Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAIA 1:11 - OTSAO BAIBEL (BSI)

11 Chixe thüi: “Hünzome ku ang koxle hüikya töbu kue lomle le hünzome ajangpuix nyi? Hünzome ku ang tö koxle zokle ashun ngokya chunbu hia müizaobu füi süluile ku ma tüipu. Ku a maihupong, chun hia zwon ibu aji füi aole shuüna.

အခန်းကိုကြည့်ပါ။ ကော်ပီ




ISAIA 1:11
23 ပူးပေါင်းရင်းမြစ်များ  

Jowanpae thüi: “Kue hünzom zanglom pangpwonbu to anule; kue ibu to hule ajong ang müntho!


Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.


Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.


“Khünaknue hwom zongma chemle müipuix ija ningle mok. Tö ang kox angkya hanpakma maihupong tuita langpuix chichangba khünak tuita langpuix hwom zongto tuitata wüi changle; hwome chun hosa tuita to koxle wüi changlax hisa tuita ngom azople wüi changlax; hwome saxziak tö koxpuix chichangba wak aji koxpuix, hwom zongto tuitata wüi; ongan müikya zo zokle changpuix chichangba chapa tuita to shwomle changpuix, hwom zongto tuitata wüi. Hwome ile dyenlale shwom-tole changkya olom hwom zongto müihule.


Kue chix hato chun hajat-hajat chichangba shuasa ningle olip münga laxlaxle nguiüi hia? Ku ochax tsangthom ang kue chix a kusa somwang nao koxüi hia?


Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.


Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.


Hünzome koxkya töbu khoma kue hünzom to sa-makya münchang, hünzome jento ku hato apüile koxkya zokle ashunkya töbu khoma münchang.


Chichangchizangkya khünakbue chix tö apüile koxpongma Jowanpa ang mong münmüi, tamnüile chu tutex oma füi hwome tö apüile changpongma chix a ija thua anule.


Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”


Nange tö koxkyabu laxse chitsu, chichangba kue ibu kox ang chitho; zokle ashunle koxkya töbu füi nang ang mongzom chimüi.


“Ku khünaknu, hünzome tö züizüi a tö-tsap ma komkaile zokle ashunpu, ilaxle züizüi a hünzom ang sax ang tompu. Ikoxle Jowanpa, kue akax ngokya a ija, hünzome ibu pangwüi sax ang tsuaküi.


Ija khoma mama dabu, ija kaxho füi chatle tomle apao: ‘Mixwünbu ang thüikox, athax kue fongsüt achwondaoa; ku maihupong hia hingho ang kox angkya müibu lang thomdaoa; ilaxle pangnu wüi achwonle tüile. Aju-somkya püntut to nguihüi!’


Nange tö hia dan koxkyabu laxse chitsu; nange müi otom ma lanle tö-tsap dingma zokle ashunkya jukya chichang chichangba ochax koplax pao angkya tö koxkya lomkya chichang. Itülüi, nang zing atat angkya hanpakma nange ku ang na koxpu,


Masüi-mix-chilüile chem supuix ija moklax; ijae Jowanpa ang chix hato tö apüile koxkya thak to mong amüile.


Nyixfokya to hwome ku shwomle, hwome ku lomtang awansele mongtsukya akaxle ilaxle ku kaxtom kax ma laxle le thüile. Kue hwom ang sukya wanlombu koxkya hia hwome ku to shwomle chang angkya hwom mongtsule.”


Kue hünzom ma chizakkya mongkün lompu, müi langlaxle tö koxkyabu münchang. Ku khünakbue, zokle ashunle tö koxle ngokya füi ku wüi tsingle namlaxbae le texpu.


Chemtue hünzome ku hato zokle ashunkya to hia saxziak tö, ibu apüile changpuix, kue ibu pongle münkopüi; ku hato apüi angkya hanpakmale hünzome tuxle anutkya müibu kue pongle münkop.


Ifüima Hagai-e thüi: “Jowanpa thüile, ija jat-li angkya khünaknu hia ija haxtok ma alaikya pangwüi hanpakma ija wanlom tuitata wüi changle; ikhoma chempang tö-tsap ma hwome tö koxlaxpuix, pangwüi chitsaokya ang achangdaoa.”


Chixe thüi: “Haxtok angkya khünaknu üntoxle nguapabu hama, zanglao 70 bama chemtue hwome atsaole zangjop tamchu sople changpuix, ija a ku achuak-achenle mokkya chichang khato le thüikox.


Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!


Chizakle ile mokkox ilaxle Zang ang münchong fale hünzome an tö laxkox, ilaxle hünzome töbu onüi apüikya bama tsaichong-kaxbongle changkox! Hünzome moksele tsukya a ijaningkya changle.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