IBRI 9:7 - OTSAO BAIBEL (BSI)

⁷ ikoxle omong angkya Nyihom to Nguakho zanglao mong ma tam wüi nop. Chitsinglaxle khünaknue achaxkya bama tamchu chix hanpakmale Zang ang tö fakya aji koplaxle chix nop.

IBRI 9:7 ပူးပေါင်းရင်းမြစ်များ

LIWI 16:34

Ibu wanlom a athax füichima jento twon-ngo angkya changle. Israel khünaknue hwom ochax tokya atsao ang ija zom a zanglao to tampong zingüi. Idaile Jowanpa kaxtom ningle Mosa-e mokle tsuak.

LIWI 5:18

Nange ija tsangthom hanpak ang nguapa hato ofwot chitüikya chun chichangba zwon ola tuita apüile kox angkya changpu. Ija otha a onok ziathop ma thütle chang angkya oli. Nange chitex-chile le thaidaokya ochax tsangthom ang nguapae ija tö koxüi, ilaxle nang ochax thailak tüiüi.

IBRI 7:27

Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

LAIPAO 30:10

Ochax hanpakma tö koxkya müi aji füi ozong ali onui alaile zingle thomkya to pale tö-tsap atsao angkya hanpakma zangpua to Arun-e tö koxle changüi.”

HOSIA 4:12

Hwome pünfunsa tuita ma mikngün ohün lomle ngole! Kiathox tuitae wüi hwom hama hwome chem tsingse tsupuix ija awankoxle! Hwome ku dantoxdaoa. Mixcha tuita tsangtsa hangkya mixcha ang achangle paokya ningle, hwome ma alüile mix baozangbu chak to koxdaoa.

ISAIA 28:7

Jenu-shipa hia nguapabu ngaxchu juling-saxsax laxle tok-tok-ngale lomnong to paodaoa. Hwom chikho suale laxkya hia jepakya kople hwome okho-anguile jao juling-saxsaxle changle. Ajebu a Zang-e ahüikya mikngünohün ngaxchu tsingle lax ang chithole jue tok, ilaxle nguapabu chuwüi hwom hato apüikya tsetwon-zangwün fünle fa ang ngaxchu khosamle jutok ngo.

ISAIA 9:16

Ibu khünak lom azuikyabue hwom othai to zunle pao ilaxle hwom komkaile khosam ma dantox.

ISAIA 3:12

Ngun thalexkyabue ku khünakbu to ada, ilaxle hwom thashe tüikyabue hwom dyen. Ku khünakbu, hünzom lompabue hünzom a othai to zunle ngole, ikhoma chat angkya lom ojahex hünzome müntik.

IBRI 10:3

Ikoxlechu ibu tö koxkya makhange khünaknue hwom ochaxbu texle atak lax ang zangfo zangfole mokle hüi.

AMOS 2:14

Tüle zik tsuakkya mix ngaxchu azang ang münthoüi; tsakpa-zongpabue hwom janzüi asamüi, ilaxle süpahibue ma khang azang ang ngaxchu chithole changüi.

ISAIA 29:14

Ikhoma kue hwom to texle chilekya sikngün füi tam füima tamle chabüt-lasün ang tomüi. Opangsa jepa changpule ngopuix ibu ongat ang achangüi, ilaxle hwom tsingtsang chem angchu chichangüi.”

MÜNCHUAK-TSAI 95:10

Zanglao punyi nguile ku, khünak ibu füi nushix dongkya ang ngole hüi. Kue thüi: ‘Khünak ibu a chem ningkya kax ma chilaxkyabu hex! Hwome ku kaxtombu kax ma münlaxpule angam.’

MÜNCHUAK-TSAI 19:12

Kem owaechu ma thaikyabu mae alüile ngün ang müntho; Jowanpa, thaikya khomle thomkyabu chak tokya ku azünhüi!

2 PUKAX-PANGAO 33:9

Chix khünaknu nguile ngopongma ija haxtok angkya Jowanpae jwonle apaokya mixnokbu to ngaxchu kaile Manasseh-e Judah nok ang ochax lyenle chang ang tom

2 SAMUEL 6:7

Ima wüi thüile Uzzah füi Jowanpa ang mongtsik ilaxle chix chazakya chitüile Suak to twonle changkya ochax khoma Uzzah a ija Suak zui ma zile pao ang tom.

HUAKE LAIPEX 15:25

Nguapae noknu hanpakma zanglom ma tüikya zomzingle atsao koxle hwom khongai ang tomüi, ifüima hwom ang thailak tüiüi, chemthüikoxle thaikya a chaktung chichang ilaxle hwome ochax tö hia süt tö Jowanpa hato apüile koxdaoa.

EFISIA 4:18

Zange fakya tsün ma hwom hak angkya jao münchang, chemthüikoxle hwom a ojao chitsing chiwan ilaxle kheba chithüikyabu changle.

IBRI 6:19

Khosün tüile le ongkya ija monghom a kwom chasa hanpakma fakbüi tuita ningle otsak ozong hia mongong chongkya changle.

IBRI 9:3

Atsyenkya nyi anyi lükya nuakfüi ma Ataxkya Otsao Nui le nyakkya Nyihom tüikya.