IBRI 6:4 - OTSAO BAIBEL (BSI)

⁴ Chichang thüikoxle hwom mongong dantox daokyabu tamchatle mong zangwün angkya hato chemle chat ang tomüi? Tam a hwom Zang zangngai ma ngokya; hwome zangkangting hingho wanle anodao üntoxle hwom süntom Otsao Chasachu wüi pongle hüidao;

IBRI 6:4 ပူးပေါင်းရင်းမြစ်များ

MATHI 5:13

“Khünaknu zongto hünzom a hum tuita changle; ikoxle hum angkya tikya jangmax dao thüikoxle chem makhange ija atikle laxüi? Hum angkya otik pao füima ija chem mwot ma lax angchu münmüi; ija a homtho to awütüi ilaxle khünake cha füi nak angkya lanwüi.

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

JUHAN 3:27

Juhan-e lanle thüi: “Zange fakya chichang thüiningle khünake chemchu kop ang müntho.

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.

MATHI 12:45

ijama chix tamchatle pao, ma füi süshixkya mama chasa anüt laxlaxle nguilaxle ikhama dongle ngo; ifüima ija khünak a amipongkya füi ngaxchu sümakya ang achang. Chisu chitangkya ija tsünthom hanpakma ile wüi changüi.”

GALATIA 3:2

Ku hama ija apuahu: Hünzome Zang Chasa, wanlom lwot tokya makhange koppia hia Kaxho Müikya atatlaxle ija to ongkya makhange koppuix?

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

1 JUHAN 5:16

Tüinao owawae mikmax tang chichangle achaxkya ngün pongma, owae chix ang khüzün kox angkya hex, ija Zang to hünzome jop angkya changle. Ija a mik max tang chichang le ochax lyenkya bu hanpak. Ikoxlechu mik max ang tom angkya ochaxbu tüile, ilaxle kue hünzom ang ibu bama Zang to joplax le münthüi.

IBRI 2:4

Tamchu jojüikya ohünotün mokle ahokya üntoxle chix küntsu monglua ma hwom ang chasa hinghobu ahanle koxkya, ibu makhange Zange hwom ma tüikya ibu to bole chix kaxkhi fale.

1 TIMOTHI 4:14

Ajepae akaxkya hia mixmüi tüichongbue nang khangkho ma chak dankya zuma nang ang fakya, nang ma tüikya chasa hingho chie chise le taxchang.

WANGSHEMBU MWOT 11:17

Keme ongkya zuma kem ang koxkya ningkya Otsao Chasa hingho Zange mixnokbu angchu wüi koxle, ija a atsingshokya changle; jangchangba Zange mokkya abax ang ku a owa changlax!”

EFISIA 4:7

Khrista hingho thathüt ma thütlaxle kem pangnusa ang wüi chingcha kox.

EFISIA 3:7

Ataxkya chix zong mwot makhange kopkya, tamsüikya Zang hingho tokhange ku a Kaxho Müikya da ang achang.

WANGSHEMBU MWOT 10:45

Chopa tokya Pitar füi tomle nguile tüikya Jehudi nok mongong mixbue ija ngünlaxle, Zange mixnokbu angchu wüi chix hingho Otsao Chasa koxtüia le abüt.

WANGSHEMBU MWOT 8:20

Ikoxle Pitar-e chix kax to lan: “Nange Zang hingho ngun füi shak ang thoüile thütkya khoma, nang ilaxle nang ngun a haolum to leün.

JUHAN 6:32

Jisu-e hwom ang thüi: “Otsingtsingma kue hünzom ang thüipu, hünzom ang zangkangting tokya manna fakya mix a Mosa chichang; zangkangting tokya otsingtsing süt fakya mix a ku Apa changpu.

HUAKE LAIPEX 24:3

Ifüima chixe ija jekax akax: “Beor sasün Balam makhange hokya kaxho, Owae tsaothale ngün ang tsuakpuix ija khünak zangwün.

GALATIA 3:5

Zange hünzom ang Chasa kox ilaxle hünzom khama ohünotün mwot mokkya a hünzome wanlom lwot tokya khoma hia hünzome Kaxho Müikya atatlaxle ija to ongkya khoma changpuix?

WANGSHEMBU MWOT 15:8

Üntoxle Zang, owae noknusa kün-mong awan laxpuix, chixe kem ang koxkya ningle hwom angchu Otsao Chasa koxkya makhange mixnokbuchu wüi Zang to ongkyabu ang achang tsuaküile ahole.

JUHAN 4:10

Jisu-e lanle she ang thüi: “Nange Zang hingho hia nang ma ‘Ku ang lingti laxhüi’, le jukya khünak jang awan laxba, nange chix ma mix ija ti juse ilaxle chixe nang ang khüzün ti fasedai.”

2 TIMOTHI 4:14

Janthup mix Alekjendar-e ku to chisumüile hwonle; chixe mokdaokya lailaile chix ang Zange hingho fa angkya changle.

ROM NOK HATO ZAKYA POL LAIZA 1:11

Chasa mohiman hünzom füi ahan-achüi le lax, ilaxle hünzom zong dong ang kox angkya kuxmale kue hünzom ngünse le huanuma thüt.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

LIWI 13:55

Mak tüikya nyi-za solaxle thomkyabu nguapae nyix anüt füima tamchatle hule wanüi. Ikoxle makman osün ajele machangba, ija mak tsale chipao koxlechu ija a otsao münchang; ngwonkak makman otok towüi tüilax chichangba omong towüi tüilax, nange ija wünkha to zokle ashun angkya oli changle.

LIWI 14:43

Ilaxle chixe long apaole chang füima hom züile atsao koxle haxzün füi chwople chang füima, ija hom ma kak tamchatle janglai thüiningle,