ISAIA 1:31 - OTSAO BAIBEL (BSI)

³¹ Wünpua pikyae tsaxsa ma wün apütle zokle ashunkya ningle, tüle zax-zangle tüikya khünakbu, alüile ma ochax khokho ma max angkya thama apongüi; ija thama owaechu tsyenle tui ang chithoüi

ISAIA 1:31 ပူးပေါင်းရင်းမြစ်များ

ISAIA 66:24

Hwom pao ang laikya zuma, ku zan to kale changkya khünakbu mang hwome ngünle laxüi. Hwom mang saxkya chongbu tamchizile ngoüi, ilaxle hwom to zokle ashun ngokya wün a tam chimaxle ngoüi. Khünaknüsa mikngün ma hwom a chisumüikyabu ang ngünüi le Jowanpae akaxle.”

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

EZEKEL 32:21

Naomüi tüichong hwome tamchu Ijip nok chikao ma sele azankyabu thome amalumting to Ijip nok wünpwonle pongkople. ‘Zang chitsingkyabu opang zan ma maxpuix ibu ikhato nguipu, ilaxle hwom ikhato shuile ngopu!’ le hwom akhong.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

ISAIA 43:17

Tsakzong füikya süpahibu amüt ang zunle apüi, mankho ma hia man-kanlinbu ma tüikya süpahibu a. Hwom ikhama nguak, ija laoxle tamchizo, wünti chitüikya wüntik müt ma hwom max!

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

ISAIA 27:4

Athaxpi ku a grep haxtok füi mongtsikkya müntüiüi. Ija to pox ang hux hia kongbüi zubu jangtüi, kue ibu komkaile zokle ashunüi.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

ISAIA 9:19

Jowanpa Khüthak Zang ang mongtsik ngaikoxle, chixe chaxwan okhao angkhange zokle ashundaoa. Khünakbu a wün tak angkya ha thatha ang changdaoa; ilaxle khünak owaechu mik chiamütle matüi-manao ota toxkya müntüiüi.

ISAIA 5:24

Ikhoma athaxpi, chemle tsaxsa hia fum zik asoxlaxle wün to zokle ashunpuix, ilailaile nang tsing a fuaküi ilaxle nang song chuile ngokyabu zanle ziüi üntoxle zangwin to pikle paoüi, chemthüikoxle hünzome Khüthak Jowanpa, Israel nok Zang-e kem hama anwot-anokya chilaxle awütkoxpu.

KAXFÜNPA-HWOM 15:14

Chemtue chix Lehi to nguipuix, Filistia nokbu a chix hato zikle ngui, ilaxle chix to sa-male kaxma thüi. Allele Jowanpa janzüie chix ang tsak-zong kox ilaxle chix chakbu ma khale thomkya zubu a zisa afünle awütkya lailaile afünle awüt.

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

ISAIA 4:4

Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

ISAIA 24:6

Ikhoma Zang-e chaxwannu to othuak-ozom takdünle akax. Khünaknue a hwome mokdaokya tsangthomle ngopu. Ozün ma ngokya sühi-sühile hile pao.

ISAIA 33:11

Tüta thakho chinguikya mwotlombu hünzome zingtsuak ilaxle hünzome mokkya mwot pangwüi laxli chitüi. Ku chasa a hünzom ama angkya hanpakma wün ningle changpu.

ISAIA 66:17

Jowanpae thüi: “Songsari baozangbu to shwomkya mongzok lom to ma tsangtsa koxkya hia otsao tsawat to jenlole paopuix üntoxle opange wakmüi hia jux müibu tamchu chitsaokya müibu saxle changpuix ibu hato oshuk hanpak nguile hüile.