ISAIA 1:4 - OTSAO BAIBEL (BSI)

⁴ Ochax jat-li tamchu laxli chitüikya hia chichang-chizangkyabu, hünzom a müt-shua! Hünzom ochaxe hünzom bele jole! Hünzome hünzome Jowanpa, Israel nok otsao Zang pongle chikop ilaxle chix hato hünzome tok ahole changdaoa.

ISAIA 1:4 ပူးပေါင်းရင်းမြစ်များ

ISAIA 5:24

Ikhoma athaxpi, chemle tsaxsa hia fum zik asoxlaxle wün to zokle ashunpuix, ilailaile nang tsing a fuaküi ilaxle nang song chuile ngokyabu zanle ziüi üntoxle zangwin to pikle paoüi, chemthüikoxle hünzome Khüthak Jowanpa, Israel nok Zang-e kem hama anwot-anokya chilaxle awütkoxpu.

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

JEREMIA 7:19

Ikoxle hwome mong amakya otsing tomtata ma ku changchami? Münchang, hwome hwom to alüile mak-khapu ilaxle alüile hwom hato wüi thünzak apüipu.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

ISAIA 5:19

Hünzome thüile: “Jowanpae chixe moküihex-ole akax daokya nonokhaile naxmokdao, ikoxle tix kwome ija ngünle lax ang thoüi. Israel nok otsao Zang-e chix mwot mokle naxle-kox; chix mongto chemle texpuix, keme shong-huhax.”

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

1 KORIN 10:22

Chichangba keme Jowanpa ma nüfux tüi ang koxsele hia? Chix füi kem wüi sütsak süzongpu le texpia?

MATHI 23:33

Hünzom pubu tamchu pu susabu! Haolum alop angkya sikngün chak tokya khosün ataküile hünzome chemle textsuak laxpu?

MATHI 11:28

“Hünzom hünlix hünkya hia najuale maxkyabu pangnu, ku hato oman, kue hünzom ang nazak faüi.

EZEKEL 16:33

Tsangtsa hangkyabue omün koppu, ikoxle nange a nang füi mongkünkyabu pangwüi ang hingho-chaktwon koxle apaopu ilaxle hwom nang hato nguile nang füi jip angkya hanpakma nange hwom ang otha koxpu.

JEREMIA 51:5

Israel nok Otsaopa, Jowanpa Khüthak Zang ku zongto ochax lyenle changdao koxchu kue Israel hia Judah a owüiole awütle chitox.

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.

JEREMIA 2:33

Ma mongkünbu man chemle toüihex hünzome müile tsingle ngole. Chisumüikya mixchabue ngaxchu hünzom angkya ija awanle kop ang thoüi.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

JEREMIA 2:5

Jowanpae akaxle: “Hünzom putong hwome ku zongto tsaitox-kaxfe angkya chempang apüipuix? Hwome chem khoma ku hato tok ahopuix? Hwome laxli chitüikya chapabu to shwom ilaxle hwom alüile chilaxle ang achangle pao.

ISAIA 65:3

Zakmax-thünbale hwome ku ang mong atsikle ngo. Otsao tsawatkha ma hwome songsari baozangbu ang töbu koxle chang.

ISAIA 41:20

Khünaknue ibu ngünle laxüi ilaxle awanüi ija a, Jowanpa, kue mokkya changle le. Hwome tsingle lax angkya hato hüiüi ilaxle ija a Israel nok otsao Zang-e mokkya changpule.”

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

ISAIA 37:23

Nange owa ajaole owa chanyipule texpu? Nange ku, Israel nok otsao Zang to chie-chisele changpu.

ISAIA 30:15

Khüthak Jowanpa, Israel nok otsao Zang, chixe khünaknu füi akax: “Anongle chatlax ilaxle dangjajale ku to mongonglax. Ifüima nang tsak-zongle tamchu chaza angkya chemchu chitüile changüi.” Ikoxle hünzome ile münmokle angampu!

ISAIA 30:9

Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

ISAIA 14:20

Nange ma chaxwan tha ama tamchu nang khünaknu mik amütle changkya khoma, nang a mama wanghombu ningle münzuüi. Nang füikya ochax homkha owachu ozün ma müntox.

ISAIA 10:6

Zang chilax homtoxle ngokya jat-li to sing angkya hanpakma kue Asiria nok apaopu, ku mongtsik ang tomkya khünakbu to a. Kue hwom tuinabu tsui angkya tamchu ahux angkya ilaxlechu khünaknu to tingjang tokya haxbu to nakpupule nakle tox angkya hanpakma kue hwom apaopu.”

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

MÜNCHUAK-TSAI 89:18

Nange, O Jowanpa, kwom kho-awapa zünle kop; nang, Israel nok otsao Zang-e kwom ang wanghom koxpu.

MÜNCHUAK-TSAI 78:40

Sak-hax to tüipongma hwome janchiabale ku füi chemle alün-aloxpuix; hwome chix ang mong obithom ma amapuix!

MÜNCHUAK-TSAI 78:8

Hwom a hwom pupa hwom lailaile, alünle ajongle hia kax ma chilaxkya khünakbu ang chichangüi, chemthüikoxle Zang tokya hwom mongong ma chemtuechu shingmongle chichang ilaxle hwom a chialekya mongong füi chingotsuak.

MÜNCHUAK-TSAI 58:3

Ochax mwot mokkyabu hwom tsüntsün ma thaile le hwome puxkya tokhange wüi kaxthai zang wünle.

KAXFÜNPA-HWOM 10:10

Ifüimatix Israel nokbue Jowanpa füi akax: “Kwome nang zongto ochax lyenhudaoa, chemthüikoxle kwome kwom Zang, nang danle toxpu, ilaxle Bal hwom to mix shwompu.”

