEREMIA 42:2

ilaxle ku füi akaxle thüi: “Kwome nang ang mok-hüi thüikya mwot shong-mok fahüi! Kwom hanpak ang Jowanpa kwom Zang to jople changhüi. Kwom ozün ma toxle tüikya pangwüi hanpakma jople fahüi. Hanpak tuita ma kwom a huanuma tüile ngokya; ikoxle athax a, nange ngün ang kople kwom hidaole wüi dantoxpu.

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

ISAIA 24:6

Ikhoma Zang-e chaxwannu to othuak-ozom takdünle akax. Khünaknue a hwome mokdaokya tsangthomle ngopu. Ozün ma ngokya sühi-sühile hile pao.