ISAIA 1:19 - OTSAO BAIBEL (BSI)

¹⁹ Hünzome ku kax ma laxle jangchang, hünzome ma haxtok ma alaikya müikya oli sax-laxle ngoüi.

ISAIA 1:19 ပူးပေါင်းရင်းမြစ်များ

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

JOEL 2:26

Athax a hünzom huanuma tüinangle ngoüi, ilaxle okhonguile changüi. Hünzome Jowanpa hünzom Zang achuak-achenle changüi. Chix a hünzom hanpakma ohünotün mwot mokle fakya Zang changpu. Ku khünakbu tamchatle thajao-wünhai ang müntom.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

TSAITONG-KAXTONG 28:1

“Hünzome Jowanpa, hünzom Zang kax ma laxle tamchu anyix kue hünzom ang koxle ngokya chix kaxtombu mongong tüikya füito-le jangchang, chixe hünzom a chaxwan tok angkya mama jat-libu pangwüi füi süchongkya ang zingüi.

ISAIA 25:6

Ikha Zaion Haxnu ma Jowanpa Khüthak Zang-e chaxwannu nok hanpak ang fongsüt tuita achwon — tüle müikya süt hia sümüikya grepti-ju füia.

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

JEREMIA 7:5

“Hünzom ngole hüikya olom lüilax ilaxle hünzome mokle ngokya mwotbu zaklax. Hünzome tata füi mapai-mixzünkya taxtüi.

JEREMIA 21:8

Ifüima Jowanpae ku ang khünaknu füi akax angkya ija kax kox: “Apakoplax! Ku, Jowanpae hünzom ang khüzün lom to zunkya lomtang hia zikmüt-mangkho to zunkya lomtang nyi tütapu zünle kop ang danpu.

HAGAI 1:12

Ifüima Zerubbabel hia Jihusua üntoxle Babilon nok to zanda ang ngokya chatkya khünakbu pangwüie Jowanpa hwom ang chemle akaxpuix ile mok. Hwom za ilaxle Jowanpa kaxhomix Hagai kax ma lax.

LIWI 25:19

Haxtoke ma angkya oziak-owang alaile koxüi, ilaxle hünzome alomlom komle ataküi üntoxle azangle ngo ang tsuaküi.

LIWI 26:3

“Hünzom ku wanlom ningle jangngo ilaxle ku kaxtombu kax ma laxle jangtüi,

LIWI 26:5

Hünzom grep ziak khaitue ngaxchu tsax atule naxchangle saxziak tüle müiüi, ilaxle sax shittu nguikoxle ngaxchu hünzome grep ziak khaile wüi ngoüi. Hünzome saxle tsupupu komle ataküi, ilaxle hünzom a ma chaxwan ma chem okhong-okha chitüile ngoüi.

ISAIA 58:14

ile jangchang nange ku thothakya ma kopse mongmüi kopüi. Chaxwannu pangnu thüntho to kue nang achuak-achenle changüi, ilaxle kue hünzom putong Jakop ang koxkya haxtok ma hünzom mongmüi-pwonlale ngoüi. Ija, Jowanpa, kue akaxdaoa.”

JEREMIA 7:7

Hünzome monglüile jangchang, kue hünpu hünpa hwom ang tsüntsün to hwom kux hex-ole koxkya ija haxtok ma hünzom ngo ang tomüi.