IBRI 7:27 - OTSAO BAIBEL (BSI)

²⁷ Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

IBRI 7:27 ပူးပေါင်းရင်းမြစ်များ

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

IBRI 5:3

Üntoxle chixchu wüi shonai le tüikya daile ochax khünakbu hanpakma tata le chichangle chix bamachu wüi tö kox angkya changle.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

ROM NOK HATO ZAKYA POL LAIZA 6:10

Chix zikya zik a, tam fangma nok hanpakma, ochax kuxmale zi; ikoxle athax chix ozün ma ngokya a Zang kuxma.

IBRI 9:25

Jehudi nok Nguakho, zanglao to Ataxkya Otsao Nui to müi aji füi dongkya lailaile Khrista chix tomtata tö kox ang chidong,

LIWI 16:11

Chemtue Arun-e, chix tamchu homkha ochax tö hanpak ang maihupong koxle ochax tö koxpuix,

IBRI 9:7

ikoxle omong angkya Nyihom to Nguakho zanglao mong ma tam wüi nop. Chitsinglaxle khünaknue achaxkya bama tamchu chix hanpakmale Zang ang tö fakya aji koplaxle chix nop.

IBRI 5:1

Nguakhobu pangwüi hwom khakha angkya kampu ilaxle hwom a pangnu hanpakma Zang thotha ang tompu, ija a zangjang tö hia ochaxbu bama tö kox angkya hanpakma.

LIWI 16:15

Ifüima chixe khünaknu ochax hanpakma ochax tö kox ang zwon langüi, ija aji a Ataxkya Otsao Nui to dünüi ilaxle ija füi Chingcha Ngwotnui to saküi üntoxle chu Tsaotsüt Suak tunthoma, chixe maihupong aji füi mokdaokya ningle moküi.

LIWI 16:6

Chixe maihupong tuita, chix ilaxle hwom homkha ochax pao angkya hanpakma ochax tö ang koxüi.

EFISIA 2:22

Chix Chasa ma Zang ngokya khato mamabu pangnu füi tomwüi hünzomchu ngo ang Khrista füikya notom ma zingle alaikya changle.

EZEKEL 43:19

Liwi hwom khama Zadok makhange hüikya zompu-zangpa hwom tix ku ngwotnui to nguilaxle ku thotha angkya changpu. Ija a Jowanpa Khüthak Zang kaxtom changle. Ochax tö ang kox angkya hanpakma nange hwom ang maihupong tuita kox angkya changpu.

IBRI 8:4

Chix chaxwannu ma tüipuix thüikoxle, Mosa Wanlom ma tüikya tö kox ang nguapabu tüihukya daile, chix a nguapa ang ngose jao chichang.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.