IBRI 9:8 - OTSAO BAIBEL (BSI)

⁸ Ibu acha achwonkya pangnu makhange, kotho angkya Nyihom ajongle tüikya kople Ataxkya Otsao Nui hato ngui angkya lom madaple Otsao Chasa makhange tsaotha le anwot-ano.

IBRI 9:8 ပူးပေါင်းရင်းမြစ်များ

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

IBRI 3:7

Ikhoma Otsao Chasae akaxkya ningle: “Hünzome anyix Zang kax jangatat thüiba,

EFISIA 2:18

Jehudi nok hia mixnokbu kem pangwüi Chasa tuita ma Hopa Zang ngwotnui to ngui ang thokya a Khrista makhange tix changpu.

2 PITAR 1:21

Chemthüikoxle khünak tutex makhange hüikya jekax tümüntüi. Jowanpa tokhange hüikya kaxho zex pongma khünaknu a Otsao Chasae koplaxle tüikya.

IBRI 9:3

Atsyenkya nyi anyi lükya nuakfüi ma Ataxkya Otsao Nui le nyakkya Nyihom tüikya.

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

JUHAN 10:9

Ku a kafülom changpu; owa ku makhange hommong to nopüihex, chix khosünüi; chix a dongpue laipue le ahamüi ilaxle fum tsüt angkya nui ataküi.

WANGSHEMBU MWOT 28:25

Otue hwom kaxno chitomle changpuix, hwom fan ang ajong; ilaxle fanüi khakha ma hwom füi Pol-e ija kax akax: “Hünzom putong hwom füi ajebu makhange Otsao Chasae akaxkya kax ija otsing tomtata wüi changkoxa.”

JUHAN 10:7

Ija khoma chatlechu Jisu-e hwom ang thüi: “Otsingtsingma kue hünzom ang thüipu, chunbu hanpakma fülom ang a ku changpu.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

IBRI 10:15

Üntoxle Otsao Chasae wüi chix kaxkhi fale. Pongwangma chixe thüi:

KAXHO MÜIKYA LUK 1:80

Naosa tsong üntoxle tsangtsa hia chasa ma tsakzong le hüi. Israel khünaknu hato ngaile malai tanto chix faokha to ngo.