IBRI 6:6 - OTSAO BAIBEL (BSI)

⁶ Ingale hwome ma mongong danle toxpu! Hwom tamchatle mongzangwün angkya hato ahüi angkya tsuak angkya oli münchang, chemthüikoxle hwome Zang Hosa tamchatle pünsak ma takle langpu tamchu tamchatle chix ang noknu thüntho ma zak tam akopkya changpu.

IBRI 6:6 ပူးပေါင်းရင်းမြစ်များ

2 PITAR 2:21

Awanle koplaxle hwom ang fakya otsao kaxtom füi janle paokya füi hwom zongma otsao lomtang ojao tsingle chikopkya wüi amüikya changse dai.

IBRI 10:29

Jangchangba, ochax tokya hwom atsaole fakya Zang aji chem angchu chilaxle hwon tamchu chingcha fakya chasa adix-adale opange Zang Hosa tha ajaole changlaxpuix, ajang anohu, hwome kop angkya zothup otukux thama changüihex!

IBRI 6:4

Chichang thüikoxle hwom mongong dantox daokyabu tamchatle mong zangwün angkya hato chemle chat ang tomüi? Tam a hwom Zang zangngai ma ngokya; hwome zangkangting hingho wanle anodao üntoxle hwom süntom Otsao Chasachu wüi pongle hüidao;

1 JUHAN 5:16

Tüinao owawae mikmax tang chichangle achaxkya ngün pongma, owae chix ang khüzün kox angkya hex, ija Zang to hünzome jop angkya changle. Ija a mik max tang chichang le ochax lyenkya bu hanpak. Ikoxlechu mik max ang tom angkya ochaxbu tüile, ilaxle kue hünzom ang ibu bama Zang to joplax le münthüi.

ISAIA 1:28

Ikoxlechu chix füi alün-aloxle hia ochax lyenle changkyabu pangwüi chixe zutle akhixüi; ilaxle chix pongle chikople tüikyabu pangwüi chixe mik-amütüi.

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

MÜNCHUAK-TSAI 51:10

O Zang, ku ma mongtsaokya alaile fahüi, üntoxle khüzün hia otsao chasa ku ma shole fahüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

MATHI 19:26

Tangtho le hulaxle Jisu-e hwom ang thüi: “Khünak zong to ija a tsuak angkya oli münchang ikoxlechu Zang zong to tsuak angkya oli changle.”

KAXHO MÜIKYA LUK 11:48

Hünpu hünpa hwome mokkya hünzome awanpu, ilaxle hünzom mongzomchu müile le hünzome mwot makhange ahole; chemthüikoxle hwome ibu lang üntoxle hünzome a hwom zuktingbu zing.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 10:26

Chemthüikoxle kem ang otsingtsing tsing ang tomkya füima keme chaktung ma ochax lyenle jangngo thüiningle ochaxbu pao angkya hanpakma athax chem ningkya tö kox angkyachu müntüi.