IBRI 5:12 - OTSAO BAIBEL (BSI)

¹² Hünzom nwotmixbu ang achang ang hanpak zanghan okhongui le tüihukya dai: ikoxlechu hünzom hama pongwang pongkya Zang Kaxho bama owawae apua anole fa angkya a laxli ang achangle tüile. Sützan saxhaxkux tsyen to, athaxchu hünzome tsomti ling angkya laipu.

IBRI 5:12 ပူးပေါင်းရင်းမြစ်များ

IBRI 6:1

Idaile owang pongkya khristan kaxho füito dantoxlaxle kempi mixmüi zangwün hato thoto lehax. Tüta pongchu chithap angkya mwot füi atsai laxle Zang to mongongle hüikya

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

IBRI 5:13

Tsomti ling angkya khünak owawachu, chisukya hia sukya süi ang matsingkya nao tuita thatha changpu.

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

MÜNCHUAK-TSAI 34:11

Oman, ku zuikhui tsünzün-hom, ku kax apalax; kue hünzom hama Jowanpa chathua za angkya apuale fafang.

MATHI 17:17

Jisu-e thüi: “Hünzom chem ningkya mongong chitüikya hia thaile ngokya khünakbu hex. Hünzom füi ku a obit ngoüi? Ku hünzom füi athongle chemtukux ngoüi? Naosa ikhato ku hato apüihüi.”

ISAIA 55:1

Jowanpae thüi: “Oman, ti alankyabu pangwüi — ikhama ti tüile! Oman, hünzom ngun chitüikyabu— sozam shakle saxlax! Oman! Grep-ti hia tsomti shaklax — ija ma otha münju!

IZRA 7:10

Jowanpa Wanlom zule tsing angkya, ija tole mok angkya, ilaxle ikhama tüikya wanlombu komkaile Israel khünaknu hama anwot-anole chang angkya to Izra-e chix tsün jao koxle among.

2 SAMUEL 16:23

Ipongma Ahithofel kax a tuita Zang kax tukuxle hwome pongle lax; Dawid hia Absalom hokhi pangnyie wüi chix kax ma lax.

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

1 KORIN 14:19

Ikoxlechu zangshwom-hom ma mix ang anwot anole fa angkya hanpakma, chitsingkya kax ma kaxkhap hajat akaxkya füi, ku tutex makhange kaxkhap aga wüi akaxüi.

ROM NOK HATO ZAKYA POL LAIZA 3:2

Huanuma wüi, changjao changle, olom pangnusa ma wüi! Owang ole, Zange chix Otsao Lai kax (müile twon angkya hanpakma) Jehudi khünakbu ang koxle.

WANGSHEMBU MWOT 7:38

Chix a Israel khünaknu faokha to asox pongmachu hwom füi tomle tüikya mix tuita changkya; ikhoma kem putong hwom hia Sinai haxnu ma chix füi zangwünkya kaxtaimix füi tomle tüikya a chix changkya; kem hato atai-alai angkya khüzün kaxho a chixe kop.

MARK 9:19

Jisu-e hwom ang thüi: “Hünzom a mongong chitüikya khünakbu changle! Ku hünzom füi tomle otukux naxngo le? Hünzom füi athongle ku otukux ngoüi! Naosa ku hato apüihüi!”

FILIPI 3:1

Oshukma ku tüinaohom, Jowanpa füi notomkya ma mongmüi pwonla lax. Thoto zadaokoxlechu ija kax kue chatchatnaole akaxpu üntoxle hünzom zongma ija omüimüi wüi.

ISAIA 28:13

Ikhoma Jowanpae hünzom hama kaxhua-kaxhuak ma, kaxzyen-kaxzyen ma, olom-olom ma anole kox ang azongpu. Ifüima hünzom a chitswon fo to asuale laxüi. Hünzom a thomzünüi, tsünle amanüi, ilaxle zanda ang kople paoüi.

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

GALATIA 4:3

Ilailaile chasa ma matsong tanto kemchu wüi zangfang apünle ngokya chasabu da ang achangle ngokya changle.

IBRI 5:11

Ija bama keme wün angkya tüihule, ikoxlechu hünzom ang tongtik zahik le wünfa angkya a mwottsak tuita changle, chemthüikoxle tsingle lax ang hünzom huanuma wüi daile.

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.