IBRI 8:10 - OTSAO BAIBEL (BSI)

¹⁰ Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

IBRI 8:10 ပူးပေါင်းရင်းမြစ်များ

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

2 KORIN 3:3

Kwom makhange thwonkya laiza, ngünkya longkhua ma chichangle mong longkhua ma, khanti füi chichangle ozün ma tüikya Zang Chasa füi Khrista chix tomtatae zakya laiza a hünzom changpu le atsingsho.

TSAITONG-KAXTONG 30:6

Hünzome chix to mongpak-fünthole mongkünkya tüi angkya hanpakma tamchu ija haxtok ma hünzom othuithuima ngole tsuak angkya hanpakma, Jowanpae hünzom tamchu hünzom sixlibu ang kax ma laxle tüi angkya kün-mong koxüi.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

ROM NOK HATO ZAKYA POL LAIZA 11:27

Kue hwom ochax paokya zuma, kue hwom füi ija kaxtsao saxüi.”

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

1 PITAR 1:23

Chemthüikoxle ozün ma tüikya tamchu oshuk chitüikya Zang kax makhange, otuechu chizitox angkya Jowanpa susabu ang achang ang hünzom tamchatle pux ang tom.

ZEKARIA 8:8

Jerusalem ma ngo angkya hanpakma kue hwom handün hannop tokya chatle apüi angkya changle. Hwom a ku khünaknu ang ilaxle ku a hwom Zang ang ngoüi. Kue hwom thakma mongong-chalom hia sukya kaxfün füi apün-awangle changüi.

JAKOP 1:18

Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

EZEKEL 37:27

Ikhato ku hwom füi tomle ngoüi; ku a hwom Zang ang ngoüi ilaxle hwom a ku khünaknu ang ngoüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

MATHI 22:32

Zange thüile, ‘chix a, Abraham Zang, Isak Zang tamchu Jakop Zang changle.’ Idaile chix a omang Zang chichangle ozün Zang changle.”

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

LAIPAO 34:27

Jowanpae Mosa ang thüi: “Kaxhuak ibu zale koplax, chemthüikoxle nang füi tamchu Israel khünaknu füi longzale kue ibu kaxfün laxkya a ibu kaxhuak chifün ang lax üntoxle fünpu.”

EZEKEL 39:22

Ija makhange Israel noke ku a Jowanpa, hwom Zang changle le awan ang kopüi.

TSAITAX-NGAONÜI 2:16

Ku mongkün a ku kux, ku a chix kux. Chixe chix chunbu lili maipua tham to tux

LAIPAO 24:4

Ifüima Mosa-e Jowanpa kax pangwüi lai ma za üntoxle ngainop ningle kaiwüi zolaxle chixe haxnucha ma tö-tsap tuita zing ilaxle chixe longtom bün-anyi, Israel homjen bün-anyi mün ma athünle dan.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

JEREMIA 31:1

Jowanpae thüi: Israel homjen pangnusa hanpakma ku Zang ang ngo angkya tunu nguile hüile, ilaxle hwom a ku khünaknu ang ngoüi.

HOSIA 2:23

Ija haxtok ma kue ku khünakbu zingle alaiüi ilaxle hwom ahak-aluale chang ang tomüi. “Mongkün Chikopkyabu”, le wünkya pangnusa hato kue mongkün ahoüi. “Ku khünaknu Münchang”, le awüt thomkyabu hatochu ku mongkün tüiüi. Kue thüiüi: “Hünzom a ku khünaknu changle”, ilaxle hwome lanüi: “Nang a kwom Zang changle.”

LAIPAO 24:7

Ifüima chixe Tsaotsüt laipex lax; ija ma Jowanpa kaxtombu zale tüikya. Ija chixe khünaknu noke atatle ele kox. Hwome lan: “Kwome Jowanpa kax ma laxüi ilaxle chix kaxtombu pangwüi moküi.”

LAIPAO 34:1

Jowanpae Mosa ang thüi: “Owang pongkya lailaile longkhao anyi zinglax, ilaxle owangpongkya longkhao anyi, oja nange ashixle awütdaopuix, ibu ma tüikya kaxhuakbu kue ija nyi ma zafang.

1 KORIN 6:16

Tsahangcha füi asüikya mix, ija mixcha füi tsangtsa tuita ang achangkya nange münawan hia? Chemthüikoxle ija zale tüile: “Okhi anyi a müitom tuita ang achangüi.”