IBRI 9:14 - OTSAO BAIBEL (BSI)

¹⁴ Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

IBRI 9:14 ပူးပေါင်းရင်းမြစ်များ

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

IBRI 7:27

Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

1 PITAR 4:2

Athax makhange atale tüikya hünzom chaxwannu tsün khünak küntsu monglua ma chichangle Zang mongtex ma akumathum le ngo angkya changle.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

IBRI 6:1

Idaile owang pongkya khristan kaxho füito dantoxlaxle kempi mixmüi zangwün hato thoto lehax. Tüta pongchu chithap angkya mwot füi atsai laxle Zang to mongongle hüikya

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

1 JUHAN 3:5

Khrista a ochaxbu pao ang ngaipu, üntoxle chix ma ochax chemchu chitüi, ija hünzome awanle ngopu.

ROM NOK HATO ZAKYA POL LAIZA 6:22

Ikoxle athax a hünzom ochax tokya dandaoa ilaxle Zang dabu ang achangüna; ija khülüix to hünzome mongzom müikya atakle ilaxle oshuk ma oshuk chitüikya tsün khüzün ataküi.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

IBRI 10:2

Zangshwomkya khünakbu otsingtsing tomtata hwom ochaxbu tokya otsao ang jang achangdao thüikoxle, hwom tütuechu ochax khoma thaile ngokya mongto texle chilaxse, üntoxle tö koxkya pangwüi zakse.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ROM NOK HATO ZAKYA POL LAIZA 11:12

Jehudi khünakbu ochaxe zangfang hato huanuma mohiman apüi, ilaxle hwom chasa chima tuinokyae mixnokbu hato huanuma mohiman apüi. Ilaxle Jehudi khünak huak komle athütkya zuma mohiman otukux chongle changüihex!

1 PITAR 2:22

“Chixe ochax chemchu chimok, chichangba chix tunpün makhange, kaxthai zang wünkya, owaechu chiatat.”

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

GALATIA 2:19

Wanlom to hule ano koxle lom tuita ma Zang kuxma ku ozün ma ngo angkya bama, ku a wanlome alüile lang daokya tuita omang changle. Ku a Khrista füi tomle pünsak ma takle lang daokya changle.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

ROM NOK HATO ZAKYA POL LAIZA 11:24

Hünzom mixnokbu a pak daokya fao olip pünkang ningle changpu, ikoxle chix popo füi apüile, ija a küi-thwomle thomkya olip pün ma apütle thomkox wüi. Jehudi nok a ija küi-thwomle alai thomkya olip pün ningle changpu; ilaxle Zang zongma pakle thomdaokya pünkang ibu hopupa ma chatle amyen angkya wüi chwonpai changle.

ROM NOK HATO ZAKYA POL LAIZA 1:20

Zange chaxwannu zingpong tokhangkya, mik makhange ngün ang chithokya chix, owang wangkya hia ashukkya kha chitüikya ilaxle Zang tsingtsing, ibu tsingshole ngün ang tho. Khünake bue Zang chakzingbu ma ngün ang kople. Ija khoma hwom ang thailak ojao müntüiüi.

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

LIWI 22:20

Nange ofwot füikya tö koxle jangchang thüiningle, Jowanpae ija pongle münkopüi.

IBRI 11:21

Mongong makhange Jakop-e chix ziüi khakha ma Jusep sasün hwom pangwüi to mohimanle tox. Chixe chix kaithox dingma ate laxle Zang shwom.

IBRI 9:9

Ija a athax pongkya din-pan to hile ahokya changle. Thüikoxle tö koxkya hia Zang ang müi tö koxkyabue Zang shwomkyabu kün-mong nguiwangkya ang münachang,

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

TSAITONG-KAXTONG 17:1

“Hünzome Jowanpa hünzom Zang ang hünzom osu-maihu hia chunbu, makman füikya tö koxle taxchang; Jowanpa a ija ningkya thua anule.

IBRI 9:7

ikoxle omong angkya Nyihom to Nguakho zanglao mong ma tam wüi nop. Chitsinglaxle khünaknue achaxkya bama tamchu chix hanpakmale Zang ang tö fakya aji koplaxle chix nop.

1 TIMOTHI 3:15

Bachutix ku namshyen thüikoxchu, Zang homkha, oja ozün ma tüikya Zang müimüithom hex tamchu otsingtsing hanpakma thongnu hia tafak hex, ikhama kem lailaile chem ningkya zanglom saikha füi saxmok üihex, ija laiza makhange hünzom ang awan ang tomüi.

1 THESALONIKA 1:9

Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

WANGSHEMBU MWOT 1:2

Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua.

KAXHO MÜIKYA LUK 12:28

Ikoxle, O, hidaole wüi ongkyabu! Oja fao hingzang anyix ngo laxle ngainyix wüi wün to zokdao angkya hex, ija ang ngaxchu Zange itukux awunle jangfa thüiba, chixe ito lyemle hünzom ang awunle münfa pia?

KAXHO MÜIKYA LUK 12:24

Okhabu to hulax, hwome tsaxchu chiküi üntoxle zütlechu chiathün; hwom ang athün angkya nui chichangba pungchu chitüi; Zange hwom tuxle thompu. Osabu füi hünzom wüi thanu changpu.

MATHI 12:28

Ikoxle ku ang haxshix chasa jwon angkya tsakzong koxkya a Belzebul münchang ikoxle Zang Chasa changle. Athaxpi ija makhange Zang Wangting a hünzom hato nguile tüile le ahole.

