IBRI 6:10 - OTSAO BAIBEL (BSI)

¹⁰ Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.

IBRI 6:10 ပူးပေါင်းရင်းမြစ်များ

MATHI 10:42

Üntoxle owae ijabu hixkya khama tuita ang ngax thüichu wangshem mün ma tihing peta alingkya mix jangtüi, otsingtsing ma kue hünzom ang thüipu, chixe otuechu ma hingho münamütüi.”

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

WANGSHEMBU MWOT 10:4

Chix a Zang kaxtaimix thua za ang süt ilaxle thüi: “Alixachong, Ija a chempang?” Kaxtaimixe lan: “Zange nang zangjop atatdaoa üntoxle nang mwot müikya ngünle laxdaoa, ilaxle ibu khoma nang füi Jowanpa ang mongmüikya tüile.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

WANWÜNKAX 14:31

Nange mixshix-zasa to adix-adale jangchang, nange hwom zingkya Zang to adix-adakya ang changpu; ikoxle mixshix-zasabu to chingcha ahole tüikya a tuita zangshwomkya mwot changpu.

1 TIMOTHI 6:18

Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.

MARK 9:41

Kue hünzom ang thüipu, hünzom ku füi tüikoxle, hünzom ang tikong wansa tuita alingkya mix ang ngaxchu, chix ang ma hingho kop ang chitom le müntüiüi.

ROM NOK HATO ZAKYA POL LAIZA 12:13

Hünzome chitüi chinangkya tüinao füi hünzom bwotba ahan achüi le laxkox, ilaxle mixhing wünpabu hanpakma hünzome ma hom ka daple laxkox.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

WANGSHEMBU MWOT 10:31

üntoxle chixe thüi: ‘Kornelia, Zange nang zangjop atatdaoa, ilaxle nang chingcha mwotchu ngünle laxdaoa.

JUHAN 13:20

Otsingtsingma kue hünzom ang thüipu: Kue mwot tsanle apaokya mix owae pongle kopüi hex, chixe ku pongle kopkya changpu; ilaxle owae ku pongle kopüi hex, chixe ku tsanle ajokya mix pongle kopkya changpu.”

NEHEMIA 5:19

O Zang, kue nang to joppu, ibu khünaknu hanpakma kue chemtukux mokle alan fapuix, ku tsyen ibu texle atak-hüi.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

2 KORIN 9:1

Jehudi angkya Zang khünaknu hato fongkya ahüile ngokya bama kue zale fa angkya ku zongma chem mwot müntüi.

JEREMIA 18:20

Ku müikya khoma kue kop angkya a ochax hi? Ikoxle hwome ku adüt angkya tswomkha thodaoa. Ku nang hato nguilaxle hwom khose ang kue chemle akaxkya dai ija texle atak-hüi, ikoxle tix nange hwom to mongtsiktsik ma laxle münmoküi.

NEHEMIA 13:31

Khünaknue hwom puamün kha angkya saxziak hia pünziak töbu apüile chang angkya hanpakma tamchu hwome ibu apüi pongma töbu zokle ashun angkya hanpakma tingtui nakdong le kue ha achwonle koxpu. Ibu pangwüi texle atak-hüi ilaxle ija bama ku to chingchakya tüihüi.

NEHEMIA 13:22

Liwi hwom ma alüile atsao koxle, Sabath müile atsaole thom angkya kuxma panbu nye angkya kue kaxkoxle changpu. Ija bamachu ku texle atat-hüi, O Zang, ilaxle nang mongkün chongkya tüikya khoma ku panle thom hüi.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

1 JUHAN 1:9

Ikoxlechu keme ma ochax Zang pomtho ma jangngaiba, chixe chix kaxtsao thomüi ilaxle chem supuix ija moküi: Chixe kem ochaxbu thailak faüi üntoxle thaikya mwot pangnu tokhange kem tsaotha ang tomüi.

MÜNCHUAK-TSAI 20:3

Chixe nange koxkya tö pangwüi pongle naxkopkox, ilaxle nange koxkya töbu füi chix mongzom müikya naxtüikox. Selah

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

LAIPAO 1:20

Naotswonnu nyi a Zang thuazakya mixcha nyi daile hokhi füi Zang mongzom müi ikhoma hwom pu-tsa ang tom. Israel khünakbu chizakle pu-tsale tüle zaxzangle hüi.

HWON-NWOT-JAONO 11:1

Mixnok füi thalex ang nang ngun-syen danlax, jangchangba nyix-nyix-ta nang ang olüi tüiüi.

JEREMIA 31:16

Sopngokya zaklax ilaxle hünzom mikfi fwotlax. Hünzome naosombu hanpakma mokkya mwot olüi chikop homtoxle münlepu; hwom a zan nok chaxwan tokya chat angkya changle.

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.

MATHI 20:7

Hwome lan, ‘Kwom ahyen angkya mix owa ngaxchu chitüi khato.’ Ikoxle müiüi, ‘Khaxa hünzom chuwüi kalaxle ku haxtok ma mwot mok kox.’

MATHI 25:17

Ija ningle hajat anyi kopkya mixsünechu wüi hajat anyi onüi alai.