IBRI 3:6 - OTSAO BAIBEL (BSI)

⁶ Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

IBRI 3:6 ပူးပေါင်းရင်းမြစ်များ

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

1 KORIN 3:16

Nang a zangshwom-hom changle ilaxle Zang Chasa nang ma ngole le nange awanchahex?

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

IBRI 10:35

Idaile hünzom ang mong taxmax chemthüikoxle ijae ma füi tomle chongkya hingho laxlaxle ngoüi.

IBRI 6:11

Hünzom pangnusasae wüi ma küntsu monglua oshuk alople thom angkya kwom mongtex, ikoxle tix hünzome monghom ngokya oli changle naxhüi fa ang,

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

IBRI 4:11

Idaile ija nazak kop angkya kuxma kem pange wüi otsuaktsuak ma azonghax, ile jangchang thüikoxle mongong chitüikya khoma hwome chikopkya lailaile ija nazak chikopkya mix kem khama owachu müntüiüi.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

MIKNGÜN-OHÜN 3:11

Ku lwomle ngui ngole. Nang ma chem tüipuix ija sünle thomlax, ikoxle nang chak angkya tholünkya nang hingho owaechu pale münpao.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

1 TIMOTHI 3:15

Bachutix ku namshyen thüikoxchu, Zang homkha, oja ozün ma tüikya Zang müimüithom hex tamchu otsingtsing hanpakma thongnu hia tafak hex, ikhama kem lailaile chem ningkya zanglom saikha füi saxmok üihex, ija laiza makhange hünzom ang awan ang tomüi.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

MATHI 10:22

Ile ku mün khoma hexle khünaknu pangnue hünzom thua anuüi; ikoxchu oshuk kople adukya mixe khosünkya ataküi.

1 THESALONIKA 5:16

Othuithuima mongmüikox,

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

MATHI 24:13

Ikoxlechu oshuk kople shingmongle adukya khünakbue khosünkya ataküi.

MIKNGÜN-OHÜN 2:25

Ikoxle hünzom ma chem tüipuix ija to ku mahüi mahüile shingmongle künlax ngo angkya changle.

MIKNGÜN-OHÜN 2:18

“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

ROM NOK HATO ZAKYA POL LAIZA 5:2

Keme Jisu Khrista to mongonkya tokhange, oja Zang chingcha athax keme koplaxle ngopuix, ija hato chixe kem ahüile. Idaile Zang fuazangkya süntswon angkya to monghom laxle kem ang mong huanuma müipu!

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

ROM NOK HATO ZAKYA POL LAIZA 11:22

Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.

MATHI 16:18

Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

EFISIA 3:12

Khrista füikya notom ilaxle keme chix to mongongkya tokhange mongao chitüi le Zang ngwotnui to hüi ang kem ma mongchyen tüipu.

IBRI 4:16

Fong mix lomle tüipongma, keme chingcha hia jaja füi fongkya atak tsuak angkya kuxma, kempi chix chongwang ngwotnui hato mongao chitüile ngui

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

IBRI 10:19

Idaile, ku zuikhuibu, Jisu zikya makhange ataxkya Otsao Nui to hüi ang kem ang mongtex pankya tüile.

IBRI 10:21

Kem ang Zang hom hopunu ang akhokya nguapa tuita tüipu.

IBRI 11:1

Mongong a keme monghom le texkya oli bama atsingsho angkya, tamchu keme mike chingünkya oli bama mongao chitüi angkya hanpakma changle.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

MIKNGÜN-OHÜN 2:26

Opange zan to lütpuix, opange ku mongtex mwot, oshuk kople mokle hüipuix, Kue hwom ang chaxwanbu, apün angkya tsakzong koxüi;

EZEKEL 46:10

Wanghom chu khünaknu ngui pongma ngui ilaxle khünaknu pao pongma paole changüi.