IBRI 4:12 - OTSAO BAIBEL (BSI)

¹² Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

IBRI 4:12 ပူးပေါင်းရင်းမြစ်များ

JEREMIA 23:29

Ku kaxho a wün lailaile tamchu longnubu thuple akhixkya jantu tuita lailaile changpu.

ISAIA 55:11

Ija ningle kue wünkya zangwün chuwüi — ijae kue ajangkya mwot chitsuakle müntüi; ijae kue mok ang atomtom pangwüi mok angkya changle.

EFISIA 6:17

Khosün a khohom ang pongle kop; ilaxle Zang kax a chasae nang ang fakya changlo tuita ang pongle koplax.

MÜNCHUAK-TSAI 119:130

Nang hwon-nwot akhix-akhanle wünkyae zangngai fale.

1 PITAR 1:23

Chemthüikoxle ozün ma tüikya tamchu oshuk chitüikya Zang kax makhange, otuechu chizitox angkya Jowanpa susabu ang achang ang hünzom tamchatle pux ang tom.

ISAIA 49:2

Chixe ku kaxfa ang changlo füi ngaxchu anaxle zing. Chix chak makhange jao chixe ku khosünle kop. Chixe ku sanjun lailaile zingle alai, Thuile twon ang müile jao anaxle.

MIKNGÜN-OHÜN 1:16

Chix a tsaxchi chak ma lyettsi anüt koplaxle tüikya, ilaxle nongnong-naxkya changlo chix wikha makhange lai. Chix thün a tungto senyan ningle nyanle tüikya.

1 THESALONIKA 2:13

Ilaxle kwome jento Zang ang münchong fakya chatle mama kaxhuachu tüihupu. Otue kwome Zang Kaxho apukpuix, hünzome ija atat ilaxle ija pongle kop, khünak kaxho ningle chichang ikoxle Zang kaxhole pongle kop, ija changchu changpu, chemthüikoxle mongong tüikyabu hünzom ma Zange mwot mokle.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

MÜNCHUAK-TSAI 149:6

Hwome Zang achuakle changpongma akhong ang tomkox, hwom chak ma nong-nong-naxkya changlobu koplaxle

MIKNGÜN-OHÜN 19:15

Anaxkya changlo oja füi chixe chaxwannu nok to anao angkya hex, ija changlo chix wikha angkya lai. Chixe jan kaithox füi hwom thakma apün angkya changle, üntoxle tüle shixkya Khüthak Zang mongtsik grep-ti fyetnui to chix cha füi tingüi.

EFISIA 5:13

Üntoxle otue abakle zangngai to alai üihex, izuma hwom chemle hex ija komle angaile;

KAXHO MÜIKYA LUK 8:11

“Athax kya kaxpan a ija changle: Tsaxtsang a Zang Kax.

MÜNCHUAK-TSAI 139:2

Kue mokkya komkaile nange tsingle laxpu; tsai-tokhange nange ku mongtex bakle awan laxpu.

JUHAN 6:51

Ku a zangkangting tokya jukya süt changpu; owae ija süt kha angkya saüihex, chix a oshuk chitüile ozün ma ngoüi; ilaxle süt oja kue chaxwan azün ang koxüihex, ija a ku müi changle.”

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

MÜNCHUAK-TSAI 45:3

Nang changlo latkoplax, tsak-zong chongle tüikya wanghompa; nang a fuazangkya tamchu apünkya changle.

MIKNGÜN-OHÜN 19:21

Mankho ma ngale tüikya mixsün wikha makhange laikya changlo füi süpahibu a komle langle awüt; osabue ibu müi otsuaktsuak ma sax.

MIKNGÜN-OHÜN 2:16

Athaxpi ochaxbu tokya chatlax! Chichat thüiningle ku nang hato chwonle wüi nguiüi ilaxle ibu khünakbu füi ku wikha makhange laikya changlo koplaxle azanüi.

IBRI 13:7

Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

WANGSHEMBU MWOT 2:37

Otue hwome ija kax atat, hwom mongto po, ilaxle Pitar hia wangshem mamabu hama atüi: “Tüinaohom, kwome chem moküi?”

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

WANWÜNKAX 5:4

ikoxlechu chemtue ibu pangwüi tsuakle hüiüi hex, she-e nang ang khaxkya boma tsütle kakkya toxüi.

JAKOP 1:18

Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

HWON-NWOT-JAONO 12:11

Jepa mix zangwünbu a tuita otun anaxle tüikya chun-nyetmixbue chunbu lom azüi ang twonkya kiathoxbu ningle, ilaxle süile athünkya wanwünkaxbu a zudakle takle amongkya janza ningle. Ibu a Zang tokhange koxkyabu changle; chix a kem pangnu hanpak ang tuita wüi tüikya Chunnyetpa changpu.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

MÜNCHUAK-TSAI 110:2

Zaion makhange Jowanpa nange apün angkya zong achenle koxüi. Chixe thüi: “Nange nang zanpabu thakma apünlax.”

1 KORIN 1:24

ikoxlechu Zange opang nyakle kopdao laxpuix, Jehudi hia mixnok pangnu wüi, hwom zongto ija kaxho a, owa Zang tsakzong hia je-hwon hex, ija Khrista changpu.

WANGSHEMBU MWOT 5:33

Ija kax atatlaxle nguakhobu ang wün ma lai khi le mongtsik dong üntoxle wangshembu mik amütse tsu.

JUHAN 12:48

Owae ku pongle chikop laxpuix, tamchu ku kax ma chilaxle tüilaxpuix, chix hanpakma kaxfün angkya tuita tüile; kue akax daokya kax, oshuk nyix, chix hanpakma kaxfünpa ang achang angkya changle.

WANGSHEMBU MWOT 7:38

Chix a Israel khünaknu faokha to asox pongmachu hwom füi tomle tüikya mix tuita changkya; ikhoma kem putong hwom hia Sinai haxnu ma chix füi zangwünkya kaxtaimix füi tomle tüikya a chix changkya; kem hato atai-alai angkya khüzün kaxho a chixe kop.

EFISIA 5:26

Tima sole atsaokya füima chix kax makhange müimüithom a Zang ang atsaole kox angkya kuxma chixe ija mok.

IBRI 6:5

hwome apongle hüikya makhange Zang kax a müikya wüi changpu le awanpu, üntoxle füichi tsün tsakzong hwome ajangle laxdaoa.

KAXFÜNPA-HWOM 3:16

Ehud, chix jaoe sokta lokya, pangnyichi anaxkya changlo tuita zingle kop. Chixe ija changlo nyi fang to tsaxchi sam ma pyenle kop.