IBRI 7:25 - OTSAO BAIBEL (BSI)

²⁵ Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

IBRI 7:25 ပူးပေါင်းရင်းမြစ်များ

ROM NOK HATO ZAKYA POL LAIZA 8:34

Jisu Khrista zikya changpu, ikoxle anaole zolaxle athax chix Zang tsaxchi ma thungle tüile. Chixe kem hanpakma Zang ma chingcha jule ngole. Ingale kem ma owawae oma huxfe ang tsuaküi lea?

1 TIMOTHI 2:5

Chemthüikoxle Zang a tuita wüi changle; Zang hia khünak tama asüi ang tomkya, khünak tuita Khrista lan wüi changle,

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

EFISIA 2:18

Jehudi nok hia mixnokbu kem pangwüi Chasa tuita ma Hopa Zang ngwotnui to ngui ang thokya a Khrista makhange tix changpu.

ROM NOK HATO ZAKYA POL LAIZA 5:2

Keme Jisu Khrista to mongonkya tokhange, oja Zang chingcha athax keme koplaxle ngopuix, ija hato chixe kem ahüile. Idaile Zang fuazangkya süntswon angkya to monghom laxle kem ang mong huanuma müipu!

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

EFISIA 3:20

Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

ISAIA 59:16

Afangle thomkyabu to asunle fa angkya mix chitüikya ngünlaxle chix huanuma abütle. Ikhoma hwom khosün angkya hia zan to lüt angkya hanpakma chixe chix tsak-zong twon angkya changle.

JUHAN 14:13

Ilaxle hünzome ku mün ma chempang juüi hex, ija kue moküi; ile Hosa ma Hopa fuazangle naxchang ang.

DANEL 6:20

Chemtue chixe ijakha aloppuix, chixe künsum-mongtui le nyak: “Ozün ma tüikya Zang dapa, Danel! Mailangbu chak tokya nang, nange mongbakle koxle shwomle ngokya Zang-e nang khosünle tüilaxma?”

DANEL 3:17

Nang tsak-zong chak tokya kwom khosünle kop ang kwome shwomle ngokya Zang-e ija okham wünnu hia nang tsak-zong chak tokya kwom khosünle kop angkya tho angkya olom tüile jangchang, chixe naxsünkox.

JOB LAIPEX 23:3

Kue chix ngokya kha awan koxba; Chix ngwotnui to ngui angkya olom awankoxba;

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

ISAIA 53:12

Ikhoma kue chix ang achuak-achenkya ngwotnui koxüi, chongkya hia tsak-zong füikyabu ngokya khato a. Chixe chix tsün küntsu-mongluale kox ilaxle ochax khünakbu shoma ahanle lax. Chixe ochax khünaknu ngwotnui lax ilaxle hwom ang thailak tüi angkya hanpakma zangjop.”

IBRI 13:15

Jangchangba keme othuithuima chix makhange Zang ang münchong fakya tö oja tun füi chix ngaikya oziak hex, ija tö koxhax.

ISAIA 63:1

“Edom nok tokya Bozrah tokhange nguile ngokya mix ija owa? Ija khidak-khisumle aza-apua laxle, zikle nguingokya tsak-zong hia janzüi ma?” “Khosün angkya tsak-zong füi, zan to lütkya apuk ang nguile ngokya a Jowanpa changle.”

IBRI 7:16

Chix a nguapa ang khünak wanlom ma tamchu wanlom tanlaxle achangkya chichang, ikoxle tamchiashuk toxkya khüzün zong makhange achangkya changle.

IBRI 2:18

Üntoxle athax a chixe thwontsing apongkyabu to asun ang thoüi, chemthüikoxle chix jaojaoe thwontsing tamchu sikngün apong daokya changkoxle.

FILIPI 3:21

Jali pangnu chix wanlom fangma apüi ang thokya zong twonlaxle ziün angkya ija muakya kem tsangtsa tsün lüi üntoxle ibu fuazangkya chix tsangtsa ningle zi

JUHAN 14:16

Kue Apa ma juüi ilaxle hünzom füi jento ngo angkya hanpakma, chixe hünzom ang fongmix mama tuita kox angkya changle.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

ISAIA 45:24

“Ku makhange tix wüi lütkya hia janzüi kopüile hwome thüile; ikoxlechu ku thua anule tüikya pangwüi e-sekya chitüile toxüi.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

DANEL 3:29

“Ikoxle athax kue kaxtom koxpu, athax makhange mixhuak, onok, jat-li tamchu makax mangaongao ma zangwünkya khünak owawae Shadrak, Meshak hia Abednego hwom Zang adix-adale zangwünkya kha jangtüi, ija khünak a cha tex chak hüt le awütüi, ilaxle hwom homkha a omüt tamting ang achangle toxüi. Chix ningle ipong chongkya okham wünnu kha tokya khünak khosün tho angkya mama baozang owachu müntüi.”

IBRI 7:24

Ikoxlechu Jisu a othuithuima ngole hüi, üntoxle chix nguapa mwot owawa angchu ataile chifa.

DANEL 9:16

Ledaokya ma nange kwom kho awale thompu, ikhoma athaxpi Jerusalem füi nang ang mongmakya taxtüiünfa. Ija a nang tingnu changle, nang otsao haxnu changle. Kwome mokkya ochaxbu hia pupa hwom chichangchizangle tüidaokya khoma tomzi nok pangwüie Jerusalem to ilaxle nang khünaknu to ajaole hule.

DANEL 3:15

Chichang thüiningle athax ile thuaput-waxmaibu mütle klingkingkong zing atatkya füi tomle akhuxlaxle ija chapa tong to shwomle akhuxdao. Hünzome ile münmokle angamle jangchang thüiningle hünzom a athax ile okham wünnu khato shoüi. Ile changkya zuma hünzom azün angkya baozang owawa tüi angkya changle le hünzome ajang cha?”

EFISIA 3:12

Khrista füikya notom ilaxle keme chix to mongongkya tokhange mongao chitüi le Zang ngwotnui to hüi ang kem ma mongchyen tüipu.

IBRI 7:8

Jehudi nok zommix-zangmixbu, ziün angkyabu changkoxlechu, hwome bün ma othom tuita sai ang kop; ikoxle Otsao Lai ma akax ngokya lailaile Melkizedek tuita chizi chimax angkya mixe bün ma othom tuita kop.

JOB LAIPEX 22:17

Khünak ibu a Zang chilaxle awütkyabu changle; chixe hwom to chemchu münlünthole mongchongkyabu changle.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.