TSAITONG-KAXTONG 32:19

“Ija ngünkya zuma Jowanpa ang mongma ilaxle chix sasün hia sacha hwom chilaxle awüt.

TSAITONG-KAXTONG 31:16

Jowanpae Mosa ang thüi: “Nang a chwonle wüi zi angkya changle ikoxle nang zi füima khünaknu ang mongong chitüile changüi ilaxle kue hwom füi tsaotsütle zingkya Tsaotsüt amaüi. Hwome kop angkya haxtok to ngui füima hwome songsari baozangbu to shwomüi ma ku hato tok ahoüi.

TSAITONG-KAXTONG 29:25

Ikoxle kaxlan a ile changüi, ‘Chixe hwom Ijip nok tokya alaile changpongma, Zang-e hwompu-hwompa hwom füi tsaotsüt tsaotsütkya Jowanpa khünakbue amale awüt.

HUAKE LAIPEX 32:14

Ilaxle, athax hünzome hünpa hwom man ma, ochaxe awangkya tsünthom hozünbue Jowanpa ang tamchatle mongtsik adün ang azongpu.

PONGWANG LAIPEX 13:13

Ibu khünakbu a Jowanpa zongto chichang-chizangkya tamchu ochax khünakbu changkya.

MIKNGÜN-OHÜN 18:5

Chemthüikoxle she ochaxbu a, zangding to thule athünle tüile, She chichang-chizang mwotbu, Zange texle atakle.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

NEHEMIA 1:7

Kwome nang zongto chichangchizangle mokle hüidaoa ilaxle nang kaxtom kax ma chilaxle tüidaoa. Nang dapa Mosa makhange nange kwom ang koxle wanlombu kwome chitwonle hüidaoa.

MÜNCHUAK-TSAI 71:22

Kue otsingtomtata ma thuaput waxmaibu füi nang achuaküi; kue chialekya nang mongong bama nang achuaküi, ku Zang. Ku thuaput waxmai ma kue achuakle tsai ngaoüi, nang a Israel nok Otsao Zang changle.

ISAIA 1:28

Ikoxlechu chix füi alün-aloxle hia ochax lyenle changkyabu pangwüi chixe zutle akhixüi; ilaxle chix pongle chikople tüikyabu pangwüi chixe mik-amütüi.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

ISAIA 31:2

Chixe chem mokngopuix chixe awanle! Chixe thama ahüi. Chichangchizangkya khünakbu hia hwom kho-awakyabu to sikangün angkya hanpakma chixe chix mwot mokle.

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

ISAIA 58:2

Nyixfokya to hwome ku shwomle, hwome ku lomtang awansele mongtsukya akaxle ilaxle ku kaxtom kax ma laxle le thüile. Kue hwom ang sukya wanlombu koxkya hia hwome ku to shwomle chang angkya hwom mongtsule.”

ISAIA 65:11

“Ikoxle hünzom opange ku chilaxle awütpuix, tamchu ku otsao haxhua, ilaxle sho amüi angkya baozangbu Gad hia Meni to shwompuix, hwom hanpakma chixlili changüi.

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 32:32

chemthüikoxle Judah hia Jerusalem angkya khünaknue, hwom wanghombu hia lompabu, hwom nguapabu hia ajebu füi tomlaxle chichang-chizangkya mwot müimamale mokle hüidaoa.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.

EZEKEL 16:45

Nang a hünnu sacha jaojao. She-e ma kakopa hia naosom hwom thua anu. Nang a, ma kakopa hia naosom hwom thua anule changkya nang nanao hwom lailaile. Hünzom tingnu nanao hwom, hünzom honu a Hit nok ilaxle hopa a Amor nokbu changpu.

DANEL 9:11

Israel khünak noknusae nang Wanlombu ama ilaxle nang zangwün to na münthapu le angam. Kwome nang zongto ochax lyenle chang, ikhoma nange kwom hato nang dapa Mosa laipex ma zale tüikya othuak-ozom kwom hato hüi ang tom.

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”

LAIPAO 32:7

Jowanpae Mosa ang thüi: “Momle julax, chemthüikoxle nang khünaknu, opang nange Ijip nok tokya alaile apüikya hex, hwome ochax lyenle changdaoa ilaxle ku chilaxle awütdaoa.

TSAITONG-KAXTONG 32:5

Ikoxlechu hünzom a mongong chitüikyabu, chix khünaknu ang chang koxle chiasukyabu, ochax tamchu tsetselopkya jat-li.

2 WANGHOMBU 21:22

Hopu hwom Zang, Jowanpa a chixe pongle chikop, ilaxle chixe Jowanpa kaxtombu kax ma chilax.

2 PUKAX-PANGAO 12:1

Chix wanghom ang achangle apünkya füi tomle Rehoboam-e, chix tamchu chix khünaknue Jowanpa Wanlom hato tok aho.

2 PUKAX-PANGAO 27:2

Chixe chuwüi hopa lailaile Jowanpa zongto chem müipuix ijaja mok, ikoxlechu hopa lailaile chixe Zangshwom-Hom ma ongan müikya so zokle ochax chilyen. Ikoxlechu khünaknu a chizakle ochax lyenle ngo.

MÜNCHUAK-TSAI 78:41

Chatchatnaole hwome Zang to thwontsing ilaxle Israel nok Otsao Zang to kak ang tom.

MÜNCHUAK-TSAI 78:57

ikoxle hwom pupa hwom lailaile hwom chuwüi alün-aloxle kax ma chilaxle tüi, kwomkexkya san kia to ong ang chimüikya ningle.

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.