ISAIA 1:7 - OTSAO BAIBEL (BSI)

⁷ Hünzom haxtok a komkaile amadaoa ilaxle hünzom tingnubu a zokle ashunle hax to adütdaoa. Hünzome hule ngongale, zannokbue hünzom haxtok lax üntoxle pangnu olithu ang tom.

ISAIA 1:7 ပူးပေါင်းရင်းမြစ်များ

MANGSOP 5:2

Kwom tuinabu a mixnokpa chak to tüile; kwom haxtok ma ngole tüikya mixnokpa chak to a.

TSAITONG-KAXTONG 28:43

“Hünzom haxtok ma ngokya mixnokbue hünzom to sülüt-sülütle lütle changüi, ikoxle hünzom a sümax-sümaxle maxle shuüi.

TSAITONG-KAXTONG 28:33

Hünzome sikngün ashukle zaile alaikya saxziak mixnoke tsuile paodaoüi. Othuithuima mix fang to ngokya hia atsangle aza-anakya sikngün boma chemchu chikopüi.

HOSIA 7:9

ikoxle ija mixnok to mongongle ngokyae hwom janzüi asampu le texle chiatak. Hwom hanpak zanghan akiakle thomle, ikoxle hwome ija chitik.

EZEKEL 30:12

Kue Nail shuanu azopüi ilaxle Ijip a ochax khünakbu janzüi chak to koxle toxüi. Mixnokbue ija haxtok thomjole tox angkya kax, ku, Jowanpa Khüthak Zang-e akaxdaoa.”

2 PUKAX-PANGAO 28:5

Wanghompa Ahaz achaxkya khoma, Jowanpa, chix Zang-e chix to Siria nok wanghom ang lüt ang tom tamchu Judah khünakbu zanda ang koplaxle Damaska to pao ang tom. Jowanpae Israel nok wanghompa Pekah, Remaliah sasün ang chuwüi wanghompa Ahaz to lüt ang tom, ilaxle chixe nyixtakya fang ma Judah nok zankat naomüibu 120, 000 khünak langle awüt. Jowanpa, hwom putong hwom Zang-e ija ile chang ang tom, chemthüikoxle Judah khünaknue chix hato tok aho.

HOSIA 8:7

Chemtue hwome zangwin saipuix, hwom ang zangchei puamün ang kop angkya changle! Sax chiziakkya haxtoke chemtuechu khünak süt münalaifa. Ijae alaile namfabachu, mixnokbue saxdao angkya changpu.

JEREMIA 6:8

Jerusalem angkya khünaknu, ija sikngün a hünzom khünzai angkya hanpak khünzai kax ang naxchang, ile chichang thüiningle kue nang danle awütüi; kue hünzom tingnu a tuita sak-hax ang achangüi, ikhato owachu münngoüi.”

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

ISAIA 34:9

Edom angkya shuajenbu a nakkya nüiti ang achangle paoüi, ilaxle hax a khat ang achang paoüi. Ija onok abakle müinak ningle shunle paoüi.

ISAIA 9:5

Sing ang hüikya süpahibu chisox ilaxle aji füi awangkya hwom nyizabu pangwüi wün ma max ang tomüi.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

ISAIA 5:17

Tingnu thomle maxkya tamting ma chun hosabue hia zwonsabue fum tsütle saxüi.

ISAIA 5:9

Khüthak Jowanpa kax kue atatdaoa: “Ibu chongkya hia osün müikya homnubu homhua ang achangle paoüi.

MÜNCHUAK-TSAI 107:39

Mongtsik ashukle chifa fang ma thomkya hia sikngün ang tomkya makhange chemtue Zang khünaknu to lütle tamchu adix-adale changpuix,

MÜNCHUAK-TSAI 107:34

Chixe haxzao füikya haxtok chilaxli hun haxtok ang achang; ija a ija haxtok ma ngokyabu chichangchizangle tüikya khoma changle.

LIWI 26:34

Ifüima hünzome fa ang chithokya komkaikya nazak hünzom haxtoke apongüi; ile hünzom mix chaxwan to samle ngotama hünzom haxtok a owaechu thomo-manchizaile ipong müile nazak atakle ngoüi.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

TSAITONG-KAXTONG 29:23

Haxtokbu a khat hia hum-e awangle, oziak-opua chemchu chitüile awütle thomkya kha ang ngoüi; chemchu küi-thwomle münchangüi, ikhato hingzang ngaxchu chinyemüi. Chix mong shixle tsikpongma Jowanpae amütdaokya Admah hia Zeboiim nok, Sodom hia Gomorah tingnubu ningle changüi.

MÜNCHUAK-TSAI 109:11

Thashe tüikya khünakbue chix tuina komle naxpaokox, ilaxle chixe mokkya hingchak pangwüi mixwünbu naxkopkox.

ISAIA 1:8

Grep haxtok nyetmix pomsa hia wum-wao mwonsa angkya tap tuita ningle, Jerusalem tingnu chix tata, mix chak to kople thomdaokya tingnu, ojao ziakopmix chitüi homtoxle danle tox.

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

ISAIA 9:18

Kongbüi hia hux pünbu zokle ashunkya wün lailaile khünaknu chichang-chizangkyae zokle ashunle. Tsan shunkya wünkhut othwom-othwom ma dongkya lailaile ijae zokle ashunle.

ISAIA 49:19

“Nang haxtok a amale owachu chingole changdaokya— ikoxle athax ija a hidaoküsa ang achangüi ikhato ngo ang nguingokyabu hanpakma. Ilaxle opange nang amale dantoxpuix ibu a nang füi ochu to atsaile apaoüi.

ISAIA 60:15

“Athax a hünzom to chie-chisekya hia anukya müntüiüi, Khünak owachu chingole awütle toxkya tingnu tuita a. Kue nang a chongle tamchu osün müile zingüi, Jento mongmüi-pwonlale ngokya onui ang achangüi.

ISAIA 62:8

Jowanpae ojao mong chiao angkya kaxtsao saxle changdaoa, Ilaxle chix janzüi füi chixe ija mokle pao angkya wüi changpu: “Hünzom sozambu a hünzom zongto zanpabu süt ang münchangüi, Ilaxle hünzom grepti-ju mixnokbue tamchu münlingüi.

ISAIA 64:10

Nang otsao tingnubu a sak-hax lailaile; Jerusalem a khünak chingokya nui ang ama toxdao kha,

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

JEREMIA 7:34

Haxtok a sak-hax ang achangüi. Judah tingnubu hia Jerusalem tingjang lomnu to mongmüi-pwonlale tamchu mongmüi atungle tuiju-nasomle changkyabu ozing zak ang tomüi.

JEREMIA 44:6

Ikhoma kue ku mongtsik hia mongma Judah tingnubu hia Jerusalem tingjang lombu ding ma thokle adüt, ilaxle kue ibu wün to zokle ashun. Ibu pünle amatox, ilaxle ibu a, anyix kople tüikya ningle mikngün zongma tuita khomtsi angkya oli ang ngole hüi.

EZEKEL 25:4

Ile hünzom ang mongmüile changkya khoma, handün chitokya jat-libu apüilaxle kue hünzom tingtakle kop ang tomüi. Ibue hünzom haxtok ma hwom pombu zaile changüi ilaxle ikhato hwom hom-haxbu zaile ngo ang tomüi. Hünzome saxhaxkux pünziak hwome saxüi ilaxle hünzome linghaxkux tsomti hwome lingüi.

MIKA 5:11

Kue hünzom haxtok angkya tingnubu amaüi ilaxle hünzome ziakople thomkya zanhunuibu amaüi.

MIKA 6:13

Idaile hünzom pün angkya hia amüt angkya kue owang wangdaoa.