ISAIA 1:24 - OTSAO BAIBEL (BSI)

²⁴ Ikhoma athax, Jowanpa Khüthak Zang, Israel nok Zang-e ile akaxle ngokya to apalax: “Kue nang to olüix khomüi, hünzom ku zanpabu, ilaxle hünzome ku ting münatüiüi.

ISAIA 1:24 ပူးပေါင်းရင်းမြစ်များ

ISAIA 60:16

Chaxwannu nok hia wanghombue hünzom to humele Nao honu tuitae naosa to humekya ningle a. Hünzom a, Ku, Jowanpae sünle kopkya changpule hünzome tüküi, Israel nok Khüthak Zang-e hünzom dankya changpule a.

ISAIA 61:2

Chixe ku khuapu ang tsanle apao Chaxwan-zanghan tu nguikya bama Jowanpae chix khünaknu khosünüi Ilaxle hwom zanpabu to lütüi. Künmax-mongshanle ngokyabu pangnu mong asom ang chixe ku ahüipu,

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”

TSAITONG-KAXTONG 28:63

Hünzom ahak-aluale changkya tamchu pu-tsale changkya to chix mongzom chemle müile changpuix ilailaile hünzom olithule tamchu maxle paokya to chix ang mongzom müikya tüiüi. Hünzome kop angkya haxtok angkya hünzom tsaothale faokha to awütüi.

MIKNGÜN-OHÜN 18:8

Ija khoma nyixtakya hanpakma wüi, she-e okak olak, osop-ojua tamchu otui-onuak, ibu thama füi apong asaoüi. Ilaxle she-a wün füi zoküi; Jowanpa Zang, she kaxfün fapupa, chix a pangnu thokya Zang changle.”

IBRI 10:13

Zange chix zanbu chix china ang chifa fangma mathom tanto, athax a chix ikhato tanle tüile.

EZEKEL 21:17

Kue chuwüi ku chak akhaoüi, ilaxle ku mongtsik baküi. Jowanpa, kue ija akaxdaoa.”

EZEKEL 16:42

Ifüima ku mongtsik zakle changüi, ilaxle ku künsom-mongdangle changüi. Ifüima ku ang mongtsik-mongma chichangba nüfux tamchatle münngoüi.

EZEKEL 5:13

“Ku mongzom mamüi mamüile hünzome ku mongtsik mongma janzüie pokya awanle laxüi. Chemtue ibu pangwüi changüihex, hünzome ku to mongong chithomkya khoma, Jowanpa kue hünzom füi zangwünkya changpule hünzome tikle laxüi.

ISAIA 30:29

Ikoxlechu hünzom, Zang khünaknu a mongmüiüi ilaxle otsao pangpwon ja ngaokya ningle hünzome tsai ngaoüi. Israel nok ziakople thomkya Jowanpa Zangshwom-Hom to paopongma thuaput-waxmai hato hüi ang mongmüi atungkya ningle hünzom a mongmüi atungle changüi.

MÜNCHUAK-TSAI 132:2

Jowanpa, chix kaxtsaobu texle ataklax, chixe nang füi tsaotsütle changkya ibu a, O Jakop Khüthak Zang:

TSAITONG-KAXTONG 32:43

“Jat-libu, hünzome Jowanpa khünaknu achuak angkya changpu— hwom mik amütkyabu to chixe sikangünle. Chixe chix zanpabu to olüix khomle ilaxle chix khünaknu ochaxbu thailak tüile.”

JEREMIA 50:34

Ikoxle tuita hwom khosünle kop angkya mix a tsak-zongle tüile: chix mün a Jowanpa Khüthak Zang changle.

ISAIA 63:4

Kue ku khünaknu khosün angkya le tyale thomkya hanpak a nguile hüidaoa; ija a hwom zanpabu to sikangün angkya hanpak changle.

PONGWANG LAIPEX 49:24

Ikoxlechu chix hapnu a shingmong lüwüi tüikya, ilaxle Israel nok long chunnyetpa tuita mün ma, Jakop Khüthak Zang chak füi, chix chak a tüle shingmongle tüikya.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

ISAIA 59:18

Tsailo nok to ngokyabu to ngaxchu, chix zanpabu to chixe hwom thaikya olom ma sikngün fa angkya changle.

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”

MIKA 5:15

Ilaxle ku mongtsik chongkya füi kue ku kax ma chilaxle tüikya onok pangwüi to kue olüix khomüi.”

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.