IBRI 6:11 - OTSAO BAIBEL (BSI)

¹¹ Hünzom pangnusasae wüi ma küntsu monglua oshuk alople thom angkya kwom mongtex, ikoxle tix hünzome monghom ngokya oli changle naxhüi fa ang,

IBRI 6:11 ပူးပေါင်းရင်းမြစ်များ

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

2 PITAR 1:10

Ikhoma, ku mongkün tüinaohom, Zange hünzom nyakkya hia zünle kopkya bama komkaile awan lax ang zongbakle azonglax; hünzome ile jangmok thüiningle otuechu ma mongong dantoxlaxle münpao.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

MIKNGÜN-OHÜN 2:26

Opange zan to lütpuix, opange ku mongtex mwot, oshuk kople mokle hüipuix, Kue hwom ang chaxwanbu, apün angkya tsakzong koxüi;

1 JUHAN 3:14

Keme zik dantox daoa ilaxle khüzün hato hüiüna le keme awanpu; keme tüinao tata füi mongkün tüikoxle ija awanpu. Idaile mongkün ma chitüikyabu a athaxchu omang tsakzong fangto ngole.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

2 THESALONIKA 3:13

Ikoxlechu tüinaohom, hünzom a müikya mwot mokkya ma najua angkya oli münchang.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

ISAIA 32:17

Chemthüikoxle pangnusae wüi chem supuix ija tix moküi, ilaxle othuithui hanpak ang tumüi mongsom hia chalomkya tüile ngoüi.

1 THESALONIKA 4:10

Changle, otsing tomtata ma Mesidonia angkya tüinao hwom to ile hume daoa. Idaile tüinaohom, kwome hünzom ang ifüi sütsexle mok hüi thüipu.

1 THESALONIKA 1:5

Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

FILIPI 3:15

Chasa ma tsongdaokya kem pangnu ma wüi ija tutex tüi angkya changle. Ikoxlechu hünzom züizüi ma tutex mama lom to jangtüi thüiba, Zange ija hünzom ang tsaotha le awan ang tomüi.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

1 KORIN 13:13

Ipongma mongong, monghom ilaxle mongkün ma akiaüi; ilaxle ibu khama akhokya a mongkün changpu.

MATHI 24:13

Ikoxlechu oshuk kople shingmongle adukya khünakbue khosünkya ataküi.

1 JUHAN 3:19

Ija tix changle kem otsingtsing kux changpu le awan angkya a; ile tix changle keme Zang womle tüikya to mongong angkya a.

KOLOSI 2:2

Hwom mongchyene awangle tüi angkya kuxma ilaxle mongkün ma asüi angkya kuxma, ito khange changkya lom ma tsingwankya apüi angkya okhonguikya tuina bama mongao chitüi angkya kuxmale kue Ija mwot mokpu. Ija ningle hwome Zang huxsa thüikoxle Khrista chix tomtata tsingle laxüi.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

GALATIA 5:5

Kwom hanpakma, Zange kwom sukya ang achangle laxkya a kwom monghom; kwom mongong makhange Zang Chasa zonge mwot mok ngokya Ija a kwome hule tanngokya changle.

KAXHO MÜIKYA LUK 1:1

Alixachong Theofila: Kwom khama chemle changdaopuix ibu zale kop angkya khünakbue otukux tsuakpuix müile mokhudaoa.

JIHUSUA 7:3

hwom Jihusua hato kaxwün wangle thüi: “Ai tingnu tingtak ang pangwüi chika koxchu müiüi. Hajat anyi hia azom tokhange akatlax. Ikhato azan ang süpahi bakle taxkatngozi; ija a aluile chongkya tingnu münchang.”