ISAIA 1:23 - OTSAO BAIBEL (BSI)

²³ Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

ISAIA 1:23 ပူးပေါင်းရင်းမြစ်များ

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

ZEKARIA 7:10

Hünzom füi tomwüi ngokya zomnu hia khaxsa tamchu mixnok, tamchu owawa asun angkya lomle changkya mix, ibu to adix-adale taxtüi. Ilaxle tata to maklax ang tom angkya mwottho taxzing.’

LAIPAO 23:8

Zuizun taxlax, chemthüikoxle zuizun-e sukya ngün ang chitomle khünaknu mik apwom ang tomlaxle chemngax chitsingkya khünakbue sikngün apong ang tomle.

KAXHO MÜIKYA LUK 19:46

“Zale thomkya ija tüile: ‘Ku Hom ang Zangshwom-Hom le nyaküi’, ikoxle hünzome ija, ahux-mix longkun ang achangdaoa.”

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

ISAIA 3:14

Onok tüichong mixmüibu hia lompabu a Jowanpae kaxfün hato apüi ngole, Chixe hwom ma ile kaxhux fele: “Grep haxtok hünzome amapu, ilaxle hünzom homkha a mixshix-zasabu kux pale laxkyae awangle tüile.

MARK 11:17

Ifüima chixe hwom ang thüi: “Otsao Lai ma Zange akaxkya ile zale tüile: ‘Pangnu tingnok hanpakma, ku hom ang, Zangshwom-Hom le nyaküi! Ikoxle ija hünzome, ahux mixbu longlua ang achang thomdaoa!’”

MATHI 21:13

Ilaxle hwom ang thüi: “Otsao Lai Kax ma zale thomkya ile tüile: ‘Ku Hom ang Zang Job-Hom le nyaküi.’ Ikoxle hünzome ija ahux mixbu azwonkya nui ang achangle thomle!”

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

HOSIA 9:15

Jowanpae thüi: “Hwom ochax mwot pangwüi Gilgal ma owang wangle. Kue hwom to miktsak owang wangkya ikhama changpu. Ilaxle hwome mokdaokya ochax mwot khoma, ija haxtok angkya kue hwom jwonle apaoüi. Kue athax otuechu hwom to mongkünle münchang; hwom lompabu pangwüi ku zongto zan ang achangdaoa.

HOSIA 4:18

Hwome tokle ju lingkya füima, tsangtsa hangkya ma mongzom müi, ilaxle chingcha chitüikya chifün mix achuaksele tsu.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

JEREMIA 5:5

Khünaknu hato ku tsak-zong füi paoüi ilaxle hwom füi zangwünüi. Hwom Zang-e lomkya hwome tütakoxchu awanle ngole, Jowanpae hwome naxmoksele thütkyabu.” Ikoxlechu hwom pangnusae Jowanpae apün-adakya chilaxle awütle ilaxle chix kax ma münlaxpule angamle.

ISAIA 33:15

Nange kaxtsing zangwün tamchu sukyakya mokle jangchang nang chizile ngo ang tsuak. Nang tsak-zong a chitüi-chinang dyenla ang taxtwon ilaxle zuizun pongle taxkop. Mix mik amüt ang tungkya hia ochax mwot mok ang tungkyabu khato taxhak.

WANWÜNKAX 29:24

Ahuxmix zongto zan amakya a chix üitho changpu. Khwalo ma kaxtsing zangwünle jangchang chix ang sikangünüi, ilaxle kaxtsing zang chiwünle jangchang Zang-e chix to thuakzomüi.

WANWÜNKAX 17:23

Chichangchizangkya kaxfünpabue huxsa zuizunbu laxle, ikoxle sukya kaxfün a chifa.

2 PUKAX-PANGAO 36:14

Ito obo ang, Judah nok lompabu, zompu-zangpa hwom, ilaxle khünaknu, ibu hwom akhople tüikya khünakbu ningle chapabu to shwomkya olom tole ochax lyenle changkya khoma, Jowanpa, chix jaoe atsaole dankya Zangshwom-Hom chitsaokya ang achang.

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

ISAIA 1:22

Jerusalem, amipongma nang a khop-jan ningle tüikya, ikoxlechu athax nang a chilaxli ma tüile.

ISAIA 5:23

Ikoxlechu zuizun koplaxle hünzome thaikya khünak danle apao, ilaxle chithaikya mix ang sukya kaxfün kop ang chitomle abax.

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.

ISAIA 65:2

Ningle-khokhe chithüile ma lomkuakua to paole sam ngokya ku khünakbu pongle kop ang ku a jento achwonle ngokya.

JEREMIA 4:17

ilaxle zimfa nyele ngokya khünakbu lailaile hwome Jerusalem akhople kopüi, chemthüikoxle she angkya khünaknue Jowanpa zan to kale tüile. Ija kax Jowanpae akaxdaoa.

JEREMIA 32:32

chemthüikoxle Judah hia Jerusalem angkya khünaknue, hwom wanghombu hia lompabu, hwom nguapabu hia ajebu füi tomlaxle chichang-chizangkya mwot müimamale mokle hüidaoa.

EZEKEL 12:2

“Ziün angkya khünak, nang a alün-aloxle tüikya khünakbu khato ngole. Hwom ma mik tüile, ikoxchu hwome chemchu chingün; hwom ma na zaile, ikoxchu hwome chemchu chiatat, chemthüikoxle hwom a alün-aloxle tüikyabu chang koxle.

HOSIA 5:10

Jowanpae thüile: “Ku ang mongtsikle chemthüikoxle Judah angkya lompabue Israel tingtakle ilaxle she haxtok ahuxle laxle. Ikhoma tichen ningle kue hwom hato sikngün thokle ahüiüi.

AMOS 5:12

Hünzom ochaxbu chemtukux khomtsikyabu hex tamchu hünzome chemtukuxle mix mik amüt daopuix kue awan ngopu. Hünzome müikya khünakbu to zothuple chang, zuizunbu lax, ilaxle mixshix-zasabu ang khwa ma sukya kaxfün kop ang chitom.

MIKA 3:9

Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

HUAKE LAIPEX 22:7

Idaile Moab nok hia Midi nok lompabue, thuakzomle chang angkya hanpakma omün koplaxle Balam hato khünakbu apao; chixe Balam hama Balak-e fakya kaxho kox.

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

ISAIA 28:14

Hünzom Jerusalem ma tüikya khünak ibu thakma apünkya ajao-adale tüikyabu, Jowanpae chem akaxpuix ija to apalax.

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.