IBRI 7:18 - OTSAO BAIBEL (BSI)

¹⁸ Shonaile tamchu mwot to thaple chitüikya khoma ozang wanlom a tsyaktox daoa.

IBRI 7:18 ပူးပေါင်းရင်းမြစ်များ

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

WANGSHEMBU MWOT 13:39

Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

GALATIA 4:9

Kue thüipu, athax a hünzome Zang tsingle hüi tamchu Zange hünzom tsingle lax, jangchangba ibu zong chitüikya hia chilaxli chasabu hato chatse le chemle tsu? Chatlechu wüi hünzome büthüikya to hwom da ang achangle ngose tsupu?

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

GALATIA 3:17

Ku kax a ija changle: Zange Abraham füi Tsaotsüt ilaxle ija otya ma thom angkya tsao. Wanlom oja zangpua ho-ali tsübün füima tix koxkya hex, ijae Tsaotsüt tamchu Zang kaxtsao ama ang müntho.

GALATIA 4:21

Hünzom Wanlom fangma ngose texkyabu füi kue kax tuita atwon fang: Hünzome wanlom ma akaxkya kax münlax lea?

GALATIA 3:15

Kutüi kunaohom, kue nyixfokya to apongle hüikyabu apyen le twonüi: Otue mixhuak anyi mwotli tuita bama motom üntoxle notom laiza le sohi shingüihex, owaechu ija ama ang chichangba ito tütalichu bo ang müntsuaküi.

ROM NOK HATO ZAKYA POL LAIZA 3:31

“Hwome Jisu Khrista to mongongkya makhange Zange khünaknu chix füi muamüi ang koxle”, le thüikoxle keme wanlom kax ma chilaxle ahaikya kax chang laxcha? Ile ojao münchang; itülüi, oting ma sütle keme wanlom fün mix amongpu.

GALATIA 3:21

Ile thüikoxle wanlom a Zang kaxtsao füikya opüi le hia? Ile otuechu münchang! Chemthüikoxle khünaknüsae khüzün koxtsuak angkya wanlom pongle kopkya jangchang thüikoxle, ija kax ma laxkya tokhange pangnusa wüi Zang zongto sukya ang achangse.