MATHI 7:11

Hünzom chimüikoxle ngaxchu masu masa ang müikya jali kox ang awanle jangchang thüiba, zangkangting to ngokya hünzom Hopae, chix ma ajuju ang amüimüi kox ang münawanüi hia?

2 SAMUEL 4:11

Chem chitikkya khünak tuita ma homkha ma jiple dangjale ngokya mik amütkya bao, khünak zongma chemtukux chongkya shoma ang changüihex! Athax kue chix langkya khoma hünkhi to jannong alüile changüi ilaxle hünkhi a chaxwan tok angkya oman chitoxle amütüi!”

TSAITONG-KAXTONG 33:27

Zang a othuithuima hünzom ziakop mix ang ngole hüi; oshuk chitüikya chix chak a hünzom juafong ang. Hünzom nguikya füi shemle chixe zan-nokbu jwonle apao, ilaxle ibu pangwüi olithule amüt angkya nang füi akax.

HUAKE LAIPEX 28:11

Lyetkua foto lyetwangwang ma Jowanpa ang zokle ashunkya tö kox angkya changle; ija tö ang maihupongsa anyi, chun ola tuita, zanglao nguidaokya chunlasa anüt, ojao ofwot chitüile müikyabu kox angkya changle.

ROM NOK HATO ZAKYA POL LAIZA 1:4

chix otsao chifün ma, zidaokya chatle azangle zo ang tomkya makhange chix a Zang Hosa changpu le fua-hi-zangle aho.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

TSAITONG-KAXTONG 15:21

Ikoxle ibu müi to chemchemle jangchang, ibu faishokle, omik aduakle, chichangba chisu-chimüikya tütali janman tüile jangchang thüiningle, hünzome ibu a Jowanpa hünzom Zang ang tö kox ang taxlax.

HUAKE LAIPEX 28:3

Ibu a Jowanpa hato apüile kox angkya sütling töbu changpu: nyixfokya to zokle ashunkya tö hanpak ang zanglao kho nguidaokya chun ola ofwot chemchu chitüikya anyi.

ISAIA 53:9

Chixe mütkopkya chemchu chitüi koxlechu, chichangba kaxfax tuita akaxkya kha chitüi koxlechu; Ochax khünakbu füi tomle chix a zuk-khato sho, chix a hakpabu füi tomle akhün.”

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

JOB LAIPEX 15:16

Ilaxle khünake ochax a ti ang laxle jao lingpu; changle, khünak a laxli chitüikya oma-oshix changpu.

2 WANGHOMBU 19:16

Jowanpa, athax kwom to chemle changle ngopuix nange hukoplax. Ozün ma tüikya Zang, nang ajaole Sennacherib-e akaxkya kaxma pangwüi to apalax.

1 SAMUEL 17:26

Dawid-e chix zui angkya khünak ma atüi: “Chuja Filistia mixsün langlaxle Israel nok thajao-wünhai khangkho angaile jangfa thüiningle ija khünak ang chemfaüile tong? Ikoxle Khüzün Zang mün ama angkya ija Filistia songsari mixsün a owale-o?”

TSAITONG-KAXTONG 5:26

Khüzün Zang-e wünkha tokhange akaxkya kax atatkya füima ozün ma ngokya khünak tütüichami?

HUAKE LAIPEX 28:9

Sabath nyix hwome zanglao tuita nguidaokya, ofwot chemchu chitüikya chun anyi füi saxziak tö kox. Hwome tuak anyi an olip münga füi awon kox, ilaxle grepti-ju chuwüi kox.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

TSAITONG-KAXTONG 31:27

Hwom chemtukuxle mongtsakle tamchu alün-aloxle tüipuix ija kue tiklax ngole. Ku ozün ma tüipongma wüi ibue Jowanpa zan to kale changpu ilaxle ku tokfüi ma tomning ibu onüi chichang-chizangle tüi angkya changle.

LAIPAO 12:5

Hünzome chun hia zwon nyi tütapu lang ang tsuak, ikoxlechu ija a zanglao tuita nguilankya tamchu ofwot chemchu chitüikya chang angkya oli.

MÜNCHUAK-TSAI 51:2

Ku onu-oma pangnu sole fahüi üntoxle ochax tokya ku atsaohüi!

EZEKEL 45:18

Jowanpa Khüthak Zang-e thüi: “Pongwang angkya lyetnu owang nyix kha nange ojao ofwot chitüikya maihupong tuita tö koxle Zangshwom-Hom atsao angkya changpu.

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

IBRI 7:16

Chix a nguapa ang khünak wanlom ma tamchu wanlom tanlaxle achangkya chichang, ikoxle tamchiashuk toxkya khüzün zong makhange achangkya changle.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

IBRI 10:10

Tamfang ma nok hanpak ang Khrista-e chix tsangtsa jaojao tö koxkya tokhange kem pangwüi otsao ang achang, chemthüikoxle chix hanpakma Zang mongtex chemhex ija chixe mok.

IBRI 10:12

Ibachu Khrista-e othuithuima mwot to thapkya tö, ochaxbu hanpakma tö tam wüi kox, üntoxle ifüima chix Zang tsaxchi ma thung.

IBRI 13:12

Ija khoma Jisu chuwüi, chix aji jao makhange ochax tokya khünaknu atsao ang tingnu pankai to zile.