IBRI 6:2 - OTSAO BAIBEL (BSI)

² thüikoxle bapti laxkya hia khangkho ma chak dankya; zidaokya anaole zokya hia oshuk chitüikya kaxfün, ibu bama keme homting hozün zing angkya mwot münchang.

IBRI 6:2 ပူးပေါင်းရင်းမြစ်များ

WANGSHEMBU MWOT 6:6

Noke ibu wangshembu hato apüi, üntoxle hwome ibu to khangkho ma chak danle zangjople kox.

WANGSHEMBU MWOT 24:25

Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.”

WANGSHEMBU MWOT 23:6

Otue Pol-e othom khama züizüi a sadukibu changa üntoxle mamabu a farisibu changa le ngünpuix, chixe nguawangbu füi azaxle akax: “Kutüi kunaohom! Ku anu apa hwomchu wüi farisi changkya daile ku chuwüi farisi changle. Kue zidaokya chatle azangle zoüi le ongkya khoma ikhama ku tsetwon angkya laipu!”

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

WANGSHEMBU MWOT 16:33

Ija ja ipongponge wüi hokhi chixe pao, ilaxle makbu sole kox, ilaxle hwom homkha pangwüi bapti.

WANGSHEMBU MWOT 16:15

She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

WANGSHEMBU MWOT 10:47

“Keme kopkya lailaile ibuechu wüi Otsao Chasa kople. Jangchang thüikoxle hwom tima bapti angkya to owawae abaxkya tüiangcha?”

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

JUHAN 1:33

Kue chix ija mix changle le chiawan; ikoxlechu Zang owae ku tima bapti le fa ang ngui ang tsanpuix, chixe ku ang thüi: ‘Nange owa ma chasa julaxle paxkya ngünüi hex, Otsao Chasa ma baptile fa angkya mix chix changpu!’

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

DANEL 12:2

Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

HWON-NWOT-JAONO 12:14

Kem mwot pangwüi bama Zang-e kaxfün fa angkya changle, chimüikoxlax müikoxlax, huxsa ma mokle changdaokya bama ngaxchu wüi.

2 PITAR 3:7

Ikoxlechu anyix tüikya ding hia haxchu wüi, wün füi amüt angkya hanpakma Zang kaxtom tuitata makhange wüi sünle thomkya changle. Ibu a, Zang chilax homtoxle ngokyabu kaxfün angkya tamchu amüt angkya nyix hanpakmale thomkya changle.

IBRI 11:35

Mongong makhange shekobue zidaokya mamixbu chatle ozün ma kop. Mamabue, sümüikya tsün ma chatle azangle zo angkya hanpakma, hwom pankya chilax ngo homle zothup le lang ang matsün kox.

IBRI 9:10

chem ang hwome ibu sütling, üntoxle sole atsaokya malom-malom zom tokhange mok angkya changkoxle. Ibu a Zange lomzün tanle mahüi tanto saxmok angkya ko to ngünkya wanlombu lanlan.

2 TIMOTHI 2:18

Hwome mongong lomtang danle toxdaoa ilaxle kem anaole zokya ang achangle hüidaoa le anokya hwon-nwot tokhange hwome mongong mixbu züizüi mong ama le ngole.

KOLOSI 2:12

Chemthüikoxle baptikya zuma hünzom Khrista füi tomle akhün, ilaxle baptikya ma, zidaokya Khrista chatle azang azwotkya, dangle chingokya Zang zong to hünzome mongongkya makhange, Khrista füi tomle hünzomchu chatle azangle zo.

FILIPI 3:21

Jali pangnu chix wanlom fangma apüi ang thokya zong twonlaxle ziün angkya ija muakya kem tsangtsa tsün lüi üntoxle ibu fuazangkya chix tsangtsa ningle zi

1 KORIN 12:13

Ija lailaile, kem pangnusa, Jehudi nok wüi changlax chichangba mixnok wüi changlax, tuita Chasa makhange tompo tuita ma bapti laxkyakya wüi changpu; ilaxle kem pangnusa ang wüi tuita Chasa ti ling ang koxle.

1 KORIN 10:2

ilaxle zangfwom hia tinu khato Mosa ma hwom bapti lax, ija kax hünzom mongto namkopbae le kue texkya changa.

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

WANGSHEMBU MWOT 26:8

Hünzom Jehudi khünakbue, Zange zidaokya chatle azang ang tomüile büthüikoxle chiong tsuak laxpu?

WANGSHEMBU MWOT 24:21

hwome kuma chem zia ama le thaikya atakpuix ibu naxwün fa.”

WANGSHEMBU MWOT 24:15

Hwome ongkya ningle, chitsaokya hia tsaokya pangnu wüi Jowanpa ma zidaokya chatle azangle zoüi le kuechu ongpu.

WANGSHEMBU MWOT 4:2

“Jisu zidaokya chatle azangle zokya changpu, ija ningle khünaknu zikoxchu chatle azangle zo angkya changle”, le ija wangshem nyie khünaknu hama anwot-ano ngokya khoma hwom ang huanuma mong puak.

JUHAN 5:29

Ilaxle opange müikya mwot mokdao laxpuix, ibu ozün ma tamchatle zoüi; ilaxle opange oma mwot mokdao laxpuix, hwom omang kaxfün ma anaole zoüi.

KAXHO MÜIKYA LUK 14:14

ijama hwome nang to mohimanüi; chemthüikoxle hwome nang ang olüix achatle kox ang chithoüi; ikoxle otsao khünakbu chatle zo ningle Zange nang ang olüix a chatle koxüi.”

KAXHO MÜIKYA LUK 12:50

Kue tuita baptikya lax angkya tüile, üntoxle ija mokle ma akaiba ku sikngün huanu changpu.

KAXHO MÜIKYA LUK 11:38

Süt saxüi thoma chixe chak atsuxle chikopkya ngünlaxle farisi mixsün abüt.

KAXHO MÜIKYA LUK 3:16

Ija khoma Juhan-e hwom pangnu ang thüi: “Kue hünzom tima bapti fapu, ikoxle ku thak to akhokya mix hüile ngole, ku a chix chisox sukle fa ang ngaxchu münasu. Chixe hünzom Otsao Chasa hia wün ma baptile faüi.

MARK 7:8

“Hünzome Zang kaxtom osyen to thom ikoxle khünake anole fakya kax ma mix laxle.”

MARK 7:4

Ilaxle thalex nui tokya apüikya tütalichu chiso homtoxle chisax. Iningle hwome pongle kopkya pupa wanlombu chatlechu tüihule; thütba, wansa khopkhua hia tiklakbu azaokya olom tamchu ma jiplya tsaole thom angkya olom,) iningkyabu.

MATHI 3:14

Ikoxle Juhan-e abaxle chix ang thüi: “Ku ang mix nang chak makhange bapti koxse tsyento, ku ha mix to nang bapti lax ang nguile hi?”

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

WANGSHEMBU MWOT 13:3

Hwome chisax chilingle Zang shwom ilaxle zangjop; hwom chak hokhi khangkho ma dan ilaxle hokhi apao.

ISAIA 26:19

Ziünkya kem khünakbu tamchatle azangüi! Hwom tsangtsa azangle chatüi. Hwom opang zukting ma jiple ngotüipuix ibu zolaxle mongmüile tsai ngaoüi. Nyenti atsitle saikyae chemle chaxwantok azün ang tompuix, ija ningle Jowanpae kaiwüi zile ngoünkyabu azün ang tomüi.