IBRI 4:2 - OTSAO BAIBEL (BSI)

² Chemthüikoxle hwome mokdaokya lailaile keme Kaxho Müikya atatdaoa. Hwome kaxho atat, ikoxle ijae hwom to müikya chemchu chimok, chemthüikoxle otue hwome ija atat laxpuix, izuma hwome Ija mongong makhange pongle chikop.

IBRI 4:2 ပူးပေါင်းရင်းမြစ်များ

1 THESALONIKA 2:13

Ilaxle kwome jento Zang ang münchong fakya chatle mama kaxhuachu tüihupu. Otue kwome Zang Kaxho apukpuix, hünzome ija atat ilaxle ija pongle kop, khünak kaxho ningle chichang ikoxle Zang kaxhole pongle kop, ija changchu changpu, chemthüikoxle mongong tüikyabu hünzom ma Zange mwot mokle.

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

ROM NOK HATO ZAKYA POL LAIZA 2:25

Nange wanlom jangto thüiba, nange khwonzüt zom zingkya ma lap tüile; ikoxle nange wanlom chito thüiba, nange khwonzüt zom mazingkya thatha.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

IBRI 4:6

Kaxho Müikya pongwang ole atatkyabu thome Ija nazak pongle chikop, chemthüikoxle hwome chiong. Ofüima ija pongle lax ang koxkya mamabu tüihule.

1 KORIN 13:3

Ku ma atüitüi komle kue koxle apao ang tsuak koxlax, üntoxle ku tsangtsa zokle ashun ang koxtsuak koxlax, ikoxlechu ku ma mongkün chitüi thüikoxle ku ang chem lap müntüi.

1 PITAR 1:12

Zangkangting tokya ajokya Otsao Chasa tsakzong makhange kaxho mix opange hünzom hama ibu Kaxho Müikya apukkya hünzome atat laxpuix, ibu a kaxtaimixbue ngaxchu tsingle laxse tsukya oli changle. Ija kaxho pongma ajebu ang Zange ibu a hwom lap hanpak münchang ikoxle hünzom lap hanpak changle le angaile kox.

1 THESALONIKA 1:5

Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

GALATIA 4:13

Pongwang ma wai pongma kue Kaxho Müikya hünzom hato büthüikoxle apuk-apua puix ija hünzome texle atak-hu; ija a ku kakkya khoma changle.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

TSAITONG-KAXTONG 1:32

Kue ibu akaxkoxle chuwüi hünzome Jowanpa to ojao chiong;

ROM NOK HATO ZAKYA POL LAIZA 3:3

Hwom züizüie chiong thüikoxchu chem; ile hwome chiongkya khoma Zang müntüile hia?

GALATIA 3:2

Ku hama ija apuahu: Hünzome Zang Chasa, wanlom lwot tokya makhange koppia hia Kaxho Müikya atatlaxle ija to ongkya makhange koppuix?