ISAIA 1:6 - OTSAO BAIBEL (BSI)

⁶ Khang makhange cha kople hünzom ma tsangtsa fanmüile tüikya manwan chemchu mün-ngün. Hünzom a zutle akhixkya hia mak-chak tamchu thomzün makbu otok to ngünle tüikyabu füi awangle tüile. Hünzom mak-chak a sole tamchu lople chithom. Ibu to hinghai cheme chu chizu.

ISAIA 1:6 ပူးပေါင်းရင်းမြစ်များ

JEREMIA 6:14

Hwome ku khünaknu janthün a muale büizüikya man ningle ahole. Chemli chu müile chitüikya tuke, hwome pangwüi müile tüile le thüile.

MATHI 9:12

Ija atatlaxle Jisu-e lan: “Kak-hu-mix a müimüi zangngaile ngokyabu hanpak münchang, chix a kakmixbu hanpakma laxli changpu.

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

KAXHO MÜIKYA LUK 10:34

Chix ija mixsün hato hüi, chix mak to mün-nga hia ju-e pa ilaxle lople kox. Üntoxle chixe ija mixsün chix gatho tokma angatle lax, üntoxle wünpom nui to apüile chix to hume.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MÜNCHUAK-TSAI 77:2

Tingtui dongpongma kue Jowanpa to zangjop; zang angaile zangjople kue ku chak nwon, ikoxlechu kue mongsom chikop tho.

JOB LAIPEX 5:18

Zang-e thomzünkya mak to chixe wüi wumle koxle; chix chak füi nang to chakmok-janlangle, üntoxle chix chak füi wüi amüi fale.

NAHUM 3:19

Nang thomzün müi angkya olom chemchu müntüi, ilaxle nang mak ang müi angkya fang münchang. Nange thama apongkya zing atatkya pangnue mongmüi laxle hwom chak akhaoüi. Chibak toxkya nang mongtsik chak tokya owangaxchu azangtsuak hexcha?

JEREMIA 30:12

Jowanpae chix khünaknu ang thüi: “Hünzom makthün a chimüihom fang, hünzom to maklaxkya a müi angkya oli münchang.

2 SAMUEL 14:25

Israel haxtok ma Absalom lailaile zangle wünkya sünmüi-johang owachu chitüi; chix ma khang makhange cha kople thaile le thüi angkya onui jao chitüi.

ISAIA 30:26

Lyetnu a zanghan tukux nyanle tüiüi, ilaxle zanghan a jao angkya to othom anüte nüile, nyix anüt mongma nyakkya senyan zong ta ma asüilaxle nyankya ningle nyanüi. Jowanpae chix khünakbu to maklaxle tüikya to lople amüikya zuma ija ile changüi.

JEREMIA 17:9

“Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.

JEREMIA 30:15

Hünzom thomzün-maklax bama kaxthup-ngaotün taxtüi ngo; hünzom hanpakma müi angkya olom müntüi. Kue hünzom to zo ile thuppu chemthüikoxle hünzom ochaxbu a huanu changle ilaxle hünzom chichang-chizangkya a chongle tüile.