IBRI 8:1 - OTSAO BAIBEL (BSI)

¹ Kwome wünle hüikya kaxmik pangnu a: Otsao Chongwang ngwotnui ma Zang tsaxchi ma thungle kem ang Nguakho tuita tüile.

IBRI 8:1 ပူးပေါင်းရင်းမြစ်များ

KOLOSI 3:1

Hünzom a Khrista füikya notom ma azangle ngokyabu changle, idaile hünzom kün-mong a zangkangting, ojong khato Khrista Zang tsaxchi angkya chix ngwotnui ma thungle ngopuix, ikhato tüikya jalibu to koxle thomlax.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

IBRI 10:12

Ibachu Khrista-e othuithuima mwot to thapkya tö, ochaxbu hanpakma tö tam wüi kox, üntoxle ifüima chix Zang tsaxchi ma thung.

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

MÜNCHUAK-TSAI 104:1

Jowanpa achuak kox, ku chasa! O Zang, ku Jowanpa, nang chemtukux chongpuix! Nang a zangwang zapua füi fuazangle tüile.

MÜNCHUAK-TSAI 21:5

Nange asunkya tüikoxle chixe huanu fuazangkya koppu; nange chix ang mün chongkya hia apün-ada angkya koxpu.

1 PUKAX-PANGAO 29:11

Akhole tsak-zongkya, fuazangkya, fixfax-jikjeple müikya, tüle zaxzangkya Zang a nang changle. Ding hia hax ma atüitüi komkaile nang kux, ilaxle nang a chongwang hwom pangnu thakma apünkya Zang.

IBRI 1:13

Zange kaxtaimixbu owa ang ngaxchu: “Ija ku tsaxchi ma ngolax, kue nang zan pangnu china ningle nang chifa fangma mathomba” le chixe thüi.

EFISIA 6:20

Ipongkhae ku kun to tüikoxlechu ija Kaxho Müikya hanpakma ku Zang khünak tuita changpu. Akax angkya olom ma Kaxho Müikya bama mongchongle naxakax tsuak ang ku bama zangjop-hüi.

ISAIA 24:14

Ozün ma atale toxkyabue mongmüi tsai ngaoüi. Hannopchi tokyabue Jowanpa a tüle chongle le thüiüi,

MÜNCHUAK-TSAI 145:12

ikoxle tix pangnusae wüi nang ohünotün mwotbu tik tamchu nang wangting fuazang bama tsingle lax angkya hanpakma.

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

JOB LAIPEX 37:22

Shuakuxchi to nyan wüi nyanle wünzung ngünle, ilaxle Zang fuazangkya ma kem abüt ang tomle.

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.