IBRI 4:13 - OTSAO BAIBEL (BSI)

¹³ Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

IBRI 4:13 ပူးပေါင်းရင်းမြစ်များ

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

WANWÜNKAX 15:3

Jowanpae pangnu khato chempangle changpuix ija ngünle; keme omüi wüi moklax oma wüi moklax, chixe kem to hule ngole.

HWON-NWOT-JAONO 12:14

Kem mwot pangwüi bama Zang-e kaxfün fa angkya changle, chimüikoxlax müikoxlax, huxsa ma mokle changdaokya bama ngaxchu wüi.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

JOB LAIPEX 34:21

Khünak chikap pangwüi to chixe khile hule.

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

WANWÜNKAX 15:11

Ikhato chem tüipuix ija Jowanpa ang awan ang chitomle amalume ngaxchu pyenle thom ang müntho; jangchang thüiba keme kem tutex chix thoto chemle khomle thom ang thoüi?

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

JOB LAIPEX 26:6

Omang chaxwan a Zang zongto khotho-ngaiza tüile; Chix miksho angkya ija chemningkya kahak füichu müntuktho.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

2 PUKAX-PANGAO 6:30

hwom zangjop to lankox. Nang ngwotnui zangkho-wangting tokhange hwom to apakox, hwom thaikya alakkox ilaxle hwom to asunkox. Khünak tutex-mongtsang nang tatae awanwüi. Pangnusa füi olom ma mokmole changhüi,

MÜNCHUAK-TSAI 90:8

Kwom huxsa ochaxbu nang ngün ang tsuakkya li ma, nange kwom ochaxbu nang pomtho ma dan.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

2 PUKAX-PANGAO 16:9

Ma kün-mong chix ang zongbakle koxlaxle ngokyabu ang janzüi kox angkya hanpakmale Jowanpae zangfang pangnu khato hule ngopu. Nange ongat mwot mokdaoa, ikhoma athax makhange nang a othuithuima azanlanle ngoüi.”

JUHAN 21:17

Jisu-e chix ma othom azom lekya machu atüi: “Juna sasün Simon, nange ku to künpuix nyi?” Chixe Jisu to mongkün puix nyi le othom azom ma akaxkya khoma Pitar ang mongtsik dong. Ilaxle chixe Jisu ang thüi: “Jowanpa, kue nang to künle le nange bakle awan ngopu.” Jisu-e chix ang thüi: “Nange ku chunbu tuxkox.”

JUHAN 2:24

Ikoxlechu Jisu-e hwom pangnusa mong wüi awanle ngokya daile, hwom ang chix to ong ang chitom.

JOB LAIPEX 38:17

Tütuechu nang hama owawae omang chaxwan nyetnui fülom ahodaicha?

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

MÜNCHUAK-TSAI 139:4

Kue akaxüi thoto wüi, kue chem akaxüihex nang komkai tsinglax ngopu.

WANWÜNKAX 5:21

Jowanpae nang mwot pangwüi ngünle ngole. Nang ojongto paopuix, chixe nyele ngole.

JEREMIA 16:17

Hwome mokle ngokya pangwüi kue ngünle ngopu. Ku miktho angkya hwom owaechu pyenle münthom; hwom ochaxbu a ku thoto pyen ang müntho.

JEREMIA 23:24

Kue hwom ngün ang chitho angkya khato owachu azwon ang müntho. Ding hia hax ma pangnu khato ku ngole tüikya hünzome münawan hia?

JEREMIA 29:23

Ija a hwom shoma changüi chemthüikoxle hwom a za-adünkya ochaxbu lyenle thaidaoa: hwome chinunchakkai mwot mok tamchu Jowanpa mün lünlaxle kaxthai zangwünle changdaoa. Ija a Jowanpa mongtex füi opüi changle; hwome chem mokdaopuix ija chixe awan ngole, ilaxle hwom zongto mikngün kaxkhi a chixjao changle. Ija kax Jowanpae akaxdaoa.”

DANEL 2:22

Zule tüikya hia huxsa zangwün ang chixe tix ngaile ahopu; zangnak fangto chem pyenle thompuix ija chixe tix awanpu, ilaxle chix jaojao zangngaie akhopkhakle ngopu.

MATHI 6:4

Ile changkoxle tix, nange tö fakya, huxsa mwot ang achangüi. Hopa owae ija nange mokkya huxsa mwot ngünle ngolaxpuix, chixe nang ang otia ma hingho faüi.

JUHAN 4:16

Chixe she ang thüi: “Paolax, nang kakopa nyakle kop laxle ikhato nguihüi.